San Lucas 23:56 - Bible in Tzeltal Bachajón

⁵⁶ C'alal suhtic bahel, la schahpanic bin sumet yic' soc perfume; la scux yo'tanic ta sc'ahc'alel cux-o'tan hich te bin ut'il ya yal te mandarile.

Nuevo Testamento Tzeltal de Amatenango

⁵⁶ Kꞌalal laj sujt bael ta nae, la xchapbeyik xpoxil stiꞌbalul te ben tsaꞌam yikꞌe. Te antstike la xkux yoꞌtanik ta skꞌaalel kuxo-oꞌtan jich tut ya yal te mantale.

Bible in Tzeltal de Oxchuc y Tenejapa

⁵⁶ C'alal sujt'ic bael ta na, la xchajbanbeyic xpoxil sbaq'uetal te bujts'an nax yiq'ue. Jich la xcux yo'tanic ta sc'aalelal cux-o'tan, jich te bit'il ya yal te mandalile.

San Lucas 23:56 ပူးပေါင်းရင်းမြစ်များ

San Lucas 24:1

Ta buen sab ta sba c'ahc'alil semana te antsetic talic ta muquenal, yich'ojic tal te bin sumet yic' te chahpambil yu'unique.

San Marcos 16:1

C'alal c'axix a te sc'ahc'alel cux-o'tan, te María Magdalena, te María snan Jacobo, soc te Salomé la smanic bintic sumet yic' scuenta yu'un ya xbaht yatintesbeyic sbaq'uetal a te Jesús.

Deuteronomio 5:14

yan te shuquebal c'ahc'al, ha sc'ahc'alel cux-o'tan yu'un Jehová te Dios awu'une. Ma me x'a'tejat a, ni ha'uc aquerem-nich'an, awantsil-nich'an, awa'bat, acriada, j'a'tel-wacax, burro, o biluc chambahlamil awu'un, o te jyanlum ay ta awohlil, scuenta yu'un pajal yac acux awo'tan soc awa'bat soc acriada.

Éxodo 31:14

Ya me acanantayic te sc'ahc'alel cux-o'tan, como ch'ultesbil ta acuentahic. Te mach'a ya sbohlobtesbe sc'oblal ya me xlaj; mach'ayuc a te ya spas biluc a'telil a, ya me yich' loq'uesel ta yohlil te pueblo yu'une.

2 Crónicas 16:14

La smuquic ta smuquenal te pasbil yu'un ta Pueblo yu'un David. La yaq'uic ta schahchamte'el, la ya'beyic perfumehetic soc bayel ta chahp te bin sumet yic', te chahpambil yu'un te mach'atic ya sna'ic spasel. La spasic muc'ul c'ahc' scuenta yich'el ta muc'.