San Lucas 6:17 - Bible in Tzeltal Bachajón

¹⁷ Te Jesús cohic tal soc, c'oht ta jun spamlej, joquimbil yu'un te jnopojeletic yu'un soc bayel winiquetic te talemic ta spahmal sq'uinal Judea, ta Jerusalén, ta ti'ti'mar yu'un Tiro soc Sidón, te talemic ta ya'iybeyel sc'op soc ta yac'bel sbahic ta lecubtesel yu'un schamelic;

Nuevo Testamento Tzeltal de Amatenango

¹⁷ Te Jesuse kojtal te ba wits sok te jnopojeletik yuꞌune, tekꞌel julel ta slomle. Teꞌ stsoboj sbaik bayal a te machꞌatik tsꞌaklibil yuꞌune, sok bayal genteetik te talemik ta estado yuꞌun Judea, sok ta Jerusalen, sok ta jtejklum Tiro sok ta jtejklum Sidon te ayik ta tiꞌmare. Yuꞌun tal yaꞌibeyik sluwaril skꞌop te Jesuse sok tal yakꞌ ta lekutesel te xchamelike.

Bible in Tzeltal de Oxchuc y Tenejapa

¹⁷ Te Jesús coj tel ta wits soc te jnopojeletic yu'une. Tey jul stejc'an sba ta spamlej. Tey ay a te tsobol jnopojeletic yu'une soc te bayal ants-winiquetic te talemic ta sq'uinal Judea, ta muc'ul lum Jerusalén, ta lum Tiro soc ta lum Sidón te ayic ta ti'mare. Yu'un tal yaiybeyic stojol sc'op te Jesuse soc tal yac' ta lamantesel te xchamelique.

San Lucas 6:17 ပူးပေါင်းရင်းမြစ်များ

Salmos 103:3

ha te mach'a ya spasbat perdón yu'un spisil amul, soc ya slahmajtesbat spisil te chamel awu'un,

San Mateo 11:21

¡Ay me awocol, Corazín! ¡Ay me awocol, Betsaida! Te ha'uc la yich' pasel ta Tiro soc ta Sidón te jchahp a'teliletic te la yich' pasel ta atojolic, namey la suhtes yo'tanic, la slapiquix pac' yu'un mel-o'tan soc la shuhcanix sbahic ta tan te hichuque.

San Mateo 12:15

C'alal hich la sna' te Jesús, loc' hahchel tey a. Bayel mach'atic t'unot bahel yu'un, spisil la slecubteslan,

San Mateo 14:14

C'alal loc' ta barco te Jesús, la yil bayel ants-winiquetic, sts'ujet ta yo'tan la ya'iy, hich la slecubteslan te jayeb jchameletic tey ayic a.

San Mateo 15:21

Loc' bahel tey a te Jesús, baht ta sq'uinal Tiro soc Sidón.

San Mateo 5:1

C'alal la yil te bayel ants-winiquetic, mo bahel ta wits soc la shuhcan sba. Tal ta stojol te jnopojeletic yu'un,

San Lucas 5:15

Pero puhc xan ta halel te sc'oblale; tsobol mach'atic talic yu'un ya ya'iybeyic sc'op soc yu'un ya xlecubtesotic ta chamel yu'un.

San Lucas 6:12

Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

San Lucas 6:16

Judas te yihts'in Jacobo, soc Judas Iscariote, ha te la yac' ta c'abal te Jesuse.

San Lucas 6:18

soc lecub spisil mach'atic uts'imbilic yu'un bohl espírituhetic.