San Lucas 6:27 - Bible in Tzeltal Bachajón

²⁷ Pero ha'ex te yac awa'iybonic te jc'ope, ya calbeyex: C'ux me xawa'iy ta awo'tan te acontrahic, lec me bin yac apasbeyic te mach'atic ya sp'ajex;

Nuevo Testamento Tzeltal de Amatenango

²⁷ Yan te jaꞌex te ya awaꞌibikon sluwar te jkꞌope ya kalbeyex: Kꞌux me xꞌawaꞌiyik te machꞌatik ya skontrainexe sok pasbeyaik te tut lek te machꞌatik ya spꞌajexe.

Bible in Tzeltal de Oxchuc y Tenejapa

²⁷ “Yan te ja'ex te ya awaiybonic stojol te jc'ope, ya calbeyex: C'ux me xawaiy te acontroe. Soc pasbeyaic bila lec te mach'atic ya yilayexe.

San Lucas 6:27 ပူးပေါင်းရင်းမြစ်များ

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.

Salmos 7:4

teme ay bin chopol la jpasbe te mach'a lamal q'uinal ya ca'iy soc, o teme tojol nax la jpojbe sbiluc te jcontrahe,

Proverbios 24:17

C'alal ya xyahl te acontra, ma me tse'eluc awo'tan yu'un, ma me tse'eluc awo'tan yu'un te c'alal ya sc'ohchin yoc,

Proverbios 25:2

Ha yutsilal Dios te ay bin ya smuc; ha yutsilal te ajwaliletic te ya sle yil te bin mucul aye.

San Marcos 4:24

Soc la yalbeyic: Tsahtaya me abahic yu'un te bin yac awa'iyic, como te bin yilel yac ap'is, ha nix hich yac awich' p'isbeyel, soc c'ax hich ya x'a'botat a,

San Lucas 23:34

Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

San Lucas 8:18

Ha yu'un tsahtaya me abahic bin ut'il yac awa'iyic te c'ope, como spisil te mach'atic ay bin ay yu'unic, ya me x'a'botic xan, pero te mach'atic mayuc bin ay yu'unic, ya me xpojbotic te jteb te scuyoj ay yu'unique, xchi.

San Lucas 8:8

Ay yan c'oht ta lequil lum, ch'ihy tal, sitin ta lec, la yac' ho'winic (100) ta p'ij sbac', xchi. C'alal laj yalbel a, tulan la yal: Te mach'a ay schiquin, ac'a me ya'iy, xchi.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

Hechos 16:28

Pero te Pablo tulan la yawtay: ¡Ma me xawehchentes aba, jpisilcotic li' ayotcotiqui! xchi.

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Gálatas 6:10

Ha yu'un, ha chican ban c'alal ya xhu' cu'untic, ac'a jpastic te bin lec ta pasel ta stojol spisil yantic, soc c'ax hich a ta stojol te mach'atic pajal ay sch'uhunel co'tantic soque.

1 Tesalonicenses 5:15

Tsahtayahic te mayuc mach'a ya sutbe spacol te bin chopol ya xpasbot, pero spisil ora talel c'axel xapasbe abahic te bin lec soc nix spisil te yantique.

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.