San Lucas 22:32 - Bible in Tzeltal Bachajón

³² pero la jc'ambeyix Dios te manchuc ya xch'ay sch'uhunel awo'tan; soc c'alal suhtematix tal a, a'beya yich' yip yo'tan te awermanotaque, xchi.

Nuevo Testamento Tzeltal de Amatenango

³² Pero la jkꞌambeyix te Diose yuꞌun te manchuk ya xchꞌay te xchꞌuunel awoꞌtan ta jtojol te jaꞌate. Te jaꞌate te kꞌalal ya achaꞌsujtes awoꞌtan ta jtojole, koltaya me te awermanotake, aꞌbeya me smukꞌul yoꞌtanik —xchi.

Bible in Tzeltal de Oxchuc y Tenejapa

³² Ja'uc me to, la jc'anbeyix Dios te ma ba jc'axel ya xch'ay xch'uunjel awo'tan ta jtojole. Te c'alal la asujt'esix awo'tan ta jtojole, ac'beya me yip yo'tanic uuc te awermanotaque —xi'.

San Lucas 22:32 ပူးပေါင်းရင်းမြစ်များ

San Mateo 18:3

hich la yal: Jamal ya calbeyex, teme ma ba hich yac ap'is abahic te bin ut'il alaletic, ma xhu' ya x'ochex ta banti ay te cuentahinel yu'un te ch'ulchan.

San Mateo 26:75

Ha yu'un te Pedro hul ta yo'tan te bin la yal te Jesús: Ma to x'oc' tat mut a te yac amucon ta awo'tan oxeb buelta, te xchihe. Hich loc' bahel soc bayel la yoq'uetay sba yu'un.

San Marcos 14:72

Cha'oc' te tat mut. Tey la sna' a te Pedro te bin halbot yu'un te Jesús: C'alal ma to x'oc' cheb buelta a te tat mut, oxeb buelta yac amucon ta awo'tan, te xchi sc'oblale. Hich hahch ta oq'uel.

San Marcos 16:7

Bahan halbeyahic te jnopojeletic yu'un, soc te Pedro, te ha ya xnahilij bahel awu'unic ta Galilea; tey ya xc'oht awilic a, hich te bin ut'il la yalbeyex, xchi.

San Lucas 8:13

Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

San Juan 14:19

Jts'ihn xanix ya sc'an ya xch'ayon ta sit te mach'atic ayic ta bahlumilal, pero te ha'exe, ya me awilonic. Te bin ut'il cuxulon, ha nix hich ya xcuxajex.

Hechos 3:19

Ha yu'un suhtesa awo'tanic soc suhtanic tal ta stojol Dios scuenta yu'un ya yich' tup'el amulic; scuenta yu'un yacuc xloc' tal ta stojol Cajwaltic te yorahil ya xlecub cuxlejalil,

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Romanos 8:34

¿Mach'a c'an ya'be stoj smul? ha nix te Cristo te laj, soc xan ha cha'cuxaj, soc ayix ta swa'el-c'ab te Dios, te ha nix ya xc'opoj cu'untic.

2 Timoteo 2:18

te la yihquitayic hilel te smelelil c'ope. Ya yalic te c'axemix te cha'cuxajel, hich ya sjimbeyic sch'uhunel yo'tanic yantic a.

Tito 1:1

Pablo, a'bat yu'un Dios soc jpuc-c'op yu'un te Jesucristo yu'un ya sta sch'uhunel yo'tanic a te mach'atic tsahbilic yu'un Dios soc yu'un ya sna'ic te smelelil c'op te hich toj ya sc'an ch'uhunel te Diose,

Hebreos 12:15

Tsahtayahic te mayuc mach'a ma ba ya sta te yutsil yo'tan te Diose, soc te ma ba ya xpuhlin slohp' te bin ch'a te ya ya'beyex wocol soc te ya sbohlobtes tsobolex.

Hebreos 7:25

Ha scuentahil te ya xhu' ya scoltay sbahtel q'uinal te mach'atic ya xnohpojic ta stojol Dios ta scuenta, como stalel cuxul yu'un ya xc'opoj ta scuentahic.

1 Pedro 1:1

Pedro, jpuc-c'op yu'un te Jesucristo, ta stojol te mach'atic puhquemic bahel ta pueblohetic ta sq'uinal Ponto, Galacia, Capadocia, Asia, soc Bitinia,

1 Pedro 1:13

Ha yu'un chahpana me apensaric; tsahtaya me abahic, ac'a smuc'ulin awo'tanic te yutsil-o'tanil yac awich'ic te c'alal ya xchicnaj tal te Jesucristo.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

2 Pedro 3:14

Ha yu'un, quermanotac te c'uxex ta co'tan, te bin ut'il yaquex ta smahliyel ini, o'tantayahic me te hichuc ya stahex a te Dios te mayuc awa'baquilic soc mayuc bin ya stijex ta c'op yu'un, soc te lamaluc q'uinal soc.

1 Juan 2:19

Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.