San Lucas 5:24 - Bible in Tzeltal Bachajón

²⁴ Pero scuenta yu'un yac ana'ic te ha yich'oj ya'tel ta spasel perdón yu'un mulil ta bahlumilal te Nich'anil ay ta scuenta winic (hich la yalbe te mach'a chamen schihal yoc sc'ab): Ya calbat: Hahchan, q'uecha bahel te achahchamte'el, bahan ta ana, xchi sc'oblal.

Nuevo Testamento Tzeltal de Amatenango

²⁴ Pero ya me kaꞌbeyex awilik te tutꞌil tulan yaꞌtel yichꞌoj te Nichꞌanil ta spasel perdon yuꞌun mulil ta balmilal —xchi. Jich a yalbe te machꞌa kꞌolbil xchial yok-skꞌabe: —Ya kalbeyat te jaꞌate, jajchan, ichꞌa bael te akꞌabalteꞌale. Baan ta ana —xyut.

Bible in Tzeltal de Oxchuc y Tenejapa

²⁴ Ja'uc me to, ya me cac'beyex awilic te bit'il tulan yat'el yich'oj ta xch'ayel mulil ta balumilal te Nich'anile —xi'. Soc la yalbey te winic te xujt' ma stij sba te yoc-sc'abe: —Ya calbat te ja'ate, jajch'an, q'uecha bael acajcante'. Baan ta ana —xi'.

San Lucas 5:24 ပူးပေါင်းရင်းမြစ်များ

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Daniel 7:13

La jquil ta nahalsitil ta ahc'abal, ay mach'a yac ta talel ta tocal, pajal soc jtuhl snich'an winic; tal ta banti ay te Mamale, ac'ot te ya xnohpoj bahel ta stojol.

San Mateo 16:13

C'alal c'oht Jesús ta sq'uinal Cesarea yu'un Filipo, la sjoc'obe te jnopojeletic yu'une: ¿Bin ya yalic te ants-winiquetic, mach'a a te Nich'anil ay ta scuenta winic? xchi.

San Mateo 25:31

C'alal ya xtal soc yutsilal te Nich'anil ay ta scuenta winic soc spisil te ch'ul a'batetic, ya shuhcan sba ta smuc'ul-huctajib ta utsilal,

San Mateo 26:64

La sjac' te Jesús: Ha'at nix la awal. Soc ya calbeyex te ta patil ya me awilic te Nich'anil ay ta scuenta winic hucul ta swa'el-c'ab te Dios te ay yu'el soc yac ta talel ta stocalil ch'ulchan, xchi.

San Mateo 28:18

Nohpoj tal te Jesús, hich la yalbe: A'botonix quich' tulan ca'tel ta ch'ulchan soc ta bahlumilal.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

San Mateo 9:6

Scuenta yu'un hich yac ana'ic a te ha yich'oj ya'tel ta sch'ayel mulil ta bahlumilal te Nich'anil ay ta scuenta winic, hich la yalbe te mach'a chamen schihal yoc sc'ab: Hahchan, q'uecha bahel te achahchamte'el, bahan ta ana, xchi.

San Lucas 5:13

Hich te Jesús la yac' tal sc'ab, la spic, hich la yalbe: Ya jc'an, lecubtesbilatix ya xc'ohat, xchi. Ora ch'ay te sc'a'elchamele.

San Lucas 5:18

Ay cha'oxtuhl winiquetic te sq'uechojic tal ta schahchamte'el jtuhl winic te chamen schihal yoc sc'ab, c'an yiq'uic ochel yu'un ya ya'beyic ta stojol Jesús.

San Lucas 5:23

¿Bin a te ma wocoluc ta halel, ha bal: Pasbilatix perdón yu'un amul, o: Hahchan, behenan, teme xchihone?

San Lucas 7:14

Hich nohpoj bahel, la stsacbe scaxahul te mach'a chamen, la stehc'an sbahic te mach'atic yic'ojic bahel, hich la yal: Querem, ya calbat, hahchan, xchi.

San Lucas 8:54

Te Jesús la snit hahchel ta sc'ab te ach'ix, tulan la yal: Hahchan, tut ach'ix, xchi.

San Juan 11:43

C'alal laj yalbel a te Jesús, tulan c'opoj: ¡Lázaro, loc'an talel! xchi.

San Juan 17:2

como awa'beyej ya'tel ta stojol spisil ch'ich'-baq'uet scuenta yu'un ya yac'ticlambe scuxlejal sbahtel q'uinal spisil te mach'atic awa'beyej ta scuentahe.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Juan 5:27

Soc la ya'be ya'tel ta chahpanwanej, te bin ut'il ha Nich'anil ay ta scuenta winic.

Hechos 14:10

ha yu'un la yal ta aw: Hahchan, toj xatehc'an hahchel aba ta awoc, xchi. Hich wihl hahchel, hahch ta behel.

Hechos 5:31

Dios la yaq'uix ta ich'el ta muc' ta swa'el-c'ab scuenta Jtsobaw soc Jcoltaywanej, scuenta yu'un ya ya'be suhtes yo'tan te Israel soc yu'un ya spasbe perdón yu'un smulic.

Hechos 9:34

Hich halbot yu'un te Pedro: Eneas, ha ya slecubtesat ta achamel te Jesucristo; hahchan, chahpana awayib, xchi. Ora hahch te Eneas.

Hechos 9:40

Te Pedro la sticon loq'uel spisilic, la squejan sba soc la sc'opon Dios; la sut sba ta stojol te chamen baq'uet soc hich la yal: Hahchan, Tabita, xchi. La swic' sit te Tabita, c'alal la yil te Pedro, la shuhcan hahchel sba.

Apocalipsis 1:13

soc ta yohlil te yawil c'ahc' ay mach'a hich yilel te bin ut'il snich'an winic, slapoj snahtil-c'u' te c'ohem c'alal ta yoc soc ay sbehch'il stahn pasbil ta oro.