San Lucas 20:21 - Bible in Tzeltal Bachajón

²¹ Hich la sjoc'obeyic: Maestro, jna'ojcotic te lec ac'op soc toj ya xnohpteswanat, soc mayuc mach'a tsahbil nax awu'un, smelelil yac awac' ta nopel te be yu'un Dios.

Nuevo Testamento Tzeltal de Amatenango

²¹ Jaꞌ a sjojkꞌobeyik to te Jesuse: —Maestro, jnaꞌojtik te toj te tut ya awale y te ya snojpeswanate. Ma tꞌujbiluk nax awuꞌun te machꞌa ya awakꞌ ta jkuentae. Jich ya snojpeswanat te tut ya yal ta mantal te Diose.

Bible in Tzeltal de Oxchuc y Tenejapa

²¹ Jich la sjojc'obeyic te Jesuse: —Maestro, jna'ojtic te toj te bila ya awale soc te bila ya awac' ta nopele. Ma tsabiluc nax awu'un te mach'a ya awich' ta muq'ue. Melel jamal ya awac' ta nopel te be yu'un te Diose.

San Lucas 20:21 ပူးပေါင်းရင်းမြစ်များ

2 Crónicas 19:7

Ha yu'un, ich'ahic ta muc' te Jehová, tsahtayahic te bin yac apasic, como te Jehová te Dios cu'untic ma ha'uc te ma tojuc ya xchahpanwan, ma tsahbiluc nax mach'a ya sc'uxultay soc mayuc chahpanel yu'un ta scuenta taq'uin, xchi.

Job 34:19

te pajal ay ta yo'tan te príncipaletic, te pajal c'ohem ta yo'tan te jc'ulej soc te pobre, como spisilic ha ya'tel sc'ab stuquel?

Salmos 12:2

Jujutuhl ya slotiy sbahic soc spat-xuhquic, ya xbahbac'optaywanic soc cheb yo'tanic.

Salmos 55:21

Buen c'un ta a'iyel te sc'op, c'ax hich a te bin ut'il mantequilla, pero ay guerra ta yo'tan; c'un te sc'ope, c'ax hich a te bin ut'il aceite, pero hich c'ohemic te bin ut'il espadahetic loq'uesbilic ta sna.

San Mateo 22:16

La sticonic bahel te jnopojeletic yu'unic soc te winiquetic yu'un Herodes, hich c'oht yalbeyic: Maestro, jna'ojcotic te smelelil ya xc'opojat soc smelelil yac awac' ta nopel te be yu'un Dios, mayuc sc'oblal awu'un te bin ya yal yantic, como ma ba yac awilbe bin yilel stalel te ants-winiquetique.

San Marcos 12:14

Hich c'oht yalbeyic: Maestro, ya jna'cotic te smelelil bin yac awal, soc te mayuc mach'a yac axi' aba soc; yu'un ma ba yac awilbe stalel te ants-winiquetic, smelelil yac awac' ta nopel te be yu'un Dios. ¿Stojil bal ta tojbeyel patanil te César, o ma'uc? ¿Ya bal ca'betic, o ma'uc? xchihic.

San Lucas 20:20

Ha yu'un la sticonic bahel jtsahtaywanejetic te la scuy sbahic ta toj yo'tanic scuenta yu'un ya stsajic ta sc'op, hich ya xhu' ya yaq'uic ta sc'ab te gobernador a.

San Lucas 20:22

¿Stojil bal te ya ca'be jpatantic te César, o ma'uc? xchihic.

San Juan 3:2

Ta ahc'abal tal sc'opon te Jesús, hich la yalbe: Rabí, jna'ojcotic te ha sticonejat tal ta p'ijubteswanej te Diose, como mayuc mach'a ya xhu' yu'un spasel te señahiletic yac apasbel teme ma ba joquimbil yu'un te Diose, xchi.

2 Corintios 2:17

Te ho'otcotic ma hichuc ayotcotic te bin ut'il tsobolic te ya schonic te sc'op Dios scuenta spasel ganar; ho'otcotic smelelil ya xc'opojotcotic ta stojol Dios ta scuenta Cristo, te bin ut'il ticombilotcotic yu'un Dios.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Gálatas 2:6

Pero te mach'atic hich ya'iyel te ay sc'oblalic (ma yu'unuc ay sc'oblal ta co'tan bin ut'il ayic; Dios ma tsahbiluc nax mach'a ay sc'oblal yu'un), te mach'atic ay sc'oblalic mayuc bin yach'il la ya'bonic jna'.