San Lucas 4:43 - Bible in Tzeltal Bachajón

⁴³ Pero hich halbotic yu'un Jesús: Ya sc'an te ya jpuc ta halel ta yantic pueblohetic te lec yach'il c'op sc'oblal te cuentahinel yu'un Dios, como ha scuentahil te ticombilon tal, xchi.

Nuevo Testamento Tzeltal de Amatenango

⁴³ Pero te Jesuse la yaltalanbe: —Puersa ya xba kal te ba jtejklumetik te lek achꞌ kꞌop yuꞌun Diose te ya xlijkix ta mantale, porke jaꞌ sluwar te tikonbilon tal yuꞌune —xchi.

Bible in Tzeltal de Oxchuc y Tenejapa

⁴³ Te Jesús la yalbey yaiyic: —Puersa ya xba cal ta bay lumlumtic te lec yach'il c'op te ya xjajch'ix ta mandal te Diose, melel ja' swentail te ticunbilon tel yu'une —xi'.

San Lucas 4:43 ပူးပေါင်းရင်းမြစ်များ

Isaías 48:16

Nohpojanic tal ta jtojol, a'iya awa'iyic ini: C'alal ta shahchibal mayuc banti muquen c'opojon; c'alal hich c'oht ta pasel, tey ayon a, xchi te Jehová. Yo'tic te Cajwaltic Jehová la sticonon bahel soc te Espíritu yu'une.

San Mateo 4:23

La yocliy spisil sq'uinal Galilea te Jesús, yac ta nohpteswanej ta sinagogahetic yu'unic soc yac ta yalel te lec yach'il c'op yu'un te cuentahinel yu'un Dios, soc yac ta slecubtesel spisil chamel soc banti c'ux ya ya'iyic te ants-winiquetique.

San Marcos 1:35

Hahch ta buen sab, ihc' to a te q'uinal, loc' bahel te Jesús ta banti jochol te q'uinale, tey baht sc'opon Dios a.

San Juan 20:21

Cha'halbotic xan yu'un te Jesús: Lamaluc me q'uinal yac awa'iyic. Hich te bin ut'il la sticonon tal te Tatil, ha nix hich ya jticonex bahel, xchi sc'oblalic.

San Juan 9:4

Ya sc'an te ya jpasbe ya'tel te mach'a sticonejon tal te c'alal sac to a te q'uinale. Ya xtal ahc'abal te mayuc mach'a ya xhu' ya x'a'tejix.

Hechos 10:38

ha te bin ut'il Dios la smal ta Ch'ul Espíritu soc yu'el te Jesús talem ta Nazaret, soc te bin ut'il behen ta spasel lequil a'teliletic soc ta scoltayel spisil mach'atic ay swocolic yu'un te pucuj, como joquimbil yu'un Dios.

2 Timoteo 4:2

hala te sc'op Dios, a'telina spasel ta yorahil o teme ma yorahiluc. A'iya comaw, coma soc tsitsa ta scuenta lamal awo'tan soc ta scuenta nohptesel;