San Lucas 7:16 - Bible in Tzeltal Bachajón

¹⁶ Spisil xiwic yu'un soc la yalbeyic bayel yutsilal te Diose, hich la yalic: ¡Chicnajix muc'ul jalwanej ta cohliltic! soc: ¡Dios tal scoltay te pueblo yu'un! xchihic.

Nuevo Testamento Tzeltal de Amatenango

¹⁶ Te kꞌalal la yilik te genteetike, spisilik a xiꞌik yuꞌun, y lijk yalbeyik kola yal Dios yuꞌun. La yalik: —Batsꞌi mukꞌ jꞌalwanej te chikanix ta koliltike —xchiik. Sok la yalik: —Dios a tal skoltayix te jtejklum yuꞌune —xchiik.

Bible in Tzeltal de Oxchuc y Tenejapa

¹⁶ C'alal la yilic te ants-winiquetique, xiw yo'tanic yu'un. La yalbeyic wocol Dios yu'un: —Mero muc' j'alwanej te chicanix ta coliltique —xiic. Soc la yalic: —Dios tal scoltayix te lum yu'une —xiic.

San Lucas 7:16 ပူးပေါင်းရင်းမြစ်များ

Salmos 65:9

Ha'at yac acanantay te lumq'uinal soc yac awa'be ya'lel; bayel bintic yac awac'tilambe. Te be-ha'etic yu'un Dios nojel ta ha' yu'un yac awac'tilambe te trigo yu'unic, yu'un hich chahpambil awu'un.

Éxodo 4:31

La sch'uhun yo'tanic te pueblo, soc c'alal la ya'iyic te Jehová ya sna'be yo'bolil sbahic te snich'nab Israel soc yac yilbel te swocolic, la snijan sbahic soc la sch'uhuntayic.

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

San Mateo 15:31

Te ants-winiquetic xcham yo'tanic yu'un te c'alal la yilic te c'opoj te uma'etic, lecub te nolc'abetic, behen te coxo'etic soc la yilic q'uinal te ts'o'sitetique. La yalbeyic bayel yutsil sc'oblal te Dios yu'un Israel.

San Mateo 21:11

Hich la yalic te ants-winiquetic: Ha te Jesús, te jalwanej te talem ta Nazaret ta sq'uinal Galilea, xchihic.

San Mateo 28:8

Hich loq'uic tal ta muquenal te antsetic soc xiwel soc bayel yutsil yo'tanic, bahtic ta ahnimal ta yalbeyel te jnopojeletic te bin yach'il c'ohtix ta pasel. Te c'alal yacalic ta behel bahel ta yalbeyel a te jnopojeletic te bin yach'il c'ohtix ta pasel,

San Mateo 9:8

C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

San Lucas 1:65

Tojic xiwel yu'un spisil te spat-xuhc, soc puhc ta halel ta witsiltic yu'un Judea te bintic c'oht ta pasele.

San Lucas 1:68

Bayel yutsil te Cajwaltic, te Dios yu'un Israel, yu'un tal swehtesbe scolel te pueblo yu'une.

San Lucas 19:44

ya me sjinat cohel c'alal ta lum soc te awal-anich'nab te tey ayic a, soc ni junuc ton cajal ya xhil ta sba yan ton, como ma ba la ana' te bin ora talat ta ilel, xchi.

San Lucas 2:20

Suhtic bahel te jcanan-tuminchijetic, yac sc'ayojtaybelic bahel te Diose, soc yac yalbebelic bahel bayel wocol yu'un spisil bintic c'ohtix ta pasel te la ya'iyic soc te la yilic, hich te bin ut'il halbotic ya'iyique.

San Lucas 24:19

¿Binti a? xchi te Jesús. Ha te Jesús te talem ta Nazaret, te ha jalwanej, te ay bayel yip ya'tel soc yip sc'op ta stojol Dios soc ta stojol spisil ants-winiquetic,

San Lucas 5:26

Xcham yo'tan spisilic yu'un soc la yalbeyic bayel yutsilal Dios yu'un. Noj xiwel ta yo'tanic, hich la yalic: Yo'tic la jquiltiquix yutsil a'teliletic, xchihic.

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

San Lucas 7:15

Hich la shach sba te mach'a chamen soc hahch ta c'op. Te Jesús la ya'be te snane.

San Lucas 7:39

C'alal hich la yil te fariseo te yic'oj ta we'el te Jesús, la yal ta yo'tan: Te ha'uc jalwanej ha'i winic ini, ya sna'be sba mach'a a soc bin yilel stalel te ants te yac ta picbeyel yoc yu'un te hichuque, como ha jmulawil, xchi ta yo'tan.

San Lucas 8:37

Ha yu'un spisil te ipal ants-winiquetic ta sjoyobal sq'uinal te gadarenohetic la yalbeyic wocol te Jesús te yacuc xloc' bahel ta sq'uinalic, yu'un bayel xiwic. Hich te Jesús och ta barco, suht bahel.

San Lucas 9:19

La sjaq'uic: Ay ya yalic te ha'at te Juan J'ac'-ich'-ha'; ay yantic ya yalic te ha'at te Elías; soc ay yantic ya yalic te ha'at jtuhl jalwanej ta namey te cha'cuxajemix tal, xchihic.

San Juan 1:21

La sjoc'obeyic xan: ¿Mach'ayat a hiche? ¿Ha'at bal te Elíasat? xchihic. Ma ho'ucon, xchi. ¿Ha'at bal te Jalwanejat? xchihic. Ma ho'ucon, xchi xan.

San Juan 1:25

La sjoc'obeyic te Juan: Teme ma ha'ucat te Cristo, o Elías o te Jalwanej, ¿bin yu'unix a te yac awac'bel ich'-ha'? xchihic.

San Juan 4:19

La sjac' te antse: Tat, jalwanejat ya quil.

San Juan 6:14

Ha yu'un te winiquetic, c'alal la yilic te seña te la spas te Jesús, hich la yalic: Melel nix a te ha te Jalwanej te ya xtal ta bahlumilal, xchihic.

San Juan 9:17

Ha yu'un la scha'joc'obeyic xan te ts'o'site: ¿Bin yac awal ha'at yu'un te mach'a la sjambat asit? la yutic. Ha jalwanej, xchi.

Hechos 5:5

C'alal hich la ya'iy te Ananías, puch' bahel ta lum, toj chamel. Spisil te mach'atic la ya'iyic bayel xiwic yu'un.

Hechos 7:37

Ha nix te Moisés te hich la yalbe te snich'nab Israel: Te Cajwaltic Dios awu'unic ya me schicnajtes jtuhl jalwanej ta yohlil te awermanotac hich te bin ut'il te ho'one, xchi.

Gálatas 1:24

Hich la yalbeyic bayel wocol Dios yu'un ta jcuenta.

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.