San Lucas 21:25 - Bible in Tzeltal Bachajón

²⁵ Ya me xchicnaj señahiletic ta c'ahc'al, ta u soc ta eq'uetic, soc ta bahlumilal ya me xc'ax swocolic te nacionetic; ma sna'ic bin ya spasic yu'un te tulan sc'op te mar soc te ya syuq'uilan sba.

Nuevo Testamento Tzeltal de Amatenango

²⁵ Ay me señailetik ya xchiknaj ta kꞌajkꞌal, sok ta u, sok ta ekꞌetik; y te genteetik ta balmilale ya me xlijkik ta wokol yuꞌun xiꞌel. Ya me xiꞌik yuꞌun te ya xkꞌopoj tulan te mare y te xwilawete.

Bible in Tzeltal de Oxchuc y Tenejapa

²⁵ “Soc ya me xchicnaj señailetic ta bay te c'aale, ta bay u, soc ta bay eq'uetic. Soc ta sba balumilal ya me xc'opoj tulan soc sbul te mare. Jich te lumlumtique bayal me swocol ya yaiy ta yo'tanic ta scaj te xiwele.

San Lucas 21:25 ပူးပေါင်းရင်းမြစ်များ

Salmos 46:3

aunque tulan ya xc'opoj soc ya xbuhlan te ha'etic, soc ya syuq'uilan sbahic te witsetic yu'un te yipe. Selah

Isaías 13:10

Te eq'uetic soc te xana-eq'uetic ta ch'ulchan ma ba ya yac' sc'ahc'al; ya x'ihc'ub te c'ahc'al te c'alal ya xloc' tal, soc te u ma ba ya yac' sts'anabul.

Isaías 17:12

¡Ay, te xjuyet bayel pueblohetic ini, hich sc'opic te bin ut'il xju'et mar! ¡Ay, te xjuyet nacionetic ini, hich sc'opic te bin ut'il xnilet bayel ha'etic!

Isaías 24:23

Ya xtsajub yu'un q'uexlal te u, ya xq'uexaw te c'ahc'al te c'alal ya x'och ta ajwalil ta wits Sión, ta Jerusalén te Jehová te scuentahinej spisil, soc te ya xtihl yutsilal ta stojol te mamaletic yu'une.

Isaías 5:30

Ta hich ora ya x'awonic ta stojol hich te bin ut'il sc'op te mar. Ya yilic te lumq'uinal, ya me yilic yihc'al q'uinal soc wocol, ya x'ihc'ub te sacal q'uinal yu'un te tocale.

Isaías 51:15

Como ho'on Jehovahon te Dioson awu'un, te ya jyuc' te mar soc ya cac' ya x'awon te stselajan, ha Jehová te scuentahinej spisil te jbihile.

Jeremías 4:23

La jquil te lumq'uinal, jihnem soc jochol; la jquil te ch'ulchan, mayuc sacal q'uinal yu'un.

Daniel 12:1

Ta hich ora ya xhahch te Miguel, te muc'ul príncipal te ya scanantay te pueblo awu'une. Ha yorahil bayel wocol, mayuc hich c'ohem ta pasel c'alal hahchemic nacionetic c'alal ta hich ora. Pero ta hich ora ya x'ac'ot ta libre te pueblo awu'un, spisil te mach'atic ts'ihbabil sbihilic ta libro.

Miqueas 7:4

Te mach'a lec yilel hich c'ohem te bin ut'il ch'ix; te mach'a mero toj hich c'ohem te bin ut'il jpeht ch'ix. Yac ta talel te sc'ahc'alel castigo awu'un, ha te bin la yalic te j'il-q'uinal awu'un; yorahilix te howiyel awu'une.

San Mateo 24:29

Xc'ax nax a te bayel wocole, ya x'ihc'ub te c'ahc'al, ma xyac' sts'anabul te u, ya xch'ay cohel tal ta ch'ulchan te eq'uetic soc ya me syuc' sbahic te bintic ay ta sjamalil ch'ulchan.

San Mateo 27:45

Ohlil c'ahc'al a, ihc'ub q'uinal ta spisil te q'uinal, ha to c'alal ta oxeb ora suhtel c'ahc'al.

San Marcos 13:24

Pero ta hich ora, te c'alal c'axemix a te wocole, ya me x'ihc'ub te c'ahc'al, ma xyac' sts'anabul te u,

San Marcos 13:26

Ta hich ora ya me yilic te Nich'anil ay ta scuenta winic te yac ta talel ta tocal soc bayel yu'el soc yutsilal.

San Marcos 15:33

C'alal la sta ohlil c'ahc'al, ihc'ub spisil te q'uinal ha to ta oxeb ora stibiltayel q'uinal.

San Lucas 21:24

Ya xlajic ta espada soc ya xbahtic ta chuquel ta spisil nacionetic, soc te Jerusalén ya yich' ts'o'el ta teq'uel yu'un jyanlumetic ha to c'alal ya sts'acay te yorahil yu'un te jyanlumetique.

San Lucas 21:26

Ya xch'ay yo'tanic yu'un xiwel yu'un sna'el bintic ya xc'oht ta pasel ta bahlumilal, yu'un soquet ya xhahchic spisil te bintic ay ta sjamalil te ch'ulchane.

Hechos 2:19

Ya cac' ta ilel muc' jchahp a'teliletic ta sjamalil ch'ulchan, soc señahiletic ta bahlumilal, ch'ich', c'ahc' soc xpaq'uet ch'ahilel;

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.