San Lucas 5:33 - Bible in Tzeltal Bachajón

³³ Ha yu'un hich la yalic: ¿Bin yu'un te jnopojeletic yu'un Juan bayel buelta ya scom swe'elic soc ya sc'oponic Dios, soc ha nix hich ya spasic te jnopojeletic yu'un te fariseohetic, yan te jnopojeletic awu'un ya xwe' x'uch'ic stuquelic? xchihic.

Nuevo Testamento Tzeltal de Amatenango

³³ La yalbeyik xan te Jesuse: —Te jnopojeletik yuꞌun te Juane talel bael ya skomilan sweꞌelik ta skꞌoponel te Diose, y jich euk te jnopojeletik yuꞌun te fariseoetike. Pero te jnopojeletik awuꞌune ya xweꞌ-xꞌuchꞌajik ya kiltik —xchiik.

Bible in Tzeltal de Oxchuc y Tenejapa

³³ La sjojc'obeyic te Jesuse: —Te jnopojeletic yu'un te Juane, bayal buelta la spasic ayuno ta sc'oponel te Diose. Soc ja' nanix jich uuc te jnopojeletic yu'un te fariseoetique. Yan te jnopojeletic awu'une, ¿bi yu'un te ma spasic ayuno stuquelic? —xiic.

San Lucas 5:33 ပူးပေါင်းရင်းမြစ်များ

Proverbios 28:9

Te mach'a ma sc'an ya ya'iy te ley, ha nix hich ihlaybil te bin ya sc'opon Dios yu'une.

Isaías 1:15

Te c'alal yac ahach ac'abic ta jtojol, ya jnac' jsit ta atojolic; aunque bayel yac ac'opononic, ma ba ya ca'iybeyex; yatinej ch'ich' te ac'abique.

Zacarías 7:6

Soc te c'alal ya xwe'-uch'ex, ¿ma bal ya xwe'-uch'uquex ta acuentahic? xchihat.

San Mateo 23:13

Pero ¡ay me awocolic, escribanohetic, fariseohetic, jchebal-o'tanex! como yac amacbelic ta stojol ants-winiquetic te cuentahinel yu'un te ch'ulchane. Ma ba ya x'ochex ha'ex, soc ma ba yac awaq'uic ochel te mach'atic ya sc'an ya x'ochic.

San Marcos 12:40

Ya spojbeyic sna me'ba' antsetic soc naht ya stsahtsa-c'oponic Dios. Tulan castigo ya me yich'ic yu'un, xchi.

San Lucas 11:1

Ay jun buelta yac ta sc'oponel Dios te Jesús ta jun lugar. C'alal laj yo'tan, hich halbot yu'un jtuhl jnopojel yu'un: Cajwal, ac'a jnopcotic sc'oponel Dios hich te bin ut'il te Juan la snohptes ta sc'oponel Dios te jnopojeletic yu'une, xchi.

San Lucas 18:12

Cheb buelta ya jcom jwe'el ta jujun semana, soc ya ca'be jun ta slajunebal spisil te bin ya jta, xchi.

San Lucas 2:37

hil ta me'ba'antsil, ayix chaneb yo'winic (84) ha'bil. Spisil ora ay ta Templo, c'ahc'al ahc'abal la sch'uhuntay te Dios ta scuenta sc'oponel Dios soc scomel swe'el.

San Lucas 20:47

ya yich'beyic sna me'ba' antsetic, soc naht ya sc'oponic Dios yu'un ya x'ilotic. Ya me yich'ic tulan castigo, xchi.

San Lucas 5:32

Ma ba tal quic' te mach'atic tojic ta winiquil, ha tal quic' te mach'atic jmulawiletic yu'un ya suhtes yo'tanic yu'un te smulique, xchi.

San Lucas 5:34

Te Jesús hich la yalbe ya'iyic: ¿Ya bal xhu' yac awa'be scom swe'el te mach'atic ic'bil ta il-nuhpunel teme joquinejotic yu'un te mach'a ya xnuhpune?

San Juan 1:35

Ta schebal c'ahc'al tey ay yan buelta a te Juan soc cheb jnopojeletic yu'un.

San Juan 3:25

Te jnopojeletic yu'un Juan la sten sbahic ta c'op soc te judíohetic sc'oblal te lecubtesele.

Hechos 9:11

Halbot yu'un te Cajwaltic: Hahchan, bahan ta calle Derecha sbihil, leha ta sna Judas te jtuhl winic Saulo sbihil, te talem ta Tarso, como yac ta sc'oponel Dios,