San Lucas 20:22 - Bible in Tzeltal Bachajón

²² ¿Stojil bal te ya ca'be jpatantic te César, o ma'uc? xchihic.

Nuevo Testamento Tzeltal de Amatenango

²² ¿Me lek te ya jtojtik te jtojemaltik yuꞌun te Cesare o ma lekuk? —xchiik.

Bible in Tzeltal de Oxchuc y Tenejapa

²² ¿Lec bal te ya jtoj jpatantic ta stojol te Cesare, o ma stac'? —xiic.

San Lucas 20:22 ပူးပေါင်းရင်းမြစ်များ

Esdras 4:13

Soc ac'a sna' te ajwalil teme ya yich' cha'pasel te pueblo soc teme ya yich' hachel te ts'ahquetic, ma ba ya stojix spatanic soc yantic pataniletic awu'un; hich ya xch'ay te taq'uin te ya yich'ic te ajwaliletique.

Esdras 9:7

C'alal ta yorahil te jme'jtatcotic ha to c'alal ora yo'tic bayel te jmulcotic. Ta scaj te jmulcotic, te ho'otcotic soc te ajwaliletic soc sacerdotehetic cu'uncotic ac'otcotic ta sc'ab te ajwaliletic ta yantic nacionetic, ac'otcotic ta lajel ta espada, ta chuquel, ta elc'anel soc ta q'uexlal, hich te bin ut'il ta ora ini.

Nehemías 5:4

Soc ay yantic te la yalic: La jmajancotic taq'uin yu'un ya jtojbecotic spatanil te jq'uinalcotic soc jts'usubilcotic ta stojol te ajwalil.

Nehemías 9:37

Spisil te sit ya yac', ha me yu'unic te ajwaliletic te la awac' ta jtojolcotic ta scaj te jmulcotic, ha te mach'atic scuentahinejic te jbaq'uetalcotic soc jchambahlamcotic, hich te bin ut'il ya sc'an yo'tanic. ¡Ayotcotic ta bayel wocol! xchi ta sc'oponel Dios te Esdras.

San Mateo 17:25

Yac, ya yac', xchi. C'alal och bahel ta na te Pedro, ha nahil halbot yu'un te Jesús: ¿Bin xchihat yu'un, Simón? Te ajwaliletic ta bahlumilal, ¿mach'atic a te ya sc'ambe spatanic, ha bal te yal-snich'nabic o ha bal te yantique? xchi.

San Lucas 20:21

Hich la sjoc'obeyic: Maestro, jna'ojcotic te lec ac'op soc toj ya xnohpteswanat, soc mayuc mach'a tsahbil nax awu'un, smelelil yac awac' ta nopel te be yu'un Dios.

San Lucas 20:23

Pero te Jesús la sna' te bin chopol snopojic, hich la yalbe:

San Lucas 23:2

Hahch slehbeyic smul, hich la yalic: Chicnaj cu'uncotic te yac sjimbel te nación te winic ini, soc ma xyac' ta a'beyel patanil te César, ha nix ya yal sba te ha Cristo, ha jtuhl ajwalil, xchihic.

Hechos 5:37

Ta patil chicnaj Judas te talem ta Galilea, ta yorahil te la yich' ahtayel ants-winiquetic, bayel mach'a t'unot yu'un; pero ha nix hich laj, soc spisil mach'atic la st'unic la spuc sbahic.

Romanos 13:7

Tojahic me spisil teme ay mach'atic ay abetic yu'un: teme ha patanil, a'beyahic; teme ha spatanil biluc, a'beyahic; te mach'a ay ta ich'el ta cuenta, ich'ahic me ta cuenta; te mach'a ay ta ich'el ta muc', ich'ahic me ta muc'.

Deuteronomio 17:15

ya me awac' scuentahinat te ajwalil te ya stsa te Jehová te Dios awu'une. Ha nix alumal yac awotses ta ajwalil te ya scuentahinat; ma me xawac' scuentahinat jtuhl jyanlum winic te ma ha'uc alumal.