San Lucas 24:5 - Bible in Tzeltal Bachajón

⁵ Te bin ut'il tojic xiwel soc te la snijan sbahic ta lum yu'un, hich halbotic: ¿Bin yu'un yac alehic ta yohlil chamen winiquetic te mach'a cuxulixe?

Nuevo Testamento Tzeltal de Amatenango

⁵ Te antstike la skejan sbaik ta lum yuꞌun xiꞌel. Pero te winketike altalanbot yuꞌun: —¿Tuꞌun ya aleik te ba animaetik te machꞌa kuxulixe?

Bible in Tzeltal de Oxchuc y Tenejapa

⁵ Te antsetique la stinan sbaic coel c'alal ta lum yu'un xiwel. Jich albotic yu'un te winiquetique: —¿Bi yu'un ya aleic ta bay animaetic te mach'a cuxule?

San Lucas 24:5 ပူးပေါင်းရင်းမြစ်များ

Daniel 10:16

Pero te mach'a pajal yilel soc snich'an winic la spicbon sti'il que, hich la jam que soc c'opojon, hich la jcalbe te mach'a ay ta jtojol: Tatil, hahch jwocol yu'un te nahalsitil soc mayuc quip ya ca'iy.

Daniel 10:19

hich la yalbon: Ma me xiwat, ha'at te c'uxat ta o'tanil, lamaluc me q'uinal xawa'iy; ac'a xan fuersa, ayuc me yip awo'tan, xchi. C'alal yac sc'opombelon a, la jquich' quip, hich la jcalbe: C'opojan, tatil, como la awa'bon xan quip, xchihon.

San Lucas 1:29

Te María, c'alal la yil te ch'ul a'bat, xiw yu'un te bin halbot yu'une, soc xna'et yu'un te bin scuentahiluc te patil-o'tanile.

San Lucas 24:4

Yacalic na'etel a, xtehc'lujet c'ohel ta sts'ehlic cheb winiquetic te xlipet sacal sc'u' spaq'uic.

San Lucas 24:6

Ma ba li' ayix, cha'cuxajix. Na'ahic me te hich la yalbeyex te c'alal ay to ta Galilea a:

Hechos 2:24

Pero cha'cuxajtesot yu'un te Diose, la scoltay loq'uel ta sc'uxul lajel, como ma ba hu' ta chuquel yu'un.

Hebreos 7:8

Te levitahetic ha winiquetic te ya xlajic, ya yich'ic te jun ta slajibal, yan te Melquisedec te ya xhalot ta testigo-c'op te cuxul, ha la yich' te jun ta slajunebal.

Apocalipsis 1:18

te mach'a cuxul. Lajon, pero cuxulonix sbahtel q'uinal. Quich'oj te llave yu'un lajel soc yu'un te yawil mach'atic chamenic.

Apocalipsis 2:8

Ts'ihbabeya te ch'ul a'bat yu'un te iglesia ta Esmirna: Hich ya yal te Mach'a ha shahchibal soc slajibal, te laj soc te cha'cuxaj tal: