San Lucas 6:12 - Bible in Tzeltal Bachajón

¹² Ta hich ora baht ta wits ta sc'oponel Dios te Jesús, sjunal ahc'abal la sc'opon Dios tey a.

Nuevo Testamento Tzeltal de Amatenango

¹² Jaꞌ skꞌaalel a te ba skꞌopon Dios ta wits te Jesuse; spꞌejel ajkꞌubal la skꞌopon Dios teꞌa.

Bible in Tzeltal de Oxchuc y Tenejapa

¹² Jich sc'aalelal te ba sc'opon Dios ta wits te Jesús. Sjunal ajc'ubal la sc'opon Dios tey a.

San Lucas 6:12 ပူးပေါင်းရင်းမြစ်များ

Salmos 22:2

Dios cu'un, ya cawtayat ta c'ahc'alel, pero ma ba yac ajac'bon jc'op; soc ta ahc'abal mayuc cux-o'tan cu'un.

Isaías 26:9

Ta ahc'abal ya sc'anat te jch'uhlele, ta spisil jch'uhlel ya jlehat ta sab. Te c'alal yac awa'iy chahpanwanej ta bahlumilal, te mach'atic nahinemic ta bahlumilal ya snopic te bin stojil ta pasele.

Daniel 6:10

Te c'alal la ya'iy te Daniel te yich'oj firma te mandare, baht ta sna, la sjam te ventanahetic ta banti ya xway, te ayic ta stojol bahel te Jerusalén, la squejan sba oxeb buelta jujun c'ahc'al, la sc'opon Dios soc la yalbe wocol, hich te bin ut'il ya spasulan spisil ora.

San Mateo 5:1

C'alal la yil te bayel ants-winiquetic, mo bahel ta wits soc la shuhcan sba. Tal ta stojol te jnopojeletic yu'un,

San Mateo 6:6

Yan te ha'ate, c'alal yac ac'opon Dios, ochan ta yutil ana, maca te ti'nahil soc c'opona te Atat te ma chicanuc ta ilele. Te Atat te ya yil te bin muquen yac apas, ya ya'bat amahtan ta comonsitil.

San Marcos 1:35

Hahch ta buen sab, ihc' to a te q'uinal, loc' bahel te Jesús ta banti jochol te q'uinale, tey baht sc'opon Dios a.

San Marcos 3:13

Patil mo bahel ta wits te Jesús, la yic' sjoquin te mach'atic la sc'an la yic'; hich talic ta stojol.

San Marcos 6:46

C'alal laj yo'tan spaticlambeyel hilel yo'tanic a, mo bahel ta wits ta sc'oponel Dios.

San Lucas 5:16

Pero te Jesús ay ya xbaht ta jochol q'uinal yu'un ya sc'opon Dios.

San Lucas 6:11

Bayel ilinic yu'un, talel c'axel la yalbe sbahic bin ya yutic te Jesús.

San Lucas 6:17

Te Jesús cohic tal soc, c'oht ta jun spamlej, joquimbil yu'un te jnopojeletic yu'un soc bayel winiquetic te talemic ta spahmal sq'uinal Judea, ta Jerusalén, ta ti'ti'mar yu'un Tiro soc Sidón, te talemic ta ya'iybeyel sc'op soc ta yac'bel sbahic ta lecubtesel yu'un schamelic;

San Lucas 9:18

C'alal q'uejel bahem ta sc'oponel Dios a te Jesús, sjoc tey a te jnopojeletic yu'un, hich la sjoc'obe: ¿Mach'a ya scuyonic a te ants-winiquetique? xchi.

San Lucas 9:28

Swaxaquebal c'ahc'al yalbel a te Jesús, la yic' bahel sjoquin te Pedro, Juan soc Jacobo, mo bahel ta wits ta sc'oponel Dios.

San Lucas 9:29

C'alal yac ta sc'oponel Dios a, c'atp'uj sit yelaw, soc xlipet sacal baht te sc'u' spaq'ue.

San Juan 6:3

Ha yu'un mo bahel ta wits te Jesús, tey huhcaj soc a te jnopojeletic yu'un.

Colosenses 4:2

A'telinahic sc'oponel Dios, q'uehlana asitic ta sc'oponel Dios soc halbeyahic wocol.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.

1 Samuel 15:11

Ya jmel co'tan yu'un te la jcotses ta ajwalil te Saúl, como la yihquitayonix soc ma ba la spas te bin la jcal, xchi. Te Samuel ma ba lec la ya'iy, sjunal ahc'abal la yalbe bayel wocol Jehová yu'un.