San Lucas 6:41 - Bible in Tzeltal Bachajón

⁴¹ ¿Bistuc yac awil te jwihts' c'a'pal ay ta sit te awermano, pero ma ba yac awil te ts'amte' ay ta asit te ha'ate?

Nuevo Testamento Tzeltal de Amatenango

⁴¹ ¿Tuꞌun te jaꞌ ya awil te chꞌin kꞌaꞌpal te ay ta sit te awermanoe? Yan te mukꞌul troso te kꞌatal ta asite, makꞌ ya awil stukel.

Bible in Tzeltal de Oxchuc y Tenejapa

⁴¹ “¿Bistuc ja' ya awil te ch'in ac te ochem ta sit te awermanoe? Yan te muc'ul ts'amte' te c'atal ta asite, ma ba ya awil stuquel.

San Lucas 6:41 ပူးပေါင်းရင်းမြစ်များ

1 Reyes 2:32

Te Jehová ha me ya sutbe spacol te ch'ich' ta stojol, como la smil te cheb winiquetic te c'ax hich toj soc lec ta winiquil a te bin ut'il te Joab; la smilticlan ta espada te ma ba la sna' te jtat David: ha te Abner snich'an Ner, te jtsobaw yu'un soldadohetic yu'un Israel, soc te Amasa te snich'an Jeter, te jtsobaw yu'un soldadohetic yu'un Judá.

1 Crónicas 21:6

Pero ma ba la yich' ahtayel te sts'umbal Leví soc Benjamín, como te Joab la sp'ajbe te smandar te ajwalile.

Salmos 36:2

Muc' scuyoj sba ta sit, yu'un ya scuy te ma xchicnaj te smul soc ma ba ya yich' ihlayel.

Jeremías 17:9

Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Ezequiel 18:28

Como la yil soc la yihquitay hilel spisil te bintic la sc'axuntay, ya me xcuxaj, ma ba ya xlaj.

San Mateo 7:1

Ma me xawilbeyic ya'tel yan, scuenta yu'un ma ba ya x'ilot awa'telic a te ha'exe,

San Marcos 8:7

Soc ay cha'oxcoht bic'tal chay yich'ojic. Te Jesús la ya'be bendición soc ha nix hich la yac' ta puhquel.

San Lucas 6:40

Te jnopojel ma ha'uc toyol xan yu'un te maestro yu'une; pero spisil te mach'atic ts'acal la snopic, pajal ya xc'ohtic soc te maestro yu'unique.

San Lucas 6:42

¿Bin yu'unix a te hich yac awalbe te awermano: Hermano, a'bon jloq'uesbat te jwihts' c'a'pal ay ta asit, te xchihate, teme ma ba yac awil te ts'amte' ay ta asite? ¡Jchebal-o'tanat! Ha nahil xaloq'ues te ts'amte' ay ta asit, hich yac awil ta lec a te yac aloq'uesbe te jwihts' c'a'pal ay ta sit te awermanohe.

San Juan 8:7

Te bin ut'il ma ba laj yo'tanic ta sjoc'obeyel, la stehc'an sba, hich la yalbe: Te mach'a mayuc smul, ha nahil ac'a sch'oj ta ton te antse, xchi.

Romanos 2:1

Ha yu'un mayuc bin ya xmacawanat ta c'op a, ha'at te yac awich' ta c'op yan, como te bin ut'il yac awich' ta c'op yan, ha'at nix yac awalbel te ay amul, como te bin yac awich' ta c'op a te yane, ha nix hich yacat ta spasel.

Santiago 1:24

xlaj nax yilbel sba a ya xloc' bahel, ora ya xch'ay ta yo'tan te bin yilele.