San Lucas 6:45 - Bible in Tzeltal Bachajón

⁴⁵ Te winic te lec yo'tan, ya sloq'ues tal te bin lec ay ta yo'tan. Yan te winic te ma lecuc yo'tan, ya sloq'ues tal te bin ma lecuc ay ta yo'tan, como ya xloc' tal ta ye te bin nojel ta yo'tane.

Nuevo Testamento Tzeltal de Amatenango

⁴⁵ Te winik te lek yoꞌtane lek te tut ya yal lokꞌel ta stiꞌe, yuꞌun lek te tut ay ta yoꞌtane. Yan te winik te ma tsaꞌamuk yoꞌtane, ma lekuk te tut ya yal lokꞌel ta stiꞌe, yuꞌun ma tsaꞌamuk te tut ay ta yoꞌtane. Jich ta jkꞌoptik ya xchiknaj te tut ma tsaꞌamuk ay ta koꞌtantike.

Bible in Tzeltal de Oxchuc y Tenejapa

⁴⁵ Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

San Lucas 6:45 ပူးပေါင်းရင်းမြစ်များ

Salmos 140:5

Te mach'atic stoyoj sbahic snac'ojbonic jyacol; slimojic ta ti' be te yaquil, la schahpaniquix lazohetic banti ya xc'axon. Selah

Salmos 59:12

Ta scaj smul ye, ta scaj sc'opic, ac'a yich'ic chuquel yu'un te stoybahilic, soc yu'un te chopol sc'oblal ya yalic soc te lot ya ya'iyique.

Salmos 59:7

Yac ta loq'uel sbuhl yehic, ay espada ta sti'il yehic, hich ya yalic: ¿Mach'a ya ya'iy? xchihic.

Proverbios 12:18

Ay mach'a te hich ya x'ehchenteswan te bin ut'il espada te sc'opique, yan te sc'op te mach'a p'ij yo'tan ya xpoxtaywan stuquel.

Proverbios 15:23

Tse'el yo'tan te mach'a ya stahbe lec suhtib c'op; soc buen lec te c'op te ya yich' halel ta mero yorahil.

Proverbios 4:23

Ta spisil, canantaya awo'tan, como tey ya xtal a te acuxlejale.

San Juan 7:38

Te mach'a ya sch'uhunon, hich te bin ut'il ya yal te Shun Dios, ya me x'oquin tal cuxul ha' ta yo'tan, xchi.

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

Efesios 3:8

Te ho'on te peq'uel ayon yu'un spisil mach'atic ch'uhltesbilic, a'boton te yutsil mahtanil ini, ha te ya calbe te jyanlumetic te lec yach'il c'op yu'un te c'uhlejaliletic yu'un Cristo te ma xhu'ic ta ahtayel,

Efesios 4:29

Ma me xloc' bohlc'op ta awehic, ha'uc nax lequil c'op te ya xtuhun scuenta ya'beyel yipic te yantic, scuenta yutsil slequil te mach'a ya ya'iybeyex ac'opique.

Efesios 5:19

Talel c'axel xac'opon abahic ta salmohetic, c'ayojetic yu'un Dios, soc ch'ul c'ayojetic; c'ayojtayahic soc halbeyahic yutsilal te Cajwaltic ta awo'tanic,

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Colosenses 4:6

Bayeluc me yutsil ac'opic ya xc'opojex, ayuc me yats'amul, scuenta yu'un yac ana'ic bin ut'il yac ajac'beyic sc'opic ta jujutuhl.

Hebreos 8:10

Ha yu'un hich ay te chapbil-c'op ya jpas soc te na yu'un Israel ta patil, xchi te Cajwaltic: Ya cac' ta spensaric te leyetic cu'un, ya jts'ihbabe ta yo'tanic; ho'on Dioson yu'unic ya xc'ohon, soc ha pueblo cu'un ya xc'ohtic.

Judas 1:15

yu'un ya yich' ta c'op spisilic, yu'un ya yalbe smul spisil mach'atic chopol yo'tanic yu'un spisil bintic c'ax chopol la spasic, soc yu'un spisil te bintic ma lecuc la yalbeyic sc'oblal Dios te chopol jmulawiletique, xchi.