San Lucas 6:23 - Bible in Tzeltal Bachajón

²³ Bayeluc me yutsil awo'tanic yu'un ta hich ora soc tse'eluc me awo'tanic yu'un, como muc' te mahtanil awu'unic ta ch'ulchan; como hich la spasbeyic te jalwanejetic te sme'statique.

Nuevo Testamento Tzeltal de Amatenango

²³ Benuk me jun awoꞌtanik te kꞌalal ya xkꞌot ta pasel ta atojolike. Ben bujtsꞌanuk me kꞌinal ya awaꞌiyik yuꞌun. Porke ya me xkꞌo awichꞌik amajtanik ta chꞌulchan yuꞌun. Yuꞌun te antibo smeꞌ-statik te genteetik to jicha spasbeyik te jꞌalwanejetik yuꞌun te Diose.

Bible in Tzeltal de Oxchuc y Tenejapa

²³ Binuc nax me awo'tanic yu'un te c'alal ya xc'ot ta pasel ta atojolique. Bayaluc me sbujts' q'uinal ya awaiyic yu'un, melel ya me xc'o awich'ic bayal awutsilalic ta ch'ulchan yu'un. Melel te namey q'uinal me'il-tatiletic yu'un in ants-winiquetic to, jich nix la spasbeyic te j'alwanejetic yu'un te Diose.

San Lucas 6:23 ပူးပေါင်းရင်းမြစ်များ

2 Samuel 6:16

Te c'alal c'oht te scaxahul te chapbil-c'op yu'un Jehová ta Pueblo yu'un David, te Mical yantsil-nich'an Saúl la yil ta ventana. C'alal la yil te ajwalil David te yac ta wihlel soc yac wihlawetel ta stojol Jehová, la sp'aj ta yo'tan.

1 Reyes 18:4

Como te c'alal te Jezabel hahch smilticlan te jalwanejetic yu'un Jehová, te Abdías la yic' bahel ho'winic (100) ta tuhl jalwanejetic, lajlajuneb yoxwinic (50) ta tuhl la snac'ticlan ta ch'en, soc la yac'ticlambe pan soc ha'.

1 Reyes 19:10

La sjac' te Elías: Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ya smilonic, xchi.

1 Reyes 19:14

La sjac': Mero xut'et co'tan ta stojol Jehová te Dios te scuentahinej spisil, como te snich'nab Israel la yihquitaybat te chapbil-c'op awu'un, la sjimbat te scajtajib ta chiq'uel mahtaniletic soc la smilticlanic ta espada te jalwanejetic awu'une. Jtuquel xanix hilemon, soc yac slehbelonic yu'un ha nix hich ya slajimbonic jcuxlejal, xchi.

1 Reyes 19:2

Te Jezabel la sticon ta halbeyel te Elías: Hich me ac'a spasbon te diosetic, soc c'ax to xan hich a, teme pajel ta hichilan ora ma hichuc ya jpasbat te bin ut'il la apasticlambe te jalwanejetic, la yut.

1 Reyes 21:20

Te Acab la yalbe te Elías: ¿La bal atahonix, jcontrahat? xchi. La yal te Elías: La jtahat, como la awac' aba ta spasel te bin chopol ta stojol Jehová.

1 Reyes 22:27

hich me yac awalbe: Hich ya yal te ajwalil: Otsesa ta cárcel soc a'beya swe' jteb pan soc ha' ha to c'alal lamal q'uinal ya suhton tal, xchi.

1 Reyes 22:8

Te ajwalil yu'un Israel la yalbe te Josafat: Ay jtuhl winic te ya xhu' ya joc'obetic Jehová ta scuenta, ha te Micaías snich'an Imla, pero ya quihlay, como mayuc bin ora ya yalbon te bin lec, puro ma lecuc, xchi. Pero la yal te Josafat: Ma lecuc hich ya yal te ajwalil, xchi sc'oblal.

2 Reyes 6:31

Hich la yal te ajwalil: ¡Hich ac'a spasbon te Dios, soc c'axuc to xan hich a, teme ya to xhil sjol yo'tic te Eliseo snich'an Safat! xchi.

2 Crónicas 36:16

Pero la slabanic te jal-c'opetic yu'un Dios soc ma ba la yich'beyic ta cuenta te sc'ope, la stse'layic te jalwanejetic ha to c'alal tohy yilimba Jehová ta scontra te pueblo yu'une, ma ba weht bin ya yich' pasbeyel.

Nehemías 9:26

Pero la sc'axuntayic te mandariletic awu'un soc la stoy sbahic ta atojol, la swalac'patiyic te Ley awu'un, la smilticlanic te jalwanejetic awu'un te tsitsotic yu'unic te yacuc suhtic xan ta atojol; soc bayel la sbohlc'optayat.

Salmos 58:11

Hich me ya yal te winiquetic: Melel nix a ay spremio te mach'a toj yo'tan; melel ay Dios te stojil ya xchahpanwan ta q'uinal, xchihic.

Isaías 35:6

Hich ya xwihl te coxo' te bin ut'il ha'mal chij, soc te yac' uma' ya x'awon yu'un yutsil q'uinal ya ya'iy. Ya xt'ohm loq'uel ha' ta jochol taquin q'uinal, snojel ha' ta taquin lum.

Jeremías 2:30

Tojol la jca'be castigo te anich'nabic, ma ba la yich'ic ta cuenta te tojobtesele. Te espada awu'unic la slajinlan te jalwanejetic hich te bin ut'il choj ya xbutsticlanwan.

Malaquías 4:1

Ya me xtal te sc'ahc'alel, yac ta tihlel hich te bin ut'il horno, spisil te jtoybahetic soc te mach'atic chopol bin ya spasic, ha ac ya xc'ohtic. Te c'ahc'alil te ya xtal ya me schic'ticlan, xchi te Jehová te scuentahinej spisil, ma ba ya xhil yu'un te slohp' o te sc'abe.

San Mateo 5:12

Tse'eluc me awo'tanic soc ayuc me yutsil awo'tanic yu'un, como muc' amahtan yac awich'ic ta ch'ulchan, como hich nix la yuts'inic te jalwanejetic te nahil ay awu'unique.

San Lucas 1:41

C'alal patbot yo'tan yu'un María te Elisabet, la stij sba te alal swoloje. Te Elisabet noj ta yo'tan te Ch'ul Espíritu,

San Lucas 1:44

Como te c'alal la jca'iy te spatil-o'tanil awu'un, te alal jwoloj wihl yu'un yutsil q'uinal la ya'iy.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

Hechos 14:10

ha yu'un la yal ta aw: Hahchan, toj xatehc'an hahchel aba ta awoc, xchi. Hich wihl hahchel, hahch ta behel.

Hechos 3:8

xijluj hahchel, la stehc'an sba soc hahch ta behel; la sjoquin ochel ta Templo, yac ta behel, yac ta wihlel soc yac ta yalbeyel yutsilal te Diose.

Hechos 5:41

Te jpuc-c'opetic loq'uic bahel ta stojol te jchahpanwanejetic, tse'el yo'tanic yu'un te lec sc'oblalic ta stojol Dios te bin ut'il a'bot c'axuc swocolic ta uts'inel ta scaj te Bihilile.

Romanos 5:3

Soc ma ha'uc nax ini, ha nix hich tse'el co'tantic yu'un te jwocoltic, yu'un jna'ojtic te wocole ha ya yac' te spisil bin ya xcuhch cu'untic;

2 Corintios 12:10

Ha yu'un, ta scuenta Cristo tse'el co'tan yu'un te mayuc quip, te ya quich' ixta'c'optayel, te bin ut'il mayuc bin ay cu'un, te ay uts'ineletic, soc te ay wocoletic; como te c'alal mayuc quip, ha bayelix quip a.

Colosenses 1:24

Yo'tic tse'el co'tan yu'un te bin c'ax jwocol ta acuentahic soc te ya jts'acaytes ta jbaq'uetal te bin xan ya sc'an te ya xc'ax swocol Cristo yu'un te sbaq'uetal, ha te iglesia.

2 Timoteo 2:12

teme ya xc'ax jwocoltic, ha nix hich pajal ya x'ochotic ta cuentahinwanej soc. Teme ya jmuc ta co'tantic, ha nix hich ya smucotic ta yo'tan;

Hebreos 11:26

ha bayel xan sc'oblal ta yo'tan te bohlc'optayel ta scuenta Cristo te bin ut'il te sc'uhlejal te egipciohetic, como yac'oj sit tey a te mahtanile.

Hebreos 11:6

Teme mayuc sch'uhunel-o'tanil, ma xhu' te lec yo'tan Dios yu'un, como te mach'a ya xnohpoj ta stojol Dios ya sc'an ya sch'uhun te ay Dios soc te ya ya'be smahtan te mach'atic ya xlehot yu'une.

Santiago 1:2

Quermanotac, bayeluc me yutsil awo'tanic te c'alal ay bayel awocolic ta tsajel,

1 Pedro 4:13

Bayeluc me yutsil awo'tanic yu'un, como ha pajal yac ta c'axel awocolic soc te Cristo, scuenta yu'un hich me bayel yutsil awo'tanic a te c'alal ya xchicnaj tal yutsilal.

Apocalipsis 2:17

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be swe' te maná nac'bil, soc ya ca'be tut saquil ton te ts'ihbabil tey a te yach'il sbihil te mayuc mach'a ya sna', ha nax ya sna' stuquel te mach'a ya yich'e, xchi.

Apocalipsis 2:26

Te mach'a ya ya'iy tsalaw soc te ya ya'telin spasel te ca'tel c'alal ta slajibal, ya ca'be yich' ya'tel ta stojol te nacionetic;

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 21:7

Te mach'a ya ya'iy tsalaw ya me x'a'bot yu'untay spisil ini, soc Ho'on Dioson yu'un ya xc'ohon soc ha cal-jnich'an ya xc'oht.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

Apocalipsis 3:5

Te mach'a ya ya'iy tsalaw, sac sc'u' spac' ya x'a'bot slap, soc ma ba ya jtup'be sbihil ta libro scuenta cuxlejal, soc jamal ya calbe sbihil ta stojol te Jtat soc te ch'ul a'batetic yu'une.