San Lucas 6:30 - Bible in Tzeltal Bachajón

³⁰ Mach'ayuc a te ay bin ya sc'ambat, a'beya; soc te mach'a ya yich'bat te bin ay awu'un, ma me xac'ambe suhtel.

Nuevo Testamento Tzeltal de Amatenango

³⁰ Machꞌauk a teme ay tut ya skꞌanbeyexe, aꞌbeyaik. Sok teme ay machꞌa ya spojbeyex te tut ay awuꞌunike, ma me akꞌambeyik sujtel.

Bible in Tzeltal de Oxchuc y Tenejapa

³⁰ Spisil mach'a ay bila ya sc'anbeyex, ac'beyaic. Soc teme ay mach'a ya spojbeyex te bila ay awu'unique, ma me x'ac'anbeyic sujt'el.

San Lucas 6:30 ပူးပေါင်းရင်းမြစ်များ

Salmos 112:9

Ya spucticlan, ya ya'be te pobrehetic, stalel ay te bin toj ya spas; ya xtohybot sc'oblal te yip scuenta yich'el ta muc'.

Salmos 41:1

Bayel me yutsil te mach'a ay ta yo'tan te pobre; ya xcoltayot yu'un Jehová ta yorahil wocol.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Proverbios 21:26

Sjunal c'ahc'al ya xbic'taj yo'tan, yan te mach'a toj yo'tan ma p'isbiluc ya yac' stuquel.

Proverbios 22:9

Te mach'a ya x'ilawan soc sc'uxul yo'tan ya x'a'bot bendición, como ya ya'be swe'el te pobre.

Eclesiastés 11:2

Pucticlana ta hucwohc', o ta waxacwohc' te bintic ay awu'un, como ma na'biluc awu'un bin wocolil ya xtal ta q'uinal.

Eclesiastés 8:16

Hich la jcac' co'tan ta sna'el te p'ijil-o'tanil soc ta stsahtayel te bintic yac ta pasel ta bahlumilal, (yu'un ay mach'a ma ba ya xway c'ahc'al ahc'abal);

San Mateo 18:35

Ha nix hich ya spasbeyex te Jtat ay ta ch'ulchan teme ma spisiluc awo'tan yac apasbe abahic perdón ta tuhlutuhl soc awermanotac, xchi te Jesús.

San Mateo 5:39

Pero ho'on ya calbeyex: Ma me xapac ac'abalic ta stojol te mach'a chopole. Teme ay mach'a ya smajbat awa'el-cho, ac'a smajbat te yane.

San Mateo 6:12

Pasbotcotic perdón yu'un jmulcotic, hich te bin ut'il ya jpasbecotic perdón te mach'atic ay smulic ta jtojolcotic.

San Lucas 11:41

Q'uebembeya te pobrehetic te bin ay awu'un, hich pocbil ya xc'oht awu'unic spisil a.

San Lucas 12:33

Chonahic te bintic ay awu'unic, q'uebembeyahic te pobrehetique; pasa achu'uyic te ma xpoco'ubic, ayuc me c'uhlejalil ta ch'ulchan te ma xlaj, te banti ma x'och j'elec' soc te banti ma xjoch'ob.

San Lucas 18:22

C'alal hich la ya'iy te Jesús, la yalbe: Ay to jun xan ban ya spasat falta: chona spisil te bintic ay awu'un, q'uebembeya te pobrehetic, hich me ay ac'uhlejal ta ch'ulchan a; soc la', t'unawon, xchi.

San Lucas 6:29

Te mach'a ya smajbat acho, ac'a smajbat schebal; soc te mach'a ya spojbat amuc'ul-c'u', a'beya ec te anahtil-c'u'e.

San Lucas 6:31

Te bintic ya sc'an awo'tanic te ya spasbeyex yantic, ha ni me hich xapasbeyic.

San Lucas 6:38

A'beyahic, hich me ya x'a'botex: lec sp'isojbil, tembil, yuq'uilambil soc buen t'ocol yac awich'ic. Como te hich smuc'ul yac ap'is, hich nix yac awich' p'isbeyel, xchi.

Hechos 20:35

Ta spisil ini la jca'beyex anopic, teme hich ya x'a'tejex, ya xhu' yac acoltayic te mach'atic mayuc bin ay yu'unic. Soc na'ahic me te bin la yal te Cajwaltic Jesús: Ha bayel xan yutsil te mach'a ay bin ya yac' te bin ut'il ay bin ya yich', te xchihe, xchi.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Efesios 4:28

Te mach'a ya sna' elec', ma me xya'iyix elec', ac'a a'tejuc, ac'a spas ta sc'ab te bin lec ta pasel, scuenta yu'un hich ya sta a te bin ya ya'be te mach'a mayuc bin ay yu'une.