San Lucas 6:47 - Bible in Tzeltal Bachajón

⁴⁷ Spisil te mach'atic ya xtalic ta jtojol, te ya ya'iybonic jc'op soc ya spas, ya calbeyex awa'iyic mach'a pajal soc.

Nuevo Testamento Tzeltal de Amatenango

⁴⁷ Ya kalbeyex awaꞌiyik te tut yilel kꞌoem te machꞌa ya xtal yaꞌibon sluwar te jkꞌope sok ya spas te tut ya kale.

Bible in Tzeltal de Oxchuc y Tenejapa

⁴⁷ Ya calbeyex awaiyic te bi yilel c'oem te mach'a ya xtal yaiybon stojol jc'op soc te ya spas te bila ya cale.

San Lucas 6:47 ပူးပေါင်းရင်းမြစ်များ

Isaías 55:3

Jama achiquin, la'ic ta jtojol; a'iya awa'iyic yu'un hich ya xcuxaj ach'uhlelic a. Ya jpas chapbil c'op ta atojolic te sbahtel q'uinal ay, ha te sc'uxul co'tan ta stojol David te stalel ay.

San Mateo 12:50

Como spisil te mach'atic ya spasbeyic te bin ya sc'an yo'tan te Jtat ay ta ch'ulchan, ha quihts'inab soc ha jnan stuquel, xchi.

San Mateo 17:5

Yac to ta c'op a, hulic ta axintesel yu'un tocal te ay sts'anabul, soc chicnaj c'op ta tocal te hich la yal: Ha Jnich'an ini te c'ux ta co'tan, te bayel yutsil co'tan yu'un. A'iybeya awa'iyic sc'op, xchi la ya'iyic.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

San Lucas 14:26

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

San Lucas 6:48

Ha pajal soc te winic te la spas sna, c'ubul la shotbe sch'enal, la ya'be yich'o-ip ta sba ton. C'alal tal snojel ha', tulan hul ta tahel te nahe, pero ma ba hu' syuc'bel, como ipajem ta ton.

San Lucas 8:13

Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

San Lucas 8:8

Ay yan c'oht ta lequil lum, ch'ihy tal, sitin ta lec, la yac' ho'winic (100) ta p'ij sbac', xchi. C'alal laj yalbel a, tulan la yal: Te mach'a ay schiquin, ac'a me ya'iy, xchi.

San Juan 10:27

Te tuminchijetic cu'un ya ya'iybonic jc'op soc ya jna'ticlambe sba, soc ya st'unonic;

San Juan 13:17

Teme hich ana'ojic, bayel me awutsilic teme hich yac apasique.

San Juan 14:15

Teme c'uxon ta awo'tanic, ch'uhumbonic te mandariletic cu'une.

San Juan 5:40

pero ma xac'an ya xtalex ta jtojol yu'un yac awich' acuxlejalic.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

San Juan 6:37

Ya xtal ta jtojol spisil mach'a ya ya'bon ta jcuenta te Jtate, soc te mach'a ya xtal ta jtojol, ma ba ya jten loq'uel.

San Juan 8:52

La yalic te judíohetic: La jna'cotiquix te ay pucuj ta awo'tan. Cham te Abraham soc te jalwanejetic; pero ha'at yac awal: Te mach'a ya scanantaybon te jc'ope, mayuc bin ora ya xcham, xchihat.

Hebreos 5:9

soc te c'alal ts'acal c'oht, ha J'ac'-colel c'oht scuenta sbahtel q'uinal yu'un te mach'atic ya sch'uhumbeyic smandar,

Santiago 4:17

Te mach'a sna'oj te bin lec ta pasel, pero teme ma ba ya spas, ha smul abi.

1 Pedro 2:4

Nopojanic ta stojol Cristo, ha te cuxul ton, te p'ajbil yu'un ants-winiquetic pero tsahbil yu'un Dios soc ha bayel sc'oblal ta yo'tan.

2 Pedro 1:10

Ha yu'un, quermanotac, ac'ahic xan fuersa te smelelil ya xc'oht te iq'uel soc te tsahel awu'unic, como teme hich yac apasic, ma jaymehl ya xyahlex.

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

1 Juan 3:7

Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.