San Lucas 21:8 - Bible in Tzeltal Bachajón

⁸ Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

Nuevo Testamento Tzeltal de Amatenango

⁸ Te Jesuse la sjakꞌ: —Ila me abaik, ma me machꞌa sloꞌlayex. Porke ay me ya xtal bayal te ya xloꞌlawanik ta jbiile. Ya yalik: “Joꞌon Cristoon”, y “Jaꞌix me stiempoil.” Pero te jaꞌexe ma me atsꞌakliyik.

Bible in Tzeltal de Oxchuc y Tenejapa

⁸ La yal te Jesuse: —Tsajtaya me abaic, ma me mach'a ya slo'layex. Ay me tsobol ya xtalic te ya slotbonic jbiile. “Jo'on Cristoon”, xiic me, soc “Yorailix”, xiic me. Ja'uc me to, ma me xats'aclinic.

San Lucas 21:8 ပူးပေါင်းရင်းမြစ်များ

Jeremías 29:8

Como hich yaloj te Jehová te scuentahinej spisil, te Dios yu'un Israel: Ma me xawac' slo'loyex te jalwanejetic soc te jna'ojeletic te ayic ta awohlilique; ma xawich'ic ta cuenta te swayichic,

San Mateo 24:11

Ya xchicnaj hahchel tsobol lotil jalwanejetic soc ya slo'loylanic tsobolic.

San Mateo 3:2

hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Mateo 4:17

Ta hich ora hahch ta yalel sc'op Dios te Jesús, hich la yal: Suhtesa awo'tanic, como nopolix yorahil te cuentahinel yu'un te ch'ulchane, xchi.

San Lucas 17:23

Hich me ya xhalbotex: Ilawil, li' ay, o: Ilawil, tey ay a, xchihic. Ma me xbahex soc ma me xat'unic bahel,

San Lucas 21:7

La sjoc'obeyic te Jesús: Maestro, ¿bin ora te hich ya xc'oht ta pasel? soc ¿bin señahil ya xchicnaj te c'alal nopol ya xc'ohtix ta pasel? xchihic.

San Lucas 21:9

Te c'alal yac awa'iyic te ay guerrahetic soc te ya xhahch c'op, ma me xaxi'ic, como ya sc'an te nahil hich ya xc'oht ta pasel, pero ma to ha'uc ya xtal a te slajibal c'ahc'al, xchi.

San Juan 5:43

Talemon ta scuenta sbihil te Jtate, pero ma xawich'onic ta cuenta. Teme ay yan te ya xtal ta scuenta sbihil nix, ha yac awich'ic ta cuenta stuquel.

San Juan 8:24

Ha scuentahil te la jcalbeyex te ay amulic a ya xchamex. Teme ma ba yac ach'uhunic te jtalel ayon, ay amulic a ya xchamex, xchi.

San Juan 8:28

Ha yu'un la yalbe xan: Te c'alal ya yich' toyel hahchel te Nich'anil ay ta scuenta winic, tey to me yac ana'ic a te ho'on nix soc te mayuc bin jtuquel-o'tan nax ya jpas, ha nax ya cal te bin a'bibilon jnop yu'un te Tatile.

1 Corintios 6:9

¿Ma bal ana'ojic te ma ba ya x'a'bot yich'ic te cuentahinel yu'un Dios te mach'atic chopolique? Ma me slo'loybeyex awo'tanic: te jpas-muliletic, te mach'atic sch'uhunejic lotil diosetic, j'antsiwejetic, mach'atic smohlol sba ta winiquil o ta antsil te ya sjoquin sbahic,

Efesios 5:6

Ma me ayuc mach'a yac awac' slo'loyex ta tojol-c'opetic, como ta scuenta spasel ini ya xtal te yilimba Dios ta stojol te mach'atic jc'axun-c'opetic.

2 Tesalonicenses 2:3

Ma me ayuc mach'a ya slo'loyex ta biluc nax ut'il, como ma ba ya xtal ha to teme c'ohtix ta pasel te tsobol ya yihquitayic sch'uhunel Dios soc te ya xchicnaj te winic yu'un mulil, ha te mach'a ch'ayel ya xbaht,

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

1 Juan 4:1

Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

2 Juan 1:7

Tsobol jlo'loywanejetic hahchemic ta behel ta bahlumilal te ma ba ya yalic te tal soc sbaq'uetal te Jesucristo. Te mach'a hich ya yal, ha me jlo'loywanej soc ha te anticristo.

Apocalipsis 1:3

Bayel me yutsil te mach'a ya yil soc te ya ya'iy ha'i sc'op-jalwanej ini, soc te ya yac' ta yo'tanic te bintic ts'ihbalambil tey a, como nopol ya xc'ohtix ta pasel.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.