San Lucas 3:1 - Bible in Tzeltal Bachajón

¹ Ta yo'lajunebal (15) ha'bil yochel ta ajwalil a te Tiberio César, ha te c'alal ay ta gobernador ta Judea a te Poncio Pilato, te Herodes ay ta tetrarca ta Galilea, te Felipe te yihts'in ay ta tetrarca ta Iturea soc ta sq'uinal Traconite, soc te Lisanias ay ta tetrarca ta Abilinia,

Nuevo Testamento Tzeltal de Amatenango

¹ Ayix kinse jaꞌbil ochem ta mukꞌ rey a te jTiberio Cesare, te Poncio Pilatoe jaꞌ ay ta gobiernoil ta estado Judea a, te jHerodese ay ta gobierno ta estado Galilea a, sok ay ta gobiernoil ta estado Iturea sok ta estado Traconite te Felipe, yitsꞌin te jꞌHerodese. Sok jaꞌ ay ta gobiernoil ta estado Abilinia te Lisaniase.

Bible in Tzeltal de Oxchuc y Tenejapa

¹ Yo'lajunebalix ja'wil yochel ta muc' ajwalil a te Tiberio Cesare, ja' ay ta Gobernador ta bay sq'uinal Judea te Poncio Pilatoe. Te Herodese ja' ay ta ajwalil ta bay sq'uinal Galilea. Soc ay ta ajwalil ta sq'uinal Iturea soc ta sq'uinal Traconite te Felipe te yijts'in te Herodese. Soc ja' ay ta ajwalil ta sq'uinal Abilinia te Lisaniase.

San Lucas 3:1 ပူးပေါင်းရင်းမြစ်များ

Génesis 49:10

Ma ba ya xloc' bahel te bastón ta stojol Judá, ma ba ya xloc' bahel te seña ya'tel ta yohlil te yoc, ha to c'alal ya xtal te mach'a ha yu'un stuquel, te ya xch'uhumbot smandar yu'un te pueblohetique.

San Mateo 14:1

Ta hich ora te Herodes te tetrarca la ya'iybe sc'oblal te Jesús te bayuc puhquem ta halel.

San Mateo 14:3

Como te Herodes stsacojix te Juan, la schuc ta cadena soc la yotses ta cárcel, ta scaj te Herodías te yihnam Felipe te yihts'in te Herodes,

San Mateo 14:6

Pero te c'alal la spasbeyic sq'uin yu'un loc' ya'bilal te Herodes, te yantsil-al te Herodías la ya'iy ahc'ot ta stojolic, bayel la smulan te Herodes.

San Mateo 22:17

Hala ca'iycotic hiche, ¿bin xchihat yu'un, stojil bal teme ya yich' tojel patanil ta stojol César o ma'uc? xchihic.

San Mateo 27:2

Chucul a la yiq'uic bahel, c'oht ya'beyic ta sc'ab te gobernador Poncio Pilato.

San Marcos 6:17

Como ha nix te Herodes te la sticon ta tsaquel te Juan, la yac' ta chuquel ta cadena ta cárcel, ta scaj te Herodías te yihnam Felipe te yihts'ine, yu'un la yic' yihnamin.

San Marcos 6:21

Buen ora c'oht sc'ahc'alel te c'alal Herodes, ta yorahil q'uin yu'un loc' ya'bilal, la stsob tal ta we'el principaletic, comandantehetic soc mach'atic ay ya'telic ta Galilea.

San Lucas 13:31

Ha yorahil a te ay fariseohetic te hich tal yalbeyic te Jesús: Bahan, loc'an li'i, como yo'tan ya smilat te Herodes, xchihic.

San Lucas 2:1

Ta hich ora la yal mandar te ajwalil Augusto César te ya me x'och ta ahtayel spisil ants-winiquetic.

San Lucas 23:24

Hich te Pilato la snop te ya yac' te bin yac sc'ambelique.

San Lucas 3:19

Te Herodes te tetrarca, la yich' tijel ta c'op yu'un Juan ta scaj te Herodías te yihnam Felipe, te yihts'in Herodes, soc ta scaj spisil bintic chopol spasoj.

San Lucas 9:7

Te Herodes te tetrarca la ya'iy spisil bintic yac spasticlambel te Jesús, pero ma ba la sna' bin ya spas yu'un, como ay yacalic ta yalel te ha cha'cuxajemix te Juan;

Hechos 23:26

Ich'bilat ta muc' gobernador Félix: Ya jpatbat awo'tan, ho'on te Claudio Lisias.

Hechos 24:27

C'alal ts'acay cheb ha'bil, hil ta sjelol Félix te Porcio Festo. Pero te Félix la sc'an te lecuc yo'tanic ya xhilic yu'un te judíohetic, hich hil ta chuquel yu'un te Pablo.

Hechos 26:30

C'alal laj yo'tan yalbel ini, la stehc'an sba te ajwalil, te gobernador, Berenice soc te mach'atic sjoquinejic ta huclej.

Hechos 4:27

Como melel la stsob sbahic li' ta pueblo te Herodes, Poncio Pilato, te jyanlum winiquetic soc te pueblo Israel ta scontrahinel te Jesús te Ach'ul-nich'an, te mach'a tsahbil awu'une,