San Lucas 5:8 - Bible in Tzeltal Bachajón

⁸ C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

Nuevo Testamento Tzeltal de Amatenango

⁸ Kꞌalal la yil te Simon Pedro te jicha kꞌot ta pasel, la skejan sba ta stojol te Jesuse. Jich a yal: —Kajwal, ma spas ya joyinat, yuꞌun jmulawilon —xchi.

Bible in Tzeltal de Oxchuc y Tenejapa

⁸ C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

San Lucas 5:8 ပူးပေါင်းရင်းမြစ်များ

2 Samuel 6:9

Te David bayel la xi' te Jehová ta hich ora, hich la yal: ¿Bin ut'il ya xhu' ya xtal ta jtojol te scaxahul te chapbil-c'op yu'un Jehová? xchi.

1 Reyes 17:18

Te ants hich la yalbe te Elías: ¿Bin awochelon a, winicat yu'un Dios? ¿Tal bal awa'bon jna' te muliletic cu'un soc te yac awac' chamuc te cale? xchi.

Job 40:4

Mayuc jtuc ya ca'iy; ¿bin ya xhu' ya jsuhtesbat? Ya jmac que ta jc'ab.

Éxodo 20:19

Ha yu'un hich la yalbeyic te Moisés: Ha'at yac ac'oponotcotic, ya me ca'iycotic; pero ma me ha'uc ya sc'oponotcotic te Diose, scuenta yu'un ma ba ya xlajotcotic a, xchihic.

Isaías 6:5

Ha yu'un hich la jcal: ¡Ay jwocol, ya xchamon! como ho'on winicon te bohloben sc'oblal que soc nahinemon ta yohlil te pueblo te bohloben sc'oblal yehic, la jquil ta jsit te Ajwalil, te Jehová te scuentahinej spisil, xchihon.

San Mateo 17:6

C'alal hich la ya'iyic te jnopojeletic, la spahcan sbahic ta lum, bayel xiwic yu'un.

San Mateo 2:11

C'alal ochic bahel ta na, la yilic te alal soc te snan, ha te María. La squejan sbahic soc la sch'uhuntayic. La sjamic te yawil sc'uhlejalic, la ya'beyic smahtanin oro, pom soc mirra.

San Mateo 8:8

La sjac' te capitán-soldado: Cajwal, ma fuerzahuc te ha'at ya xbahat ta jna. Ha nax te yacuc xc'opojat, hich ya xlecub te ca'bate.

San Lucas 5:7

Ha yu'un la sbechc'abtayic tal te smohlolic ayic ta yan barco yu'un ya xtalic ta coltayel. Hich talic, la snojesic ta chay schebal te barcohetic, c'an muhluc ta ha' te sbarcohique.

San Lucas 5:9

Como xiw yo'tan soc spisil smohloltac yu'un te ipal chay la stsaquique;

San Juan 11:32

C'alal c'oht ta banti ay Jesús te María, c'alal la yil, la squejan sba ta ye'tal yoc, hich la yalbe: Cajwal, te li'uc ayate, ma ba cham te jbanquil te hichuque, xchi.

1 Corintios 13:12

Ta ora ini yaxinal nax ya quiltic ta espejo; pero ta patil ya me quilbetic sit ta jsitic nix. Ta ora ini ma ba ts'acal jna'oj; pero ta patil ya me jna'be sba hich te bin ut'il ya sna'bon jba.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Jueces 13:22

Te Manoa hich la yalbe te yihnam: Ya me xchamotic, yu'un la jquiltiquix te Diose, xchi.

1 Samuel 6:20

Hich la yalic te mach'atic ayic ta Bet-semes: ¿Mach'a ya xhu' ya stehc'an sba ta stojol te Jehová, te ch'ul Diose? ¿Mach'a ya yich'botic loq'uel ta jtojoltic te scaxahul te chapbil-c'op? xchihic.