San Lucas 21:19 - Bible in Tzeltal Bachajón

¹⁹ Ta scuenta bin ut'il ya xcuhch awu'unic, hich ya xcol ach'uhlelic yu'un.

Nuevo Testamento Tzeltal de Amatenango

¹⁹ Junuk me awoꞌtanik; yuꞌun jich me ya xkolex.

Bible in Tzeltal de Oxchuc y Tenejapa

¹⁹ Teme cujch' awu'unique, jich me ya xcol ach'ulelic.

San Lucas 21:19 ပူးပေါင်းရင်းမြစ်များ

Salmos 37:7

Ch'aban me ta stojol Jehová soc junuc me awo'tan xamahliy. Ma me x'ilinat yu'un te mach'a ay bin lec ya xc'oht ta loq'uel yu'un, te mach'a ya spas te bin chopole.

Salmos 40:1

Jun co'tan la jmahliy te Jehová, la yac' tal schiquin ta jtojol, la ya'iybon caw.

Habacuc 3:16

La jca'iy, la syuc' sba jch'uht yu'un; nihc que yu'un te sc'ope. Och sc'a'el ta jbaquel, jcohtol nihcon yu'un. Lamal co'tan ya jmahliy te sc'ahc'alel wocol te ya xc'oht ta stojol te pueblo te ya ya'botic guerra.

San Mateo 10:22

Ya me yihlayex spisilic ta scaj te jbihile, pero te mach'a jun yo'tan ya xhil c'alal ta slajibal, ya me xcol stuquel.

San Mateo 24:13

Pero te mach'a ya xcuhch yu'un c'alal ta slajibal, ha me ya xcol stuquel.

San Lucas 8:15

Yan te c'oht ta lequil lum, ha sc'oblal te mach'atic lec soc toj yo'tanic te ya sq'uej ta yo'tanic soc spisil ora ya yaq'uic sit.

Romanos 15:4

Como spisil te bintic ts'ihbabil ta nahil, scuenta jp'ijubteseltic te la yich' ts'ihbayel, scuenta yu'un ay smuc'ul co'tantic ta scuenta te bin ya xcuhch cu'untic soc ta scuenta te yip co'tantic ya jtahtic yu'un te bin ts'ihbabile.

Romanos 2:7

ya x'a'bot scuxlejalic scuenta sbahtel q'uinal te mach'atic yo'tantayejic spasel bintic lec ta pasel yu'un yac slehbelic yutsilalic soc yich'elic ta muc' soc te ma xlajique;

Romanos 5:3

Soc ma ha'uc nax ini, ha nix hich tse'el co'tantic yu'un te jwocoltic, yu'un jna'ojtic te wocole ha ya yac' te spisil bin ya xcuhch cu'untic;

Romanos 5:4

te bin ut'il spisil ya xcuhch cu'untic, ha ya yac' te ya xlecub jtaleltic; te bin ut'il ya xlecub te jtaleltic, ha ya yac' smuc'ul co'tantic;

Romanos 8:25

Pero teme ya jmahliytic te bin ma ba quilojtic, jun co'tantic ya jmahliytic.

1 Tesalonicenses 1:3

Spisil ora ya jna'excotic ta stojol te Jtatic Dios yu'un te awa'telic yac apasic ta scuenta sch'uhunel awo'tanic, te awa'telic ta scuenta sc'uxul awo'tanic, soc te ay yip awo'tanic ta smahliyel te Cajwaltic Jesucristo.

2 Tesalonicenses 3:5

Te Cajwaltic ac'a stojobtesbeyex bahel awo'tanic ta stojol te sc'uxul yo'tan Dios soc te slamalil yo'tan Cristo.

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

Hebreos 6:11

Pero ha ya jc'ancotic te tuhlutuhlex hich nix yac awo'tantayic spasel c'alal to ta slajibal ora, scuenta yu'un hich me ya xc'oht ta acuentahic a te bin jun awo'tanic yac amahlibelic,

Hebreos 6:15

Te bin ut'il te Abraham jun yo'tan la smahliy, la sta te bin halbote.

Santiago 1:3

como ana'ojic te c'alal ya yich' tsajel te sch'uhunel awo'tanic ya yac' te ya xcuhch awu'unic.

Santiago 1:4

Ac'a shu'tes te ya'tel te ya xcuhch awu'unic, scuenta yu'un lec soc ts'acal ya xc'ohex yu'un, te mayuc bin ya spasex falta a.

2 Pedro 1:6

teme ay bintic ana'ojic, ya sc'an te yac ana' scomel abahic; teme la ana' scomel abahic, ya sc'an te ya xcuhch awu'unic; teme ya xcuhchix awu'unic, ya sc'an te lec yac ach'uhunic Dios;

Apocalipsis 1:9

Ho'on te Juan, awermanohon soc jmohlol jbahtic ta wocol, ta cuentahinel yu'un Dios soc te jun co'tantic yacotic ta smahliyel ta scuenta Jesús; ayon ta Patmos sbihil te tut q'uinal ay ta yohlil mar, ta scaj te sc'op Dios soc te testigo-c'op yu'un te Jesucristo.

Apocalipsis 13:10

Te mach'a ya x'ic'awan bahel ta chuquel, ya me x'ic'ot bahel ta chuquel. Te mach'a ya yich' milel ta espada, ya me yich' milel ta espada. Ha ini ya sc'an te ay yip yo'tanic soc te ay sch'uhunel yo'tanic te mach'atic ch'ultesbilique.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.

Apocalipsis 3:10

Te bin ut'il acanantayej te jmandar te ya xcuhch awu'un te awocol, ha nix hichon ya jcanantayat ta yorahil tsajel te ya xtal ta stojol swohlol bahlumilal scuenta stsajelic te mach'atic nahinemic ta bahlumilal.