San Lucas 23:34 - Bible in Tzeltal Bachajón

³⁴ Hich la yal te Jesús: Jtat, pasbeya perdón, yu'un ma sna'ic bin yac spasbelic, xchi. La spuc sbahic a te sc'u' spac' ta scuenta seña ta na'el.

Nuevo Testamento Tzeltal de Amatenango

³⁴ Te Jesuse la yal: —Jtat, pasbeya perdon, porke ma snaꞌik te tut ya spasike —xchi. Te soltaroetike lijkik ta tajmal yuꞌun ya yilik te machꞌa ya xkꞌot ta skuenta te skꞌuꞌ-spakꞌ te Jesuse.

Bible in Tzeltal de Oxchuc y Tenejapa

³⁴ Te c'alal jipilix ta cruz yu'unic te Jesuse, jich la yal: —Jtat, pasbeya perdón, melel ma sna'ic stojol te bila ya spasique —xi'.] Te soldadoetic la spasic ta número yilic te bila ya xc'ot ta swentaic juju-jtul yu'un te sc'u'-spac' te Jesuse.

San Lucas 23:34 ပူးပေါင်းရင်းမြစ်များ

Génesis 50:17

Hich me yac awalbeyic te José: Ya calbat wocol te yacuc apasbe perdón yu'un te bin chopol spasojic te abanquiltac soc te smulic ta atojol, te bin ut'il la yuts'inat, xchi. Ha yu'un, awocoluc pasbeya perdón yu'un te bin chopol spasojic te a'batetic yu'un te Dios yu'un te atate, xchihic. Te José bayel oc' yu'un te c'alal hich halbot.

Salmos 22:18

La spuc sbahic a te jc'u' jpac', la spasic seña ta na'el ta scuenta te jc'u'e.

Isaías 53:12

Ha yu'un ya cac' te ya sjoquin te mach'atic ich'bilic ta muc', soc pajal ya spucticlan bintic pojbil soc te mach'atic ay yipic, como ha la yac' scuxlejal ta lajel, soc ahtaybil c'oht soc te jmulawiletic, como la scuchbe smul tsobolic, soc c'opoj yu'un te jc'axun-mandaretique.

San Mateo 11:25

Ta hich ora la yal te Jesús: Ya calbat yutsil ac'oblal, Jtat, Yajwalat ch'ulchan soc bahlumilal, yu'un ma ba la awa'be sna'ic ha'i c'op ini te mach'atic p'ij yo'tanic soc te mach'atic ay bintic ya sna'ic, ha la awa'be sna'ic te bic'tal alaletique.

San Mateo 11:26

Hichuc, Jtat, yu'un hich la sc'an awo'tan.

San Mateo 5:44

Pero ho'on ya calbeyex: C'ux me xawa'iy ta awo'tanic te acontra, lecuc me xac'oponic te mach'atic ya yixta'c'optayex, lecuc bin yac apasbeyic te mach'atic ya sp'ajex, soc c'opombeyahic Dios te mach'atic ya yuts'inex,

San Marcos 15:24

C'alal laj sjihpambelic ta cruz la spuc sbahic a te sc'u' spac', la spasic seña ta na'el bin ya yich' ta jujutuhl.

San Lucas 22:42

hich la yal: Jtat, teme hich ya sc'an awo'tan, ma me xc'oht ta jcuenta te copa ini; pero ma me ha'uc ya xc'oht ta pasel te bin ya sc'an co'tan ho'on, ha ac'a c'ohtuc ta pasel te bin ya sc'an awo'tan te ha'ate, xchi.

San Juan 17:9

Ya calbat wocol yu'unic; ma ha'uc ya calbat wocol yu'un te mach'atic ayic ta bahlumilal, ha ya calbat wocol yu'un te mach'atic la awa'bon ta jcuenta, como ha'at awu'un atuquel.

San Juan 19:11

Jesús la yalbe: Mayuc awa'tel ta jtojol te manchuc a'bilat ta toyol. Ha yu'un te mach'a la yac'on ta ac'ab c'ax hich smul a stuquel, xchi.

Hechos 16:28

Pero te Pablo tulan la yawtay: ¡Ma me xawehchentes aba, jpisilcotic li' ayotcotiqui! xchi.

Hechos 3:17

Yo'tic, quermanotac, ya jna' te hich la apasic ta scaj te ma ba la ana'ic, soc ha nix hich te principaletic awu'unique.

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Romanos 12:14

Halbeyahic lec sc'oblal te mach'atic ya yuts'inex; halbeyahic lec sc'oblal, ma me xabohlobtesbeyic sc'oblal.

1 Corintios 2:8

Ma ba la sna'beyic scuentahil jtuhluc te mach'atic ay ya'telic ta bahlumilal, como te lajuc sna'beyic scuentahil, ma ba la yaq'uic ta milel ta cruz te Cajwaltic te ay yutsilal te hichuque.

1 Corintios 4:12

Luhbenotcotic ta a'tel ta jc'abcotic; ya yalbotcotic chopol jc'oblalcotic, ya calbecotic lec sc'oblalic; c'alal ayotcotic ta uts'inel, ya xcuhch cu'uncotic.

1 Timoteo 1:13

aunque ha jbohlc'optaywanejon, j'uts'inwanejon soc j'ixta'c'optaywanejon ta nahil to; pero la jquich' c'uxultayel yu'un te ma ba la jna' bin la jpas soc mayuc sch'uhunel co'tan a.

1 Pedro 3:9

Ma me xasutbeyic ta bin chopol te mach'a chopol bin ya spasbeyex, soc ma me xasutbeyic chopol sc'oblal te mach'a la yalbeyex chopol ac'oblalic, ha xac'ambeyic bendición, como ana'ojic te ha ic'bilex yu'un yac awich'ic bendición,