San Lucas 5:26 - Bible in Tzeltal Bachajón

²⁶ Xcham yo'tan spisilic yu'un soc la yalbeyic bayel yutsilal Dios yu'un. Noj xiwel ta yo'tanic, hich la yalic: Yo'tic la jquiltiquix yutsil a'teliletic, xchihic.

Nuevo Testamento Tzeltal de Amatenango

²⁶ Spisil te genteetike lom cham a yaꞌiyik. La yalbeyik kola yal Dios yuꞌun, y xiꞌik yuꞌun. Jich a yalik: —Ora to la kiltik te tut ben tulan a kꞌot ta pasele —xchiik.

Bible in Tzeltal de Oxchuc y Tenejapa

²⁶ Ta spisilic jchajp nax la yilic. La yalbeyic wocol Dios yu'un, soc xiw yo'tanic yu'un. Jich la yalic: —Yan sba ya quiltic ta ora to te bila c'ot ta pasele —xiic.

San Lucas 5:26 ပူးပေါင်းရင်းမြစ်များ

Jeremías 33:9

Te muc'ul pueblo ini ya me yac' chicnajuc ta stojol spisil nacionetic ta bahlumilal te ay yutsil co'tan, stse'elil co'tan soc cutsilal, c'alal ya ya'iybeyic sc'oblal spisil te bintic lec ya jpasbe te muc'ul pueblohe. Ya me xiwic soc ya me xnihquic yu'un spisil bintic lec soc spisil te lamal q'uinal te ya ca'be, xchi.

Oseas 3:5

Patil ya suhtic tal te snich'nab Israel, ya slehic te Jehová, te Dios yu'unic, soc David te ajwalil yu'unique; soc ta nopol slajibal c'ahc'al ya me xtal yich'ic ta muc' te Jehová soc te yutsil slequil.

San Mateo 12:23

Spisil te ants-winiquetic, xcham yo'tanic yu'un, hich la yalic: ¿Ha ni bal te Snich'an David ini? xchihic yu'un.

San Mateo 28:8

Hich loq'uic tal ta muquenal te antsetic soc xiwel soc bayel yutsil yo'tanic, bahtic ta ahnimal ta yalbeyel te jnopojeletic te bin yach'il c'ohtix ta pasel. Te c'alal yacalic ta behel bahel ta yalbeyel a te jnopojeletic te bin yach'il c'ohtix ta pasel,

San Mateo 9:8

C'alal la yilic te ants-winiquetic te bin c'oht ta pasel, xcham yo'tanic yu'un soc la yalbeyic yutsil sc'oblal Dios yu'un te ya'beyej yich' yip ya'tel ta stojol te winiquetique.

San Marcos 2:12

Ora hahch, la sq'uech bahel te schahchamte'el ta stojol spisilic. Xcham yo'tan spisilic yu'un soc la yalbeyic yutsil sc'oblal te Diose, hich la yalic: Mayuc hich quilojtic a ini, xchihic.

San Lucas 1:65

Tojic xiwel yu'un spisil te spat-xuhc, soc puhc ta halel ta witsiltic yu'un Judea te bintic c'oht ta pasele.

San Lucas 5:8

C'alal hich la yil te Simón Pedro, la squejan sba ta stojol Jesús, hich la yal: Ihquitayawon, Cajwal, yu'un jmulawilon, xchi.

San Lucas 7:16

Spisil xiwic yu'un soc la yalbeyic bayel yutsilal te Diose, hich la yalic: ¡Chicnajix muc'ul jalwanej ta cohliltic! soc: ¡Dios tal scoltay te pueblo yu'un! xchihic.

San Lucas 8:37

Ha yu'un spisil te ipal ants-winiquetic ta sjoyobal sq'uinal te gadarenohetic la yalbeyic wocol te Jesús te yacuc xloc' bahel ta sq'uinalic, yu'un bayel xiwic. Hich te Jesús och ta barco, suht bahel.

Hechos 4:21

Ha yu'un la scomic, patil la scoltayic bahel, ma ba weht yu'unic bin ut'il ya ya'beyic castigo ta scaj te pueblo, como spisilic yac yalbelic yutsilal Dios yu'un te bin c'ohtix ta pasel,

Gálatas 1:24

Hich la yalbeyic bayel wocol Dios yu'un ta jcuenta.