San Lucas 6:28 - Bible in Tzeltal Bachajón

²⁸ lec me sc'oblal awu'unic te mach'atic chopol ac'oblalic yu'un, soc c'opombeyahic Dios te mach'atic ya yixta'c'optayex.

Nuevo Testamento Tzeltal de Amatenango

²⁸ Sok lek skꞌoplal xꞌawalbeyik te machꞌatik ma tsaꞌamuk akꞌoplal ya yalbeyexe. Sok kꞌoponbeyaik Dios te machꞌatik ya sbolkꞌoptayexe.

Bible in Tzeltal de Oxchuc y Tenejapa

²⁸ C'anbeya bendición te mach'a ya sbolc'optayexe, soc c'oponbeyaic Dios te mach'a ya stoybac'optayexe.

San Lucas 6:28 ပူးပေါင်းရင်းမြစ်များ

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.

Ezequiel 25:15

Hich yaloj Jehová, te Ajwalil: Te filisteohetic, te bin ut'il la spac' sc'abalic, te la spasic soc xut'et slab yo'tanic, te la sjinticlanic ta scuenta te namey scontrahinej sbahique;

Ezequiel 36:5

ha yu'un hich yaloj te Jehová, te Ajwalil: C'opojon soc xut'et co'tan ta scontrahinel te yantic nacionetic soc spisil Edom, te ta scuenta tse'el yo'tanic soc sc'ahc'al yo'tanic la yich'bonic te q'uinal cu'un, scuenta yu'un ya yu'untayic te mach'atic tembilic loq'uel tey a.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Lucas 6:27

Pero ha'ex te yac awa'iybonic te jc'ope, ya calbeyex: C'ux me xawa'iy ta awo'tan te acontrahic, lec me bin yac apasbeyic te mach'atic ya sp'ajex;

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

Hechos 14:5

Te judíohetic soc te jyanlumetic, soc nix te jcuentahinwanejetic yu'unic, la schapbeyic sc'oblal ta uts'inel soc ta sch'ojel ta ton;

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Romanos 12:14

Halbeyahic lec sc'oblal te mach'atic ya yuts'inex; halbeyahic lec sc'oblal, ma me xabohlobtesbeyic sc'oblal.

1 Corintios 4:12

Luhbenotcotic ta a'tel ta jc'abcotic; ya yalbotcotic chopol jc'oblalcotic, ya calbecotic lec sc'oblalic; c'alal ayotcotic ta uts'inel, ya xcuhch cu'uncotic.

Santiago 3:10

Ta junax quetic ya xloc' te bin lec sc'oblal soc te bin chopol sc'oblale. Quermanotac, ma hichuc pasel ya sc'an.

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,