San Lucas 5:22 - Bible in Tzeltal Bachajón

²² Pero te Jesús la sna' bin ay ta yo'tanic, hich la yalbe: ¿Bin yu'un te hich yaquex ta snopel?

Nuevo Testamento Tzeltal de Amatenango

²² Pero te Jesuse la snaꞌ te tut yipalik ta yalel ta yoꞌtanike, y la sjojkꞌolanbe: —¿Tut yuꞌun te jich ya awal ta awoꞌtanike?

Bible in Tzeltal de Oxchuc y Tenejapa

²² Te Jesús la sna' stojol te bila yacalic ta yalel ta yo'tanique. Jich la yalbey yaiyic: —¿Bi yu'un te jich ya awal ta awo'tanique?

San Lucas 5:22 ပူးပေါင်းရင်းမြစ်များ

1 Crónicas 28:9

Soc ha'at, jnich'anat Salomón, na'a me te Dios yu'un te atate, ac'a aba ta a'batinel ta stojol ta spisil awo'tan soc ta sc'anojel awo'tan; como te Jehová ya yilbe yo'tanic spisilic soc ya sna' spisil te bintic ya snopic ta yo'tanic. Teme yac ale, yac ata ta lehel; yan teme yac awihquitay, ha ya sch'ayat hilel sbahtel q'uinal.

Salmos 139:2

Ha'at ana'oj c'alal ya juhcan jba soc c'alal ya xhahchon; ana'oj ta namal te bintic jnopoj ta co'tan.

Proverbios 15:26

Te Jehová ya yihlay te bintic snopoj te mach'atic chopolic, pero ya smulambe sc'opic te mach'atic sac yo'tanique.

Isaías 66:18

Como jna'oj bin yilel te ya'telic soc te bin snopojic; ya sta yorahil te ya yich' tsobel spisil te nacionetic soc c'opiletic: ya xtalic soc ya me yilbonic te cutsilale.

Ezequiel 38:10

Hich yaloj te Jehová, te Ajwalil: Ta hich ora ay bin ya xtal ta awo'tan, yac anop te bin chopole.

San Mateo 12:15

C'alal hich la sna' te Jesús, loc' hahchel tey a. Bayel mach'atic t'unot bahel yu'un, spisil la slecubteslan,

San Mateo 12:25

Na'bot yo'tanic yu'un te Jesús, hich halbotic: Spisil banti junax cuentahimbil te ya scontrahin sba, ya me xjihn, soc spisil pueblo o na te ya scontrahin sba, ma ba ya xhalaj.

San Mateo 9:4

Na'bot yo'tanic yu'un te Jesús, hich la yalbe: ¿Bin yu'un chopol bin yac awalbel ta awo'tanic?

San Marcos 8:17

Na'bot yo'tanic yu'un te Jesús, hich la yalbe: ¿Bin yu'un yac atij abahic ta c'op yu'un te mayuc pan awich'ojic tale? ¿Yu'un bal ma xana'ic, yu'un bal ma ba c'ohem ta awo'tanic? ¿Yu'un bal tonoben to awo'tanic?

San Lucas 24:38

Pero halbotic yu'un te Jesús: ¿Bin yu'un yaquex ta xiwel, soc bin yu'un te wocol ya sch'uhun awo'tanic?

San Lucas 5:21

Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

San Lucas 5:23

¿Bin a te ma wocoluc ta halel, ha bal: Pasbilatix perdón yu'un amul, o: Hahchan, behenan, teme xchihone?

Hechos 5:3

La yal te Pedro: Ananías, ¿bin yu'un noj ta awo'tan te Satanás yu'un yac alotiy te Ch'ul Espíritu, te la awich' j'ohlil te stojol te q'uinale?

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.

Apocalipsis 2:23

Ya cac' lajuc te yalatac, hich spisil te iglesiahetic ya me sna'ic te ho'on ya jtsahtay te snopojibal yu'unic soc te bin ay ta yo'tanic. Ho'on ya ca'beyex jujutuhl ha chican bin yilel te awa'telique.