San Lucas 22:41 - Bible in Tzeltal Bachajón

⁴¹ Hich spimil jahc bahel te bin ut'il ay ta ch'ojel ton, tey c'oht squejan sba ta sc'oponel Dios a,

Nuevo Testamento Tzeltal de Amatenango

⁴¹ Jakalej bael jich tutꞌil saklejal te ya jchꞌojtik tone, y la skejan sba ta skꞌoponel Dios teꞌa.

Bible in Tzeltal de Oxchuc y Tenejapa

⁴¹ Bajt' xan jich spimil te bit'il ya jch'ojtic bael te tone. Tey la squejan sba ta sc'oponel Dios a.

San Lucas 22:41 ပူးပေါင်းရင်းမြစ်များ

San Mateo 26:39

Jihts xan bahel stuquel, c'oht spahcan sba ta lum ta sc'oponel Dios, hich la yal: Jtat, ayuc bin ut'il ma ba ya cuch' te copa ini; pero ma me ha'uc ya xc'oht ta pasel te bin ya sc'an co'tan, ha me ac'a c'ohtuc ta pasel te bin ya sc'an awo'tan te ha'ate, xchi.

San Marcos 14:35

Jihts xan bahel jteb stuquel, la spahcan sba ta lum, la sc'opon Dios yu'un te manchuc ya xc'oht ta stojol te yorahil swocol.

San Lucas 18:11

Te fariseo la stehc'an sba, hich hahch yal sba ta sc'oponel Dios: Dios, wocol awal te ma hichucon te bin ut'il yantic winiquetic: ha j'eleq'uetic, ma tojuc yo'tanic, j'antsiwejetic, soc wocol awal te ma hichucon te bin ut'il te jc'an-patan ini.

San Lucas 18:13

Yan te jc'an-patan, q'uejel to ay, ma ba la sc'an la shach mohel sit ta ch'ulchan, la spac'ulan stahn, hich la yal: Dios, na'bon yo'bolil jba, ho'on te jmulawilon, xchi.

Hechos 20:36

C'alal laj yalbel a ini, la squejan sba, la sc'opon Dios soc te yantique.

Hechos 21:5

C'alal ts'acay sc'ahc'alel, loc'otcotic bahel. La sjoquinotcotic loq'uel tal ta sti'il te pueblo spisilic soc yihnamic soc yal-snich'nabic, la jquejan jbahcotic ta ti'ha', la jc'oponcotic Dios.

Hechos 7:60

Hich la squejan sba, tulan c'opoj: Cajwal, ma me xawa'be smulinic, xchi. Laj yalbel a, way sbaq'uetal.

Hechos 9:40

Te Pedro la sticon loq'uel spisilic, la squejan sba soc la sc'opon Dios; la sut sba ta stojol te chamen baq'uet soc hich la yal: Hahchan, Tabita, xchi. La swic' sit te Tabita, c'alal la yil te Pedro, la shuhcan hahchel sba.

Hebreos 5:7

Te c'alal ay ta bahlumilal ta scuxlejal a te Cristo, tulan awon soc oc' ta sc'oponel te Mach'a ya xhu' ya x'ac'to ta libre yu'un lajel, soc a'iybot sc'op ta scaj te peq'uel la yac' sba.