San Lucas 5:21 - Bible in Tzeltal Bachajón

²¹ Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

Nuevo Testamento Tzeltal de Amatenango

²¹ Jich te maestroetik yuꞌun te mantaliletike sok te fariseoetike lijk yal ta yoꞌtanik: “¿Machꞌa me winikil to te yipal ta xkꞌaxintayel te skꞌop te Diose? Jaꞌ nax stukel te Dios te ya spas perdon yuꞌun te mulile”, xchiik.

Bible in Tzeltal de Oxchuc y Tenejapa

²¹ Jich te jts'ibojometique soc te fariseoetique jajch' yal ta yo'tanic: “¿Mach'a winiquil in to te yac ta stoybac'optayel te Diose, melel ja' nax stuquel te Dios te ya xju' yu'un xch'ayel te mulile”, xiic.

San Lucas 5:21 ပူးပေါင်းရင်းမြစ်များ

Salmos 103:3

ha te mach'a ya spasbat perdón yu'un spisil amul, soc ya slahmajtesbat spisil te chamel awu'un,

Salmos 130:4

Pero ay perdón ta atojol, scuenta yu'un ya x'ich'otat ta muc'.

Salmos 32:5

La jcalbat ta jamal te jmule, ma ba la jmuc te bin chopol la jpas. Hich la jcal: Ya me cal ta jamal te jmul ta stojol Jehová, xchihon, hich la apasbon perdón yu'un te jmule. Selah

Salmos 35:5

Hich ac'a c'ohtuquic te bin ut'il suhlil trigo te ya xlichot bahel ta ic', ac'a yich'ic tenel bahel yu'un te ch'ul a'bat yu'un Jehová;

Isaías 1:18

La'ic, xchi te Jehová, ya jchahpantic te c'op ini: aunque hich amulic te bin ut'il buen tsaj, buen sac ya xhilic hich te bin ut'il me'sic; aunque hich ayic te bin ut'il c'ax tsaj, hich sac ya xc'ohtic te bin ut'il sac stsotsel tuminchij.

Isaías 43:25

Ho'on, ho'on nix ta jcuenta, te ya jtup'beyex ac'axun-mandariletic, soc ma ba ya jna'beyex xan te muliletic awu'une.

Isaías 44:22

Hich la jmes bahel te ac'axun-c'opic te bin ut'il tocal, te muliletic awu'un hich te bin ut'il sahb ha'. Suhtanic tal ta jtojol, como la jcac'at ta libre, xchi.

Daniel 9:19

¡A'iya awa'iy, Cajwal! ¡Pasa perdón, Cajwal! ¡A'iya awa'iy, Cajwal, soc pasa! Ta scuenta sc'uxul awo'tan, ma xhalajat, Dios cu'un, como yich'oj abihil te Jerusalén soc te pueblo awu'une.

Daniel 9:9

Yu'un Jehová, te Dios cu'untic, te c'uxultaywanej soc te perdón, aunque jtoyoj jbahcotic ta stojol,

Levítico 24:16

Te mach'a ya sbohlc'optaybe sbihil te Jehová ya me xlaj yu'un; spisil te pueblo ya ch'ojic ta ton. Teme jyanlum o slumal nix, teme ya sbohlc'optay te Bihilile, ya me xlaj.

Miqueas 7:19

Ya scha'na'botic xan yo'bolil jbahtic; ya sts'o'ts'o'tec' te jmultic, soc ya sch'oj bahel ta sc'ubulil mar spisil te jmultique.

San Mateo 26:65

Ha yu'un te muc'ul sacerdote la sch'i' sc'u', hich la yal: ¡La sbohlc'optayix Dios! ¿Bin xan stuc cu'untic yan testigohetic? La awa'iyiquix te la sbohlc'optay te Diose.

San Mateo 9:3

Ay escribanohetic te hich la yal ta yo'tanic: Yac sbohlc'optaybel Dios ha'i winic ini, xchihic.

San Lucas 3:8

Ac'a chicnajuc ta ilel ta awa'telic te suhtemix awo'tanic, ma me hichuc ya xhahch anop ta awo'tanic: Ha jtatcotic te Abraham, ma me xchihuquex, como ya calbeyex te Dios ya xhu' ya sc'atp'un ta yal-snich'an Abraham ha'i tonetic ini.

San Lucas 5:17

Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

San Lucas 5:22

Pero te Jesús la sna' bin ay ta yo'tanic, hich la yalbe: ¿Bin yu'un te hich yaquex ta snopel?

San Lucas 7:49

Te mach'atic ayic ta mesa soc, talel c'axel hahch yalbe sbahic: ¿Mach'a a ini te ha nix hich ya spas perdón te muliletic? xchihic.

San Juan 10:33

La sjaq'uic te judíohetic: Ma ha'uc ya jch'ojatcotic ta ton yu'un te lequil a'telil, ha ya jch'ojatcotic ta ton yu'un te yac abohlc'optaybel Dios, como ha'at winicat yac acuybel aba ta Dios, xchihic.

Romanos 8:33

¿Mach'a c'an slehbe smul te mach'atic tsahbilic yu'un Dios? ha nix te Dios te ya yal te toj ay.