San Lucas 24:25 - Bible in Tzeltal Bachajón

²⁵ Hich halbotic yu'un te Jesús: ¡Wocol ya xc'oht ta awo'tanic, soc wocol yac ach'uhunic spisil te bintic yalojic te jalwanejetique!

Nuevo Testamento Tzeltal de Amatenango

²⁵ Jicha altalanbot yuꞌun te Jesuse: —Wokol ya xkꞌot ta awoꞌtanik te jaꞌexe. ¿Tut to ora ya xchꞌuun awoꞌtanik spisil te tut yaloj jilel te jꞌalwanejetik yuꞌun te Diose?

Bible in Tzeltal de Oxchuc y Tenejapa

²⁵ Jich albotic yu'un te Jesuse: —Wocol cati ya xc'ot ta awo'tanic. ¿Bi to ora ya xch'uun awo'tanic spisil te bila yaloj jilel te namey q'uinal j'alwanejetic yu'un te Diose?

San Lucas 24:25 ပူးပေါင်းရင်းမြစ်များ

San Mateo 26:24

Te Nich'anil ay ta scuenta winic hich ya xbaht te bin ut'il ts'ihbabil sc'oblale, pero ¡ay me swocol te winic te ya yac' ta c'abal te Nich'anil ay ta scuenta winic! Ha lec te manchuc ayin te winique, xchi.

San Marcos 16:14

Ta slajibal la yac' sba ta ilel yu'un te buluchtuhl (11) te c'alal ayic ta mesa a; la yuticlan yu'un te mayuc sch'uhunel yo'tanic soc tulan te yo'tanique, como ma ba la sch'uhunic te mach'atic la yilic te cha'cuxajemixe.

San Marcos 7:18

Hich halbotic yu'un te Jesús: ¿Yu'un bal ha nix hichex te ma xana'beyic scuentahil? ¿Ma bal yacuc ana'ic te mayuc bin ya x'och ta ye te winic te ya xhu' ya xbohlobtesbot sc'oblal yu'un?

San Marcos 9:19

La yal te Jesús: ¡Mayuc sch'uhunel yo'tanic te jcaj ts'umbalil ini! ¿Jayeb xan c'ahc'al ya sc'an te ya joquinex? ¿Jayeb xan c'ahc'al ya xcuhch cu'un te bin ut'il ayexe? Ic'bonic tal, la yut.

San Lucas 24:24

Soc ay jmohlolcotic te bahtic ta muquenal, hich nix c'oht stahic a te bin la yal te antsetic, pero ma ba la yilic stuquelic te Jesús, xchihic.

San Juan 5:39

Yac anopilanic ta lec te Shun Dios yu'un yac awalic te tey yac awich' acuxlejalic sbahtel q'uinal a; tey nix halbil jc'oblal a,

1 Corintios 15:3

Ta shahchibal la jca'beyex anopic te bin a'boton: Ha te laj Cristo ta scuenta jmultic, hich te bin ut'il ts'ihbabil ta Shun Dios;