San Lucas 7:12 - Bible in Tzeltal Bachajón

¹² C'alal nopol ya xc'ohtix ta yochibal te pueblo, yac yic'belic bahel mach'a chamen, hip jtuhl a te yal me'ba' ants; soc joquimbil bahel yu'un tsobol ants-winiquetic yu'un te pueblo.

Nuevo Testamento Tzeltal de Amatenango

¹² Nopol xlaj kꞌotix a, te ba tiꞌ jtejklume la yil choybil kꞌael jtul anima yuꞌun xbajt ta mukel. Te smeꞌe meꞌbaꞌ ants. Jip a te jtul yale. Joyinbil kꞌael yuꞌun bayal genteetik yuꞌun te jtejklume.

Bible in Tzeltal de Oxchuc y Tenejapa

¹² Te bit'il nopol ayiquix ta ti'lume, la yil q'uechbil loq'uel tel ta lum anima te ya xbajt'ix ta muquele. Sjoinej tel te tsobol ants-winiquetique. Te sme' te animae, me'ba ants. Jip jtul a te yal te laje.

San Lucas 7:12 ပူးပေါင်းရင်းမြစ်များ

Génesis 22:12

Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Génesis 22:2

Hich halbot yu'un: Ic'a bahel te Isaac te hip jtuhl anich'an te bayel c'ux ta awo'tan, bahan soc ta q'uinal Moriah, tey ta banti wits ya calbat, ya me xc'oht awac' ta scohtol chic'bil mahtanil, xchi.

2 Samuel 14:7

Yo'tic spisil te mach'atic ay cu'un ma lecuc yo'tanic ta jtojol yu'un, hich ya yalic: Ac'a ta c'abal te mach'a la smil te yermano scuenta yu'un ya cac'cotic ta lajel yu'un te la smil te yermanohe. Hich ya jmilcotic te mach'a hilem te ya yich' te bin ay yu'un te state, xchihic. Hich ya stup'bonic te ac'al te hil cu'une. Hich ya stup'beyic ta bahlumilal te sbihil soc sts'umbal te jmamalal, xchi.

1 Reyes 17:12

La sjac' te ants: ¡Yiloj Jehová, te Dios awu'un, mayuc pan ta'ajem cu'un! Ha xanix johp harina ay cu'un ta oxom soc jteb xan aceite ta jarra. Yacon ta tsobel jtebuc si', ya xbaht jpas pan yu'un ya jwe' soc te cal, patil ya xchamotcotic, xchi.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

1 Reyes 17:23

Hich te Elías la spet, la yic' hahchel tey ta scuarto, la yic' cohel tal, la ya'be te snan, hich la yalbe: Ilawil, cuxulix te awale, xchi.

1 Reyes 17:9

Hahchan, bahan ta Sarepta te ay ta sq'uinal Sidón, tey ya xnahinat a. La jpasix ta mandar jtuhl me'ba' ants te ya ya'bat awe'el, xchi sc'oblal.

2 Reyes 4:16

Te Eliseo hich la yalbe: Ta yan ha'bil, ta hich ora, ya me apet awal, xchi. La sjac' te ants: Ma'uc, cajwal, winicat yu'un Dios, ma me xatse'lay te a'bat awu'une, xchi.

2 Reyes 4:20

Hich te a'bat la yic' bahel ta banti ay snan; te alal huhcaj ta sjol yacan te snan ha to c'alal ta ohlil c'ahc'al; tey cham a.

Job 29:13

C'oht ta jtojol te bendición yu'un te mach'a chamelix; soc la jcac' stse'ejinuc yo'tan te me'ba' ants.

Zacarías 12:10

Ya jmal cohel jun espíritu yu'un yutsil-o'tanil soc yu'un sc'oponel Dios ta stojol te sna David soc te mach'atic nahinemic ta Jerusalén. Ya me yilonic, ho'on te la slowonic, ya me smel yo'tanic hich te bin ya smel yo'tanic yu'un hip jtuhl nich'anil te chame, ya me x'oq'uic yu'un hich te bin ya x'oq'uic yu'un te cham ba-nich'anil.

San Lucas 7:11

Ta patil yac ta bahel ta Naín a te Jesús, sjoc bahel tsobol te jnopojeletic yu'un soc bayel ants-winiquetic.

San Lucas 7:13

Te Cajwaltic, c'alal la yil te antse, sts'ujet ta yo'tan la ya'iy, hich la yalbe: Ma x'oc'at, xchi.

San Lucas 8:42

yu'un chamelix te hip jtuhl yantsil-nich'an, te ay wan lahchayeb (12) ya'bilal. C'alal yac ta bahel a, lats'bil bahel yu'un bayel ants-winiquetic te Jesús.

San Lucas 8:52

Spisilic yacalic ta oq'uel soc ta mel-o'tan yu'un. Pero la yal te Jesús: Ma x'oq'uex; ma ba chamen te ach'ixe, wayal nax, xchi.

San Juan 11:19

tsobol judíohetic talem yilbelic te Marta soc te María scuenta yu'un ya smuc'ubtesbeyic q'uinal ya'iyic yu'un te cham te sbanquilique.

Hechos 9:39

Hich hahch te Pedro soc la sjoquin bahel. C'alal c'oht tey a, la yiq'uic ochel ta jtsahl-na te banti joytaybil yu'un spisil me'ba' antsetic, yacalic ta oq'uel soc yac yac'belic ta ilel te c'u'ul pac'aletic pasbotic yu'un Dorcas te c'alal sjoquinejic to a.

Hechos 9:41

Te Pedro la stsac hahchel ta sc'ab; la yic' tal te mach'atic ch'uhltesbilic soc te me'ba' antsetic, cuxulix a la ya'be ta stojolic.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.