San Lucas 5:30 - Bible in Tzeltal Bachajón

³⁰ Te escribanohetic soc fariseohetic la stijic ta c'op te jnopojeletic yu'une: ¿Bin yu'un yac ajoquinic ta we'el uch'el te jc'an-patanetic soc jmulawiletic? la yutic.

Nuevo Testamento Tzeltal de Amatenango

³⁰ Pero te fariseoetike sok te maestroetik yuꞌun te mantaliletike lijk yaꞌabiyanik te jnopojeletik yuꞌun te Jesuse. Jich a yalbeyik: —¿Tuꞌun te ya ajoyinik ta weꞌel-uchꞌajel te jkꞌan-tojemaletike sok te jmulawiletike? —xchiik.

Bible in Tzeltal de Oxchuc y Tenejapa

³⁰ Jich yu'un te fariseoetique soc te jts'ibojometique jajch' ayanbeyic sc'oplal te jnopojeletic yu'un te Jesuse. Jich ba yalbeyic: —¿Bistuc ya ajoinic ta we'el-uch'ajel te jc'an-patanetic soc te jmulawiletique? —xiic.

San Lucas 5:30 ပူးပေါင်းရင်းမြစ်များ

Isaías 65:5

hich ya yalic: Hilan tey a, ma me xnohpojat tal, como c'ax hich ch'ultesbilon a te bin ut'il te ha'ate, xchihic. Te ants-winiquetic ini ha ch'ahil ta jni', ha c'ahc' te ya xtihl sjunal c'ahc'al.

San Mateo 5:46

Como teme ha nax c'ux ta awo'tanic te mach'atic c'uxex ta yo'tanic, ¿bin amahtan yac ata a? ¿Ma bal hichuc nix ya spasic te jc'an-patanetique?

San Mateo 9:11

C'alal hich la yilic te fariseohetic, la sjoc'obeyic te jnopojeletic: ¿Bin yu'un te ya sjoquin ta we'el jc'an-patanetic soc yantic jmulawiletic te Maestro awu'unique? la yutic.

San Marcos 2:16

C'alal la yilic te escribanohetic soc te fariseohetic te ha sjoquinej ta we'el te jc'an-patanetic soc jmulawiletic te Jesús, hich la sjoc'obeyic te jnopojeletique: ¿Bin ut'il ay a te ya sjoquin ta we'el ta uch'el jc'an-patanetic soc jmulawiletic? la yutic.

San Marcos 7:3

(Como te fariseohetic soc spisil judíohetic sch'uhunejic te costumbre yu'un te antiguo mamaletic te ma xwe'ic ha to teme ya spoc sc'abic.

San Marcos 9:16

Joc'obotic yu'un te Jesús: ¿Binti a te yac atijbel abahic ta c'op yu'une? xchi.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Lucas 19:7

C'alal hich la yilic te ants-winiquetic, spisil hahchic wulajanel yu'un, hich la yalic: Och ta sna te mach'a jmulawil, xchihic.

San Lucas 5:17

Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

San Lucas 5:21

Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

San Lucas 7:34

Tal te Nich'anil ay ta scuenta winic te ya xwe' x'uch', hich yac awalic: Ha'i winic ini lom bayel ya xwe' x'uch', soc ha jun yo'tan soc jc'an-patanetic soc jmulawiletic, xchihex.

San Lucas 7:39

C'alal hich la yil te fariseo te yic'oj ta we'el te Jesús, la yal ta yo'tan: Te ha'uc jalwanej ha'i winic ini, ya sna'be sba mach'a a soc bin yilel stalel te ants te yac ta picbeyel yoc yu'un te hichuque, como ha jmulawil, xchi ta yo'tan.

Hechos 23:9

Hich sts'otetic hahchel ta c'op yu'un, ay escribanohetic te la stehc'an sbahic ta c'op yu'un te fariseohetic, tulan la yalic: Mayuc bin chopol ya jtahbecotic ha'i winic ini. Teme ay espíritu te c'oponot yu'un o teme ch'ul a'bat, ma me jcontrahintic te Diose, xchihic.