San Lucas 5:13 - Bible in Tzeltal Bachajón

¹³ Hich te Jesús la yac' tal sc'ab, la spic, hich la yalbe: Ya jc'an, lecubtesbilatix ya xc'ohat, xchi. Ora ch'ay te sc'a'elchamele.

Nuevo Testamento Tzeltal de Amatenango

¹³ Te Jesuse la skajambe skꞌab ta sjol, jich a yalbe: —Jichuk. Ya xlekub te achamele —xchi. Tsꞌina chꞌay bael te skꞌaꞌel-chamel te winike.

Bible in Tzeltal de Oxchuc y Tenejapa

¹³ Te Jesuse, la scajanbey sc'ab ta sjol. Jich la yalbey: —Jichuc. Ya xcolat ta chamel —xi'. Te c'alal jich la yal te Jesuse, ch'ay sc'a'el-chamel ta ora te winique.

San Lucas 5:13 ပူးပေါင်းရင်းမြစ်များ

Génesis 1:3

La yal te Diose: Ac'a sacubuc q'uinal, xchi. Hich sacub q'uinal.

Génesis 1:9

Soc la yal te Diose: Ac'a syom sba te ha'etic ay ta ye'tal ch'ulchan, ac'a chicnajuc lumq'uinal, xchi. Hich c'oht yu'un.

2 Reyes 5:10

Te Eliseo la sticon ta halbeyel: Bahan, poca aba huqueb buelta ta muc'ul-ha' Jordán, ya me xlecub abaq'uetal yu'un soc hich lec ya xhilat, xchi.

2 Reyes 5:14

Ha yu'un co bahel te Naamán, la smul sba huqueb buelta ta muc'ul-ha' Jordán, hich te bin ut'il yaloj te winic yu'un Dios. Lecub te sbaq'uetal, hich c'oht te bin ut'il sbaq'uetal alal, mero lec hilel.

Salmos 33:9

como ha c'opoj, hich pastaj; la yal mandar, hich chicnaj.

Ezequiel 36:29

Ya caq'uex ta libre yu'un spisil te bintic chopol ay awu'unic. Ya quic' tal te trigo soc ya cac' p'ohluc, ma ba ya cac' te ya xc'axix awocolic ta wi'nal.

Oseas 14:4

Ya jlecubtesbe te stoybahil, ta scuenta yutsil co'tan c'ux ya ca'iy ta co'tan, como te quilimba loc' bahel ta stojolic.

San Mateo 8:3

Te Jesús la shach sc'ab, la ya'be ta stojol, hich la yal: Yacuc, ya jlecubtesat, xchi. Ora ch'ay te sc'a'elchamel.

San Lucas 4:39

Hich te Jesús la snijan sba ta stojol, la scombe te sc'ahc'ale; hich quehchaj te sc'ahc'al, hahch ta ora soc och ta a'batinel yu'unic.

San Lucas 5:12

C'alal ay ta jun pueblo a, tal jtuhl winic te scohtol yich'oj c'a'elchamel. C'alal la yil te Jesús, tal spahcan sba c'alal ta lum ta stojol, la yalbe bayel wocol: Cajwal, te yacuc ac'an, ya xhu' yac alecubteson, xchi.

San Lucas 5:14

Te Jesús la spas ta mandar te manchuc ayuc mach'a ya yalbe. Hich la yalbe: Bahan, ac'a aba ta ilel yu'un te sacerdote soc a'beya smahtan Dios yu'un te lecubatix, hich te bin ut'il yaloj mandar te Moisés, scuenta testigo ta stojolic, xchi.