San Lucas 24:32 - Bible in Tzeltal Bachajón

³² Talel c'axel hahch yalbe sbahic: ¿Ma bal ayuc yutsil c'oht ta co'tantic te c'alal la sc'oponotic ta be soc te c'alal la sjam ca'iytic te Shun Dios? xchihic.

Nuevo Testamento Tzeltal de Amatenango

³² Jaꞌ yuꞌun lijk yalbe sbaik: —Jaꞌ mejtik sluwar ben tsꞌaam a kaꞌitik ta koꞌtantik te kꞌalal yipalotik tal ta aꞌabiyej ta bee, sok te ya yalbotik tal sluwaril te skꞌop Diose —xchiik.

Bible in Tzeltal de Oxchuc y Tenejapa

³² Jich jajch' yalbey sbaic: —Ja' cati swentail te bayal sbujts' la caiytic ta co'tantic te c'alal yac tel ta aiyej ta be soc te la xcholbotic caiytic te Sc'op Diose —xiic.

San Lucas 24:32 ပူးပေါင်းရင်းမြစ်များ

Salmos 104:34

Te ayuc bin ut'il lec yo'tan yu'un te bin ya jnopilan ta co'tan; tse'el co'tan ta stojol te Jehová.

Salmos 39:3

Mero xpulet ta co'tan la jca'iy; c'alal la jna'ulan ta co'tan, tihl c'ahc', ha yu'un hich la jcal ta tulan:

Proverbios 27:17

Te taq'uin ya yich' huxbeyel ye ta yan taq'uin, ha nix hich te winic, ya xp'ijub ta scuenta yan winic.

Proverbios 27:9

Te aceite soc te perfume ya yac' yutsil-o'tanil, soc te tojobtesel yu'un te amigo ya xlecub q'uinal yu'un.

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

Jeremías 15:16

La yich' tahel te ac'ope, ho'on la jwe'; ha stse'elil co'tan c'oht te ac'ope soc ha yutsil co'tan c'oht, como quich'ojbat abihil, Jehová, Diosat te acuentahinej spisil.

Jeremías 20:9

Ha yu'un hich la jcal: ¡Ma ba ya jna'ix xan te Cajwal, soc ma ba ya xc'opojonix ta scuenta te sbihile! xchihon. Pero hich ya xc'oht te sc'op te bin ut'il c'ahc' te ya schic'bon jbaquel. La jc'an te ya jcom jba, pero ma ba hu' cu'un.

Jeremías 23:29

¿Ma bal pajaluc soc c'ahc' te jc'ope, xchi te Jehová, soc ma bal pajaluc soc martillo te ya swuy te tone?

San Marcos 4:34

Ma ba la sc'opon teme ma ha'uc ta sloc'ombahil c'op; pero te c'alal stuquel ay soc a te jnopojeletic yu'une, spisil la yalbe bin scuentahil.

San Lucas 24:45

Hich la sjambe yo'tanic scuenta yu'un ya xc'oht ta yo'tanic te bin ya yal te Shun Diose.

San Juan 6:63

Ha te Espíritu te ya yac' cuxlejal, mayuc sc'oblal stuquel te baq'uet. Te jc'op te la jcalbeyex, ha scuenta espíritu soc scuenta cuxlejal.

Hechos 28:23

Ha yu'un la schapic bin c'ahc'alil ya xtal ya'iyic, hich tsobolic talic ta ban nahin te Pablo. Hahch ta sab c'alal ta tibiltic te Pablo, jamal la yalbe soc la yal ta testigo-c'op sc'oblal te cuentahinel yu'un Dios; la ya'be sna'ic bin ut'il ay te Jesús, hich la spas ta scuenta te Ley yu'un Moisés soc ta scuenta te jalwanejetique.

Hebreos 4:12

Cuxul te sc'op Dios soc ay yu'el ya x'a'tej, c'ax hich ya xbojawan a te bin ut'il espada te scha'bunjehchel ay ye te ya sta c'ohel ta c'ubul banti ya sjat te ch'uhlelal soc te espíritu, ya sjat te sts'acomba baq'uet soc stanahul, ya stsahtay te jpensartic soc bintic ya sc'an ya spas te co'tantique.