San Lucas 5:1 - Bible in Tzeltal Bachajón

¹ Jun buelta ay ta ti'mar Genesaret a te Jesús, c'oht ta humtayel yu'un ipal ants-winiquetic yu'un ya ya'iyic te sc'op Diose.

Nuevo Testamento Tzeltal de Amatenango

¹ Ay jun buelta te ay ta tiꞌmar Genesaret sbiil te Jesuse. Teꞌ kꞌo stsob sbaik a te bayal genteetike. Kꞌan skujik te Jesuse yuꞌun ya skꞌan yaꞌiyik sluwar te skꞌop Diose.

Bible in Tzeltal de Oxchuc y Tenejapa

¹ Ay jun buelta te ay ta bay ti'mar Genesaret sbiil te Jesuse. Tey c'o stsob sbaic a te bayal ants-winiquetique. C'an stenic te Jesuse, yu'un toyol yo'tan ya yaiyic stojol te sc'op Diose.

San Lucas 5:1 ပူးပေါင်းရင်းမြစ်များ

Números 34:11

ya xco bahel ta Sefam c'alal ta Ribla, te ay ta stojol banti ya xloc' tal c'ahc'al yu'un Aín, tey ya xco bahel ta stojol banti ya xloc' tal c'ahc'al yu'un te mar Cineret;

San Mateo 11:12

C'alal ta yorahil te Juan te J'ac'-ich'-ha' yalel c'alal ora, bayel ya yich' uts'inel te cuentahinel yu'un te ch'ulchan, soc te j'uts'inwanejetic ya sc'an ya stsaquic ta fuersa.

San Mateo 14:34

C'alal la stahic c'ohel te ti'ha', c'ohtic ta sq'uinal Genesaret.

San Marcos 3:9

Ha yu'un la yalbe te jnopojeletic yu'un te yacuc schahpanic jun barco scuenta yu'un hich ma ba ya xtenot yu'un a te bayel ants-winiquetic,

San Marcos 4:1

Yan buelta hahch ta p'ijubteswanej ta ti'mar te Jesús. Tsobol mach'atic la stsob tal sbahic ta stojol, ha yu'un och ta barco, la shuhcan sba tey a; yan te ants-winiquetic hilic ta ti'ha'.

San Marcos 5:24

Hich te Jesús la sjoquin bahel te winique. T'unot bahel yu'un tsobol ants-winiquetic, lats'bil bahel yu'unic.

San Marcos 6:53

C'alal sohlic bahel ta ti'mar, c'ohtic ta sq'uinal Genesaret, la schuquic hilel te barcohe.

San Lucas 12:1

Ha yorahil a, la stsob sbahic tal bayel ta mil ants-winiquetic, jc'axel la sten sbahic. Te Jesús hich hahch yalbe te jnopojeletic yu'une: Tsahtaya me abahic yu'un te levadura yu'un te fariseohetic, ha te chebal-o'tanil,

San Lucas 5:2

Te Jesús la yil te ay cheb barcohetic ta ti'ha', yu'un loq'uemic ta saq'uel stsaco-chayic te jtsac-chayetique.

San Lucas 8:22

Ta yan c'ahc'al och Jesús ta barco soc te jnopojeletic yu'un, hich la yalbe: Con, sohlucotic bahel ta jehch mar, xchi. Hich hahchic bahel.

San Lucas 8:23

Yacalic ta behel ta barco a, way te Jesús. Hahch ta ixtalanel yu'un tulan ic' te mar, yac ta malel ochel ha' ta barco, jujuteb ma xlajiquix yu'un.

San Lucas 8:33

Hich te pucujetic loq'uic ta yo'tan te winic, ochic ta yo'tan te chitametic, la sch'ojticlan cohel sbahic ta sjehmelul mar, tey la sjic'ticlanic ha' a.

San Lucas 8:45

Hich la yal te Jesús: ¿Mach'a la spicon? xchi. Spisilic la yalic te ma ha'uquic. La yal te Pedro soc te mach'atic tey ayic a: Maestro, bayel ants-winiquetic shumtayejat soc slats'ojat, laj'a yac ajoc'oy: ¿Mach'a la spicon? xchihat.

San Juan 1:40

Te Andrés yihts'in te Simón Pedro, ha jtuhl ta schebalic te la ya'iybeyic sc'op te Juan soc te la st'unic bahel te Jesús.

San Juan 6:1

Patil te Jesús c'ax bahel ta jehch mar yu'un Galilea, te mar yu'un Tiberias yan sbihile.

Deuteronomio 3:17

soc la jca'be te Arabá, te ha smojon te muc'ul-ha' Jordán, c'alal Cineret c'alal ta mar yu'un Arabá, ha te Mar Salado, ta ye'tal wits Pisga ta stojol banti ya xloc' tal c'ahc'al.

Hebreos 13:7

Na'ahic me te jcanan awu'unic, te la yalbeyex te sc'op Diose. Na'ahic me bin ut'il c'ohtic ta loq'uel yu'un te bin yilel te scuxlejalic, soc nopbeyahic te sch'uhunel yo'tanique.

Josué 12:3

Soc la scuentahin te Arabá ta stojol banti ya xloc' tal c'ahc'al, c'alal ta mar yu'un Cineret ha to ta mar yu'un te Arabá, ha te Mar Salado, ta stojol banti ya xloc' tal c'ahc'al, soc ta sbehlal Bet-jesimot c'alal ta stojol sur ta ye'tal wits Pisga.

Josué 13:27

soc ta spamlej, ha te Bet-aram, Bet-nimra, Sucot soc Zafón, te j'ohlil xan sq'uinal banti la scuentahin te Sehón ajwalil yu'un Hesbón. Ha sti'il te muc'ul-ha' Jordán c'alal ta mar Cineret ta sjehchelul Jordán ta stojol banti ya xloc' tal c'ahc'al.