San Lucas 6:21 - Bible in Tzeltal Bachajón

²¹ Bayel me awutsilic ha'ex te ayex ta wi'nal ta ora ini, como ya me xnoj ach'uhtic. Bayel me awutsilic ha'ex te yacalex ta oq'uel ta ora ini, como ya me stse'ejinex.

Nuevo Testamento Tzeltal de Amatenango

²¹ Ben me tsaꞌam alekilik jaꞌex te ayex ta wiꞌnal te ora to, ben jun awoꞌtanik ya smakꞌlinelex. Ben me tsaꞌam alekilik jaꞌex te yipalex ta okꞌel te ora to, ta patil ya me stseꞌnex.

Bible in Tzeltal de Oxchuc y Tenejapa

²¹ “Bin nax me awutsilic ja'ex te ayex ta wi'nal ta ora to, te melel ya me xnoj ach'ujt'ic. “Bin nax me awutsilic ja'ex te yacalex ta oq'uele, te melel ya me stse'en awo'tanic.

San Lucas 6:21 ပူးပေါင်းရင်းမြစ်များ

Génesis 17:17

Te Abraham la spahcan sba la ya'be sta lum yelaw ta stojol te Diose, hahch ta tse'ej, hich la yal ta yo'tan: ¿Ya to bal xhu' ya x'ayin snich'an te winic te ayix ho'winic (100) ya'bilal? Soc ¿bin ut'il c'an alajuc te Sara te ayix lajuneb yo'winic (90) ya'bilal? xchi ta yo'tan.

Génesis 21:6

Hich la yal ta yo'tan te Sara: Dios la yac'on ta tse'ej, soc mach'ayuc a te ya ya'iy, pajal ya xtse'ejinon soc, xchi.

Salmos 107:9

Como ha ya yahts'esbe yo'tanic te mach'atic taquin yo'tanic, soc ya ya'be bayel bintic lec te mach'atic ay swi'nalic.

Salmos 119:136

Muc'ul ha' ya xloc' ta jsit, yu'un ma ba ya sch'uhunic spasel te Ley awu'une.

Salmos 143:6

Ya jach jc'ab ta atojol, ay taquin ti'il ya ya'iy te jch'uhlel ta sc'anelat hich te bin ut'il taquin lumq'uinal. Selah

Salmos 17:15

Yan te ho'one, ta scuenta stojil bin ay ta pasel ya quilbat asit; c'alal ya xwihc' jsit, tic' ya ca'iy a te ya quil bin awilel. Yu'un jach-c'ayoj. Ha salmo yu'un David, ya'bat Jehová. La yalbe te Jehová te c'ayoj ini te bin c'ahc'alil ac'ot ta libre yu'un ta sc'ab spisil te scontratac soc ta sc'ab Saúl. Hich la yal:

Salmos 28:7

Ha quip soc jmahquil te Jehová; ha smuc'ulinej co'tan, hich la jquich' coltayel, ha yu'un te tse'el co'tan. Ya calbe wocol ta c'ayoj.

Salmos 65:4

Bayel me yutsil te mach'a tsahbil awu'un soc te yac awic' tal ta ats'ehl yu'un ya xnahin ta amaq'uetic awu'un. Bayel bintic ya jtahcotic yu'un te bintic ay ta Ana, ha te ch'ul Templo awu'une.

Isaías 25:6

Ta wits ini te Jehová te scuentahinej spisil ya me schahpambe bayel lequil we'elil yu'un spisil te nacionetic, bayel lequil vino, tsahbil lequil ti'bal soc tsahbil lequil vinohetic.

Isaías 30:19

Pueblo yu'un Sión te nahinemex ta Jerusalén, ma ba ya x'oc'atix. Te mach'a ya ya'iy c'uxultaywanej ya sna'bat yo'bolil aba soc ya sjac'bat te c'alal ya ya'iy te aw awu'une.

Isaías 66:10

Bayeluc me yutsil awo'tanic soc Jerusalén, tse'eluc me awo'tanic yu'un, apisilic te c'ux yac awa'iy ta awo'tanic; nojeluc me yutsil awo'tanic, apisilic te yac amel awo'tanic ta scuenta,

Jeremías 13:17

Teme ma ba yac awa'iyic, muquen ya x'oc'on ta scaj te atoybahilic; ya xloc' ya'lel jsit ta tulan oq'uel, como te jtsohb tuminchijetic yu'un Jehová ya x'ic'otic bahel ta chuquel.

Jeremías 31:25

Ya ca'be xan yipic te mach'atic luhbenic soc ya cac' lecubuc q'uinal ya'iyic te mach'atic ayic ta mel-o'tan, xchi.

Jeremías 31:9

Soc oq'uel ya xtal, soc sc'uxul co'tan ya quic'ticlan suhtel tal. Ya cac' behenuquic ta sti'il be-ha'etic, ta toj be te banti ma ba ya sc'ohchin yoquic, como ho'on tatilon yu'un Israel, soc te Efraín, ha jba-nich'an.

Jeremías 9:1

¡Te ha'uc ha' te jol soc te ha'uc sloq'uib-ha' te jsite, yu'un ya coq'uetay c'ahc'al ahc'abal te mach'atic chamic yu'un te jlumale!

Ezequiel 7:16

Te mach'atic cuxul ya xhilic hich ya xloq'uic ta ahnel ta witsiltic te bin ut'il stsuhmutetic yu'un te spamlejetic, spisilic ya x'ahcanajic ta scaj te smulique.

Ezequiel 9:4

hich la yalbe: C'axan ta yohlil te pueblo, ha te Jerusalén, a'beya seña ta sti'ba te mach'atic ya x'ahcanajic soc ya x'awonic ta scaj spisil te bintic ilobtic sba te ya yich' pasel tey a, xchi.

San Mateo 5:4

Bayel me yutsilic te mach'atic ya x'oq'uic, como ya xmuc'ubtesbot q'uinal ya'iyic.

San Mateo 5:6

Bayel me yutsilic te mach'atic ya xwi'najic soc ya xtaquij yo'tanic yu'un te bin stojil ta pasele, como ts'acal ya x'a'botic.

San Lucas 1:53

Te mach'atic ayic ta wi'nal la yac'ticlambe te bintic lec, pero jochol sc'abic la sticonlan bahel te jc'uhlejetique.

San Lucas 6:20

Jesús la shach sit, la yil bahel te jnopojeletic yu'un, hich la yal: Bayel me awutsilic ha'ex te pobrehex, como ha awu'unic te cuentahinel yu'un Dios.

San Lucas 6:22

Bayel me awutsilic c'alal ya sp'ajex te ants-winiquetic, ya stenex loq'uel, ya yixta'c'optayex, soc ya yihlaybeyex abihilic ta scaj te Nich'anil ay ta scuenta winic.

San Lucas 6:25

¡Ay me awocolic ha'ex te nojel ach'uhtic ta ora ini! como ya me xwi'najex. ¡Ay me awocolic ha'ex te yacalex ta tse'ej ta ora ini! como ya me amel-awo'tanic soc ya me x'oq'uex.

San Juan 11:35

Oc' te Jesús.

San Juan 4:10

Te Jesús la yalbe te antse: Te yacuc ana'be sba te mahtanil yu'un Dios soc te mach'a a te hich ya yalbat: A'bon cuch' ha', te xchihe, ha'at la ac'ambe awuch' ha', soc ha ya ya'bat awuch' te cuxul ha' te hichuque, xchi.

San Juan 6:35

Halbotic yu'un Jesús: Ho'on te panon scuenta cuxlejal. Te mach'a ya xtal ta jtojol, mayuc bin ora ya xwi'najix, soc te mach'a ya sch'uhunon, mayuc bin ora ya xtaquijix yo'tan.

1 Corintios 4:11

C'alal ora yo'tic ayotcotic ta wi'nal, ta taquinti'il, mayuc jcu'-jpac'cotic, quich'ojcotic majel, soc mayuc banti ya xnahinotcotic.

2 Corintios 11:27

ay jwocol ta a'tel soc ta luhbel, bayel yahwayel, ay jwocol ta wi'nal soc ta taquinti'il; bayel buelta ma ba weht jwe'el; ay jwocol ta sic, ay jwocol yu'un mayuc jc'u' jpac'.

2 Corintios 12:10

Ha yu'un, ta scuenta Cristo tse'el co'tan yu'un te mayuc quip, te ya quich' ixta'c'optayel, te bin ut'il mayuc bin ay cu'un, te ay uts'ineletic, soc te ay wocoletic; como te c'alal mayuc quip, ha bayelix quip a.

2 Corintios 6:10

hich ya'iyel te jmeloj co'tancotic, pero spisil ora tse'el co'tancotic; hich ya'iyel te pobre ayotcotic, pero tsobol mach'atic ya xc'uhlejub ta jcuentacotic; hich ya'iyel te mayuc bin ay cu'uncotic, pero spisil bintic ay cu'uncotic.

Santiago 1:12

Bayel me yutsil te mach'a ya xcuhch yu'un swocol ta tsajel, como teme cuhch yu'une, ya me x'a'bot yich' te corona yu'un cuxlejal te yaloj Dios ya yich'ic te mach'atic c'ux ya ya'iy ta yo'tanic.

Apocalipsis 21:3

Soc la jca'iy ay mach'a tulan c'opoj tal ta muc'ul-huctajibal, hich la yal: Ya xnahinix Dios ta yohlil te ants-winiquetic, ya me sjoquin ta nahinel, ha pueblo ya xc'oht yu'un, ha nix ya xjoquinot yu'un Dios soc ha Dios yu'unic ya xc'oht.

Apocalipsis 7:16

Ma ba ya xwi'najiquix soc ma ba ya ya'iyiquix taquinti'il, ma ba ya ya'iyiquix sc'uxul c'ahc'al, o yan sq'uixnal,