San Lucas 4:38 - Bible in Tzeltal Bachajón

³⁸ Te Jesús la stehc'an sba, loc' bahel ta sinagoga, och bahel ta sna Simón. Bayel yac ta a'beyel c'ahc' te snihalme'el te Simón; la yalbeyic wocol te yacuc scoltay.

Nuevo Testamento Tzeltal de Amatenango

³⁸ Lokꞌ tal ta sinagoga te Jesuse, bajt ta sna Simon. Te smeꞌnial te Simone ben tulan tabil ta kꞌajkꞌ. La skꞌambeyik pawor te Jesuse te yauk slekutesbe te skꞌajkꞌe.

Bible in Tzeltal de Oxchuc y Tenejapa

³⁸ Loc' tel ta sinagoga te Jesuse, bajt' ta sna Simón. Te snialme'el te Simone ay bayal swocol, ay ta tulan c'ajc'. La yalbeyic wocol te Jesús te yacuc slamantesbey te sc'aale.

San Lucas 4:38 ပူးပေါင်းရင်းမြစ်များ

San Mateo 15:23

Pero ma ba jac'bot sc'op yu'un te Jesús. Ha yu'un nohpoj tal te jnopojeletic yu'un, hich la yalbeyic: Ticona suhtel, yu'un yac ta aw ta jpatic, xchihic.

San Mateo 4:24

Puhc sc'oblal ta spisil sq'uinal Siria; la yiq'uic tal ta stojol spisil mach'atic ay banti c'ux ya ya'iyic soc te yich'ojic bayel ta chahp chamel soc te bayel swocolic, soc te mach'atic ay pucuj ta yo'tanic, te mach'atic ya xtup' yiq'uic, soc mach'atic chamen schihalic; la slecubteslan te Jesús.

San Juan 11:22

Pero jna'oj te spisil bin yac ac'ambe te Diose, ya ya'bat, xchi.

San Juan 11:3

Ha yu'un te antsetic la sticonic ta halbeyel te Jesús: Cajwal, ay ta chamel te mach'a c'ux ta awo'tan, xchi c'ohel.

1 Corintios 9:5

¿Yu'un bal ma xpas te ya quic'cotic ta behel quihnamcotic te sch'uhunejic Cajwaltic, hich te bin ut'il ya spasic te yantic jpuc-c'opetic soc te yihts'inab te Cajwaltic soc te Cefas?