San Lucas 20:20 - Bible in Tzeltal Bachajón

²⁰ Ha yu'un la sticonic bahel jtsahtaywanejetic te la scuy sbahic ta toj yo'tanic scuenta yu'un ya stsajic ta sc'op, hich ya xhu' ya yaq'uic ta sc'ab te gobernador a.

Nuevo Testamento Tzeltal de Amatenango

²⁰ Jaꞌ yuꞌun la stikonik jꞌilawetik te skuyoj sbaik te lek yoꞌtanik ta ilel ta stojol te Jesuse, yuꞌun jich me ya yaꞌbeyik yal a te tut ma lekuke. Jich me ya xba yakꞌik entregal ta stojol te gobiernoe.

Bible in Tzeltal de Oxchuc y Tenejapa

²⁰ Jich yu'un la sticunic jtsajtaywanejetic te scuyoj sbaic ta lec yo'tanic ta ilel ta stojol te Jesuse, swenta yu'un jich me ya yac'beyic yal te bila amene. Yu'un jich me ya yaq'uic ta sc'ab a te ajwalile.

San Lucas 20:20 ပူးပေါင်းရင်းမြစ်များ

2 Samuel 14:2

Ha yu'un la sticon ta iq'uel tal jtuhl p'ijil ants ta Tecoa, hich la yalbe: Ya calbat wocol te yacuc ap'is aba te ayat ta mel-o'tan, lapa c'u'ul scuenta mel-o'tan, ma me xawa'be aba perfume, ya sc'an te hich yac awac' aba te bin ut'il ants te ayix bayel c'ahc'al ay ta mel-o'tan ta scuenta te ay mach'a cham yu'une.

Salmos 38:12

Te mach'atic ya sc'an ya smilonic ya schahpambonic jyacol, te mach'atic ya sc'an ya yuts'inonic ya yalbonic jc'oblal ta jinel, soc sjunal c'ahc'al ya schahpanic jlo'loyel.

Salmos 66:3

Halbeya te Diose: ¡Mero jchahp a te a'teliletic awu'un! Ta scuenta te smuc'ul awu'el ya me squejan sbahic ta atojol te acontrataque.

Salmos 81:15

Te mach'atic ya sp'ajic te Jehová ya me sc'ol sbahic yu'un xiwel ta stojol, soc sbahtel q'uinal ma xlaj te castigo yu'unique.

Jeremías 11:19

Te ho'one hich c'ohemon te bin ut'il tuminchij te manso yo'tan te ya x'ic'ot bahel ta milel. Ma ba jna'oj bin a te snopojic ta jcontra, te hich la yalic: Ac'a jlajintic te te' soc te site, ac'a jset'tic loq'uel ta q'uinal ta yohlil te mach'atic cuxajtic, scuenta yu'un mayuc mach'a ya xna'bot sbihil a, xchihic.

Jeremías 18:18

Hich la yalic: La'ic, ya jchahp jc'optic ta scontrahinel te Jeremías; como ma xpasot falta te nohptesel yu'un te sacerdotehetic, te j'ac'-o'tanil yu'un te mach'atic ay sp'ijilic, soc te sc'op te jalwanejetique. La'ic, ya jcomtic ta c'op, ma ba ya quich'tic ta cuenta te bin ya yale, xchihic.

Jeremías 20:10

La jca'iybe sajsaj c'opic tsobolic te hich ya yalic: ¡Ay tulan xiwel ta bayuc! ¡Halbeyahic smul! ¡Ya jlehbetic smul! xchihic. Spisil te mach'atic jun co'tan soc ya smahliyic te ya jc'ohchin te coque. Hich ya yalic: Ya wan xhu' ta lo'loyel, hich ya jtsaltic soc ya jsutbetic spacol, xchihic.

Daniel 6:4

Te gobernadoretic soc te schebal ajwaliletic la slehic bin ut'il ya slehbeyic smul ta scuenta ya'tel ta stojol te ajwalil; pero ma ba hu' yu'unic stahbeyel smul o falta yu'un, como jun yo'tan, hich mayuc bin chopol la stahic o te ma ts'acaluc la spas te ya'tele.

San Mateo 27:2

Chucul a la yiq'uic bahel, c'oht ya'beyic ta sc'ab te gobernador Poncio Pilato.

San Marcos 3:2

Yac stsahtaybel yilic teme ya slecubtes ta sc'ahc'alel cux-o'tan, yu'un tey ya slehbeyic smul a.

San Lucas 11:54

yu'un ya stsahtay yilic teme ay bin ya yal te hich ya slehbeyic smul a.

San Lucas 20:21

Hich la sjoc'obeyic: Maestro, jna'ojcotic te lec ac'op soc toj ya xnohpteswanat, soc mayuc mach'a tsahbil nax awu'un, smelelil yac awac' ta nopel te be yu'un Dios.

San Lucas 20:26

Hich ma ba hu' yu'unic stsajbelic ta c'op ta stojol te ants-winiquetic, pero xcham yo'tanic yu'un te suhtibe, ch'abic yu'un.

2 Pedro 2:3

Ta scaj sbic'sitayel taq'uin ya me slo'loyex ta scuenta lotil c'op. Ayix ora te quechel yich'belic castigo yu'un, soc yac smahliybel te ch'ayel yu'unique.