San Lucas 5:10 - Bible in Tzeltal Bachajón

¹⁰ ha nix hich te Jacobo soc Juan, te snich'nab Zebedeo, te sjoc sbahic soc te Simón. Pero te Jesús la yalbe te Simón: Ma xiwat; yo'tic jtsob-ants-winiquetic ya xc'ohat, xchi.

Nuevo Testamento Tzeltal de Amatenango

¹⁰ Jich ekꞌa te Jacobe sok te Juane te xnichꞌnab Zebedeoe te sjoy sbaik ta aꞌtel sok te Simone. Pero te Jesuse la yalbe te Simone: —Ma me xiꞌan. Te ora to jaꞌ awaꞌtelik ya xkꞌot te ya awikꞌ tal te genteetike —xchi.

Bible in Tzeltal de Oxchuc y Tenejapa

¹⁰ Ja' nanix jich te Jacobo soc Juan te snich'nab Zebedeo te sjoy sbaic ta at'el soc te Simone. Ja'uc me to, te Jesús la yalbey te Simone: —Ma me xiwat. Ta ora to ja' awat'elix ya xc'ot te ya atsob tel ants-winiquetic ta jtojol —xi'.

San Lucas 5:10 ပူးပေါင်းရင်းမြစ်များ

San Mateo 13:47

Soc te cuentahinel yu'un te ch'ulchan hich c'ohem te bin ut'il tsaco-chay te ya x'otsesot cohel ta ha', ya stsob spisil ta chahp chayetic.

San Mateo 14:27

Pero ora c'oponotic yu'un te Jesús: ¡Muc'ubenuc me q'uinal xawa'iyic! Ho'on me, ma me xiwex, xchi sc'oblalic.

San Mateo 20:20

Nohpoj tal te snan te snich'nab Zebedeo soc te yalatac, la squejan sba ta stojol Jesús, ay bin la sc'ambe.

San Mateo 4:19

Hich la yalbe: La', t'unawonic, ya caq'uex ta jtsob-ants-winiquetic, xchi sc'oblalic.

San Mateo 4:21

Sohl xan bahel tey a, la yil cheb xan winiquetic te yermano sbahic, ha te Jacobo soc Juan te yihts'in, ha snich'nab Zebedeo. Ha sjoquic ta barco te Zebedeo te static, yac sts'acticlambel te stsaco-chayique; ic'otic yu'un te Jesús.

San Marcos 1:17

Hich halbotic yu'un te Jesús: La', t'unawonic, ya caq'uex ta jtsob-ants-winiquetic, xchi sc'oblalic.

San Lucas 5:7

Ha yu'un la sbechc'abtayic tal te smohlolic ayic ta yan barco yu'un ya xtalic ta coltayel. Hich talic, la snojesic ta chay schebal te barcohetic, c'an muhluc ta ha' te sbarcohique.

San Lucas 5:9

Como xiw yo'tan soc spisil smohloltac yu'un te ipal chay la stsaquique;

San Lucas 6:14

Ha te Simón, te Pedro yan sbihil a'bot yu'un, Andrés te yihts'in, Jacobo, Juan, Felipe, Bartolomé,

San Juan 21:2

Tey sjoc sbahic a te Simón Pedro, Tomás te Dídimo yan sbihil, Natanael te talem ta Caná ay ta Galilea, te snich'nab Zebedeo, soc cheb xan jnopojeletic yu'un.

Hechos 2:4

Ta spisilic noj ta yo'tanic te Ch'ul Espíritu, hahchic ta c'op ta yantic c'opiletic, ha chican bin c'opil ac'otic ta c'op yu'un te Espíritu.

2 Corintios 8:23

Te Tito jun ayon soc, ha jmohlol ta a'tel ta atojolic; yan te quermanotactic, ha ticombilic yu'un te iglesia soc yac'ojic ta ich'el ta muc' te Cristo.

2 Timoteo 2:26

soc hich ya x'ahnic loq'uel ta syac te pucuj te banti chucbilic yu'un ya spasic te bin ya sc'an yo'tan stuquel.