San Lucas 6:42 - Bible in Tzeltal Bachajón

⁴² ¿Bin yu'unix a te hich yac awalbe te awermano: Hermano, a'bon jloq'uesbat te jwihts' c'a'pal ay ta asit, te xchihate, teme ma ba yac awil te ts'amte' ay ta asite? ¡Jchebal-o'tanat! Ha nahil xaloq'ues te ts'amte' ay ta asit, hich yac awil ta lec a te yac aloq'uesbe te jwihts' c'a'pal ay ta sit te awermanohe.

Nuevo Testamento Tzeltal de Amatenango

⁴² Tutꞌil ya xjuꞌ awuꞌun te ya awalbe te awermanoe: “Hermano, aꞌbon jlokꞌes te chꞌin kꞌaꞌpal te ay ta asite, teme ya awute. ¿Meꞌn makꞌ anaꞌ te ay mukꞌul troso te kꞌatal ta asite? Te jaꞌexe ma tsaꞌamuk awoꞌtanik. Lokꞌesa nailuk te mukꞌul troso te kꞌatal ta asite. Jich ya xjuꞌ awuꞌun yilel lek te chꞌin kꞌaꞌpal ya alokꞌesbe ta sit te awermanoe.

Bible in Tzeltal de Oxchuc y Tenejapa

⁴² ¿Bit'il ya xju' awu'un te ya awalbey te awermanoe: “Quermano, ac'bon jloq'uesbat te ch'in ac te ochem ta asite”, teme xaate? Melel ay muc'ul ts'amte' te c'atal ta asit atuquele. Te ja'ate cha'lam awo'tan. Loq'uesa neeluc te muc'ul ts'amte' te c'atal ta asite. Jich ya xju' awu'un sloq'uesel te ch'in ac te ochem ta sit te awermanoe.

San Lucas 6:42 ပူးပေါင်းရင်းမြစ်များ

Proverbios 18:17

Te mach'a nahil ya scoltay sba ta c'op, hich ya'iyel te toj ay, ha to c'alal ya xtal yan te ya sjoc'obe ta lec.

San Mateo 26:75

Ha yu'un te Pedro hul ta yo'tan te bin la yal te Jesús: Ma to x'oc' tat mut a te yac amucon ta awo'tan oxeb buelta, te xchihe. Hich loc' bahel soc bayel la yoq'uetay sba yu'un.

San Mateo 7:3

¿Bin yu'un yac awil te c'a'pal ochem ta sit te awermano, te ma ba yac awil te ts'amte' ay ta asit?

San Mateo 7:4

¿Bin yu'un hich yac awalbe te awermano: A'bon jloq'uesbat te c'a'pal ochem ta asit, te xchihat, pero ha'at ay ts'amte' ta asit?

San Lucas 13:15

La sjac' te Cajwaltic: ¡Jchebal-o'tanex! Jujutuhlex, ¿ma bal yacuc atilic te j'a'tel-wacax o burro awu'unic ta banti chucul yu'un yac awa'beyic yuch' ha' ta sc'ahc'alel cux-o'tan?

San Lucas 22:32

pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

San Lucas 6:41

¿Bistuc yac awil te jwihts' c'a'pal ay ta sit te awermano, pero ma ba yac awil te ts'amte' ay ta asit te ha'ate?

San Lucas 6:43

Mayuc lequil te' te ma lecuc sit ya yac'; soc mayuc te' te ma lecuc, te lec sit ya yaq'ue.

Hechos 13:10

hich la yalbe: ¡Nojel ta awo'tan lo'loywanej soc spisil bintic chopol, yal-snich'anat pucuj, acontrahinej spisil te bintic stojil ta pasel! ¿Jc'axel bal ma xacom aba ta sjimbeyel te toj be yu'un te Cajwaltique?

Hechos 2:38

Halbotic yu'un te Pedro: Suhtesa awo'tanic yu'un amulic soc ac'a abahic ta a'beyel awich'ic ha' ta tuhlutuhl ta scuenta sbihil te Jesucristo scuenta yu'un hich ya spasbeyex perdón yu'un te amulique; amahtanic yac awich'ic te Ch'ul Espíritu,

Hechos 8:21

Mayuc awa'tel ta spasel ini soc ma acuentahuc, como ma tojuc awo'tan ta stojol Dios.

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

2 Corintios 5:18

Ta spisil ini talem ta stojol Dios, te la yac' te jun co'tan jbahtic c'ohotic soc ta scuenta Cristo, soc la ya'botic ca'teltic yu'un te junuc yo'tan sbahic ya xc'oht soc Dios te yantique.

2 Timoteo 2:21

Ha yu'un te mach'a ya spoc sba yu'un te bintic chopol ini, ha ya yich' tuhunel yu'un spasel te bin bayel sc'oblal, ch'ultesbil ya xc'oht, ya xtuhunot yu'un te Cajwaltic soc chapal ta spasel spisil lequil a'telil.

2 Pedro 1:9

Yan te mach'a mayuc yu'un ini, ma ba lec te site, ma xyil q'uinal, ch'ayem ta yo'tan te pocbotix loq'uel te smul la sta ta nahil to.