San Lucas 6:38 - Bible in Tzeltal Bachajón

³⁸ A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Nuevo Testamento Tzeltal de Amatenango

³⁸ Aꞌbeyaik te tut maꞌyuk yuꞌun te yane. Jich me ya yaꞌbeyex euk te Diose te lek pꞌisbil, te lek tembil ta nojesel, te yukꞌilanbil, kꞌeba nax me koel te ba yawile. Te Diose jich me ya spꞌisbeyex ta mismo pꞌisil te tut ya apꞌisike —xchi te Jesuse.

Bible in Tzeltal de Oxchuc y Tenejapa

³⁸ Ac'beyaic te bila ma'yuc yu'un te yantique, jich me ya yac'beyex uuc te Diose: Lec p'isbil, tenbil ta nojesel ta lec, yuq'uilbil, xt'oquet nax me te ya scojc'an coel ta yawile. Te jich yipal ya ap'isbeyic te yantique, jich nix yipal ya sp'isbeyex uuc te Diose —xi' te Jesuse.

San Lucas 6:38 ပူးပေါင်းရင်းမြစ်များ

2 Samuel 19:36

Te a'bat awu'un ya me sjoquinat jts'ihnuc xan bahel ta jehch ha' Jordán. ¿Bin yu'un ya ya'bon hich jmuc'ul mahtan te ajwalil?

Ester 7:10

Hich la sjihpanic te Amán ta ts'apbil te' te ha nix la schahpan te ha yu'un sc'oblal te Mardoqueo. Hich lahmaj yilimba te ajwalil.

Ester 9:25

Pero c'alal c'oht ta stojol ajwalil te Ester, la yal mandar ta carta te ajwalil te ac'a suhtuc ta stojol Amán te bin chopol schapoj ta scontrahinel te judiohetic; soc ac'a yich' jihpanel ta te' soc te snich'nabe.

Job 42:11

Talic ta stojol spisil te sbanquil yihts'in soc spisil te mach'atic la sna'beyic sba ta nahil to, we' uch'ic ta sna. Pajal la smel yo'tanic yu'un soc la smuc'ubtesbeyic q'uinal ya'iy yu'un spisil swocol a'bot yu'un Jehová. Ta jujutuhl la ya'beyic taq'uin soc jujun ch'ocowil oro.

Salmos 79:12

Soc sutbeya spacol huqueb buelta te jpat-xuhcotic yu'un te la spehc'ambat ac'oblal, Jehová.

Éxodo 21:24

teme ta sit, ta sit nix; teme ta sbaquel ye, ta sbaquel ye nix; teme ta sc'ab, ta sc'ab nix; teme ta yoc, ta yoc nix;

Proverbios 10:22

Te bendición yu'un Jehová ya yac' c'ulejalil, soc ma ba ya yac' mel-o'tan.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Proverbios 22:9

Te mach'a ya x'ilawan soc sc'uxul yo'tan ya x'a'bot bendición, como ya ya'be swe'el te pobre.

Jeremías 32:18

Yac ac'uxultay bayel ta mil, soc yac awa'be castigo te yal-snich'nabic yu'un te bintic chopol spasojic te me'iltatiletique. ¡Muc' Diosat soc bayel awu'el, ha Jehová te scuentahinej spisil, te abihile!

San Mateo 10:42

Mach'ayuc a te ya ya'be junuc vaso siquil ha' jtuhluc te peq'uel ay te bin ut'il ha jnopojel, jamal ya calbeyex te ma ba ya xch'ay te smahtane, xchi te Jesús.

San Mateo 7:2

como te bin ut'il yac awilbeyic ya'tel yan, hich nix ya x'ilot te awa'telic, soc te bin yilel yac ap'isbeyic, ha ni me hich yac awich'ic p'isbeyel.

San Marcos 4:24

Soc la yalbeyic: Tsahtaya me abahic yu'un te bin yac awa'iyic, como te bin yilel yac ap'is, ha nix hich yac awich' p'isbeyel, soc c'ax hich ya x'a'botat a,

San Lucas 6:30

Mach'ayuc a te ay bin ya sc'ambat, a'beya; soc te mach'a ya yich'bat te bin ay awu'un, ma me xac'ambe suhtel.

Deuteronomio 15:10

Ya me awa'be, ma socuc at'ut'il yac awa'be, como ha nix ta scuenta te ya ya'bat bendición te Jehová te Dios awu'un ta spisil awa'tel soc spisil te bintic yac apas.

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Jueces 1:7

Hich la yal te Adoni-bezec: Lajuneb schanwinic (70) ta tuhl ajwaliletic te loq'uemic sme' sc'abic soc sme' yoquic la stamticlanic xeht'elul we'elil ta ye'tal te mesa cu'un. Hich te bin ut'il la jpas, hich nix la ya'bon jtoj te Diose, xchi. La yiq'uic bahel ta Jerusalén, tey cham a.