San Lucas 5:17 - Bible in Tzeltal Bachajón

¹⁷ Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

Nuevo Testamento Tzeltal de Amatenango

¹⁷ Jun kꞌaal te Jesuse yipal ta pꞌijuteswane, teꞌ nakajtik ekꞌa te fariseoetike sok te maestroetik yuꞌun te mantaliletike. Teꞌ talemik ta jtejklumetik ta estado Galilea, sok ta estado Judea, sok ta jtejklum Jerusalen. Te spoder te Diose ya xchiknaj ta skuenta te Jesuse te ya slekutes te jchameletike.

Bible in Tzeltal de Oxchuc y Tenejapa

¹⁷ Jun c'aal te c'alal yac ta p'ijubteswanej te Jesuse, ay fariseoetic soc jts'ibojometic te nacalic tey a te talemic ta lumlumtic ta sq'uinal Galilea soc ta sq'uinal Judea soc ta lum Jerusalén. Chican ta ilel te bit'il ta swenta yu'el Dios te yac ta slamantesel jchameletic te Jesuse.

San Lucas 5:17 ပူးပေါင်းရင်းမြစ်များ

San Mateo 11:5

Ya yiliquix q'uinal te ts'o'sitetic, ya xbeheniquix te coxo'etic, lecubtesbiliquix te jc'a'el-chameletic, ya ya'iyiquix q'uinal te cohquetic, la yich'iquix cha'cuxajtesel mach'atic chamenic, soc yaquix ta halbeyel ya'iy te lec yach'il c'op te pobrehetique.

San Mateo 15:1

Ay talic ta stojol Jesús escribanohetic soc fariseohetic te talemic ta Jerusalén, hich hul yalbeyic:

San Marcos 1:45

Pero c'alal baht, hahch spuc ta halel ta bayuc te bin pasbote. Hich ma hu'ix och ta pueblo te Jesús, hil ta bantic jochol te q'uinaletic; soc bayuc talic ta stojol.

San Marcos 16:18

ya stsaquic jti'awal chanetic; teme ya yuch'ic te bin ya xmilawan, ma ba ya x'uts'inotic yu'un; ya scajambe sc'abic ta sba jchameletic, hich ya xcolic yu'un, xchi.

San Marcos 3:22

Pero te escribanohetic te talemic ta Jerusalén la yalic: U'untayot yu'un Beelzebú, soc ta scuenta yajaw pucujetic te ya sloq'ueslan te pucujetique, xchihic.

San Marcos 5:30

C'alal la ya'iy te Jesús te ay loc' te yu'ele, la sut sba sc'opon te mach'atic tey ayic a: ¿Mach'a la spicbon jc'u'? xchi.

San Marcos 7:1

Ay la stsob sbahic ta stojol Jesús fariseohetic soc escribanohetic te talemic ta Jerusalén.

San Lucas 15:2

Pero te fariseohetic soc te escribanohetic hahchic wulajanel ta stojol, hich la yalic: Ha'i winic ini ya yic'ticlan jmulawiletic soc ya sjoquinlan ta we'el, xchihic.

San Lucas 2:46

Yoxebalix c'ahc'al a, c'oht stahic ta Templo, hucul ta yohlil te maestrohetic yu'un te Ley, yac ya'iylambel soc yac sjoc'oylambel.

San Lucas 5:21

Ha yu'un te escribanohetic soc te fariseohetic hahch snop ta yo'tanic: ¿Mach'a a ini te ya sbohlc'optay te Diose? Ha nax Dios ya xhu' ya spas perdón yu'un mulil, xchihic.

San Lucas 5:30

Te escribanohetic soc fariseohetic la stijic ta c'op te jnopojeletic yu'une: ¿Bin yu'un yac ajoquinic ta we'el uch'el te jc'an-patanetic soc jmulawiletic? la yutic.

San Lucas 6:19

Spisil te ants-winiquetic c'an spiquic te Jesús, como yac ta loq'uel yu'el ta slecubtesel spisilic.

San Lucas 7:30

Yan te fariseohetic soc te mach'atic ya sna'ic ta lec te Ley, la sp'ajic te bin la sc'an Dios ta stojolic, yu'un ma ba la yich'ic ha' yu'un te Juan.

San Lucas 8:46

Pero la yal te Jesús: Ay mach'a la spicon, como la jca'iy te loc' cu'el, xchi.

San Juan 3:10

Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

San Juan 3:21

Yan te mach'a ya spas te bin smelelil, ya xtal ta sacal q'uinal scuenta yu'un hich ya xchicnaj a te ha ta scuenta Dios te ya'tele, xchi.

Hechos 19:11

Dios la spas jchahp a'teliletic ta scuenta te Pablo,

Hechos 4:30

c'alal ha'at yac ahach ac'ab ta slecubtesel jchameletic soc ta spasel señahiletic soc jchahp a'teliletic ta scuenta te sbihil Jesús te Ach'ul-nich'an, xchihic.

Hechos 5:34

Ha yu'un la stehc'an sba ta yohlil te jchahpanwanejetic jtuhl fariseo Gamaliel sbihil, ha maestro yu'un te Ley soc ich'bil ta muc' yu'un spisil te pueblo; la yac' ta ticonel loq'uel jts'ihnuc te jpuc-c'opetic,