San Lucas 20:25 - Bible in Tzeltal Bachajón

²⁵ Halbotic yu'un te Jesús: Ha yu'un a'beya César te bin yu'un César, soc a'beya Dios te bin yu'un Dios, xchi.

Nuevo Testamento Tzeltal de Amatenango

²⁵ Te Jesuse la yaltalanbe: —Te tut yuꞌun te Cesare, aꞌbeyaik; y te tut yuꞌun te Diose, aꞌbeyaik euk —xchi te Jesuse.

Bible in Tzeltal de Oxchuc y Tenejapa

²⁵ Jesús la yalbey yaiyic: —Te bila ja' yu'un te Cesare, ac'beya te Cesar, soc te bila ja' yu'un te Diose, ac'beya te Diose —xi' te Jesuse.

San Lucas 20:25 ပူးပေါင်းရင်းမြစ်များ

Proverbios 24:21

Jnich'an, ich'a ta muc' te Jehová soc te ajwalil, ma me xajoquin te jtoybahetique,

San Mateo 17:27

Pero, scuenta yu'un ma ba ya xbohlob yo'tanic ta jtojoltic a, bahan ta mar, ch'oja ochel te alucbal-taq'uin, te jcoht chay yac atsac loq'uel, hawbeya ye, tey yac ata a jun estatero-taq'uin. Ich'a bahel, a'beya, cheb cu'un, cheb awu'un, xchi.

San Mateo 22:21

Yu'un César, xchihic. Halbotic yu'un te Jesús: A'beya César te bin yu'un César, soc a'beya Dios te bin yu'un Dios, xchi.

San Marcos 12:17

La sjac' te Jesús: A'beyahic César te bintic yu'un César, soc a'beyahic Dios te bintic yu'un Dios, xchi. Xcham yo'tanic yu'un.

San Lucas 20:24

A'bonic quil junuc denario. ¿Mach'a sloc'omba soc mach'a sbihil ini? xchi. Ha yu'un César, xchihic.

Hechos 5:29

Hich la sjac' te Pedro soc te yantic jpuc-c'opetic: Ha bayel xan sc'oblal te ya jch'uhumbetic smandar Dios te bin ut'il te smandar winiquetique.

1 Corintios 10:31

Ha yu'un teme ya xwe'ex o ya x'uch'ex o biluc yac apasic, pasahic spisil ta scuenta yich'el ta muc' te Diose.

1 Pedro 4:11

Teme ay mach'a ya xc'opoj, hich ac'a c'opojuc te bin ut'il mach'a yac ta yalel te bintic yaloj te Diose; teme ay mach'a ya yac' sba ta a'batinel, ac'a me spas ta scuenta te yip te ya x'a'bot yu'un Dios, scuenta yu'un ta spisil ya xhalot yutsilal Dios ta scuenta te Jesucristo, te ha yu'un te utsilal soc te yu'el scuenta sbahtel q'uinal. Hichuc.