San Lucas 2:9 - Bible in Tzeltal Bachajón

⁹ Chicnaj ta stojolic jtuhl ch'ul a'bat yu'un Dios, te sts'anabul Dios hul stihltes sba ta sjoyobalic; bayel xiwic yu'un.

Nuevo Testamento Tzeltal de Amatenango

⁹ Ora chiknaj tal ta stojolik jtul chꞌul ángel yuꞌun te Kajwaltike. Xlemet julel xojobil te Kajwaltik ta sjoylejal te ba ayike. Beno xiꞌik yuꞌun.

Bible in Tzeltal de Oxchuc y Tenejapa

⁹ Chicnaj tel ta stojolic jtul ch'ul abat yu'un te Cajwaltique. Lem tel xojobil Cajwaltic ta sjoyobalic. Bayal xiwic yu'un.

San Lucas 2:9 ပူးပေါင်းရင်းမြစ်များ

1 Reyes 8:11

Ma ba hu' yu'unic spasel ya'telic te sacerdotehetic ta scaj te tocale, como noj ta yutsilal Jehová te Na yu'une.

Éxodo 16:10

C'alal yac to ta c'op a te Aarón ta stojol spisil te pueblo yu'un te snich'nab Israel, la yilic bahel ta jochol taquin q'uinal, chicnaj te yutsilal Jehová ta tocal.

Éxodo 16:7

soc pajel ta sab ya me awilbeyic yutsilal te Jehová, yu'un la ya'iybeyex te atijawic ta c'op ta scontrahinel Jehová. Yan te ho'otcotique, ¿mach'ahotcotic yac awa'iyic a te yac atijotcotic ta c'op? xchihic.

Isaías 35:2

Bayel ya xnichin, tse'el yo'tan soc ya xc'ayojin soc yutsil q'uinal. Ya x'a'bot te yutsilal te Líbano, te st'ujbilal te Carmelo soc Sarón. Ya me yilbeyic te yutsilal te Jehová, te st'ujbilal te Dios cu'untique.

Isaías 40:5

Hich ya xchicnaj te yutsilal te Jehová, soc spisil ants-winiquetic pajal me ya yilic, como c'opojix te Jehová, xchi.

Isaías 60:1

Hahchan, tihlan, como talix te sacal q'uinal awu'un, soc te yutsilal Jehová hulix ta atojol.

Ezequiel 3:23

Hich hahchon bahel, loc'on bahel ta spamlej. Tey ay a te yutsilal te Jehová, hich te bin ut'il te yutsilal la jquil ta sti'il te muc'ul-ha' Quebar; la jpahcan jba c'alal ta lum, la jca'be sta lum te jti'bahe.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Lucas 1:28

Te ch'ul a'bat och bahel ta banti ay te ach'ix, hich la yal: ¡Ya jpatbat awo'tan, ha'at te c'uxultaybilat yu'un Dios! Sjoquinejat te Cajwaltic, bayel awutsil ta yohlil te antsetique, xchi.

San Lucas 2:8

Ay jcanan-tuminchijetic nopol tey a, yaquic ta scanantayel stuminchijic ta ahc'abal.

San Lucas 24:4

Yacalic na'etel a, xtehc'lujet c'ohel ta sts'ehlic cheb winiquetic te xlipet sacal sc'u' spaq'uic.

San Juan 12:41

Hich la yal te Isaías te c'alal la yilbe yutsilal te Jesús soc te la yalbe sc'oblale.

Hechos 12:7

Repente nax c'oht stehc'an sba ch'ul a'bat yu'un te Cajwaltic, soc xlipet sts'anabul ta yutil te cárcel; c'oht stijbe smochbaquel te Pedro, hich la yal: Hahchan ta ora, xchi. Ora pohl hilel te cadenahetic chucticlambil sc'ab a.

Hechos 27:23

Yu'un ahc'abe la stehc'an sba ta jtojol jtuhl ch'ul a'bat yu'un Dios, ha te ayon ta scuenta soc te ayon ta a'batinel yu'un,

Hechos 5:19

Pero te ch'ul a'bat yu'un te Cajwaltic la sjam ta ahc'abal te puertahetic yu'un te cárcel, la yic'ticlan loq'uel, hich la yalbe:

2 Corintios 3:18

Ha yu'un ta jpisiltic, te ma ba macbilix ta pac' te jsit quelawtic, te yacotic ta yilbeyel yutsil te Cajwaltic hich te bin ut'il ta espejo, yacotic ta yanijel te pajal quileltic soc, te behbe quich'bel cutsilaltic, ta scuenta ya'tel te Cajwaltic, te ha nix te Espíritu.

2 Corintios 4:6

Como te Dios te la yal mandar te ac'a sacubuc q'uinal ta banti ay yihc'al q'uinal, ha nix la yac' tal sts'anabul ta co'tantic scuenta yu'un hich ya jna'tic a te yutsilal Dios ta sit yelaw te Jesucristo.

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

Hebreos 12:21

Te bin ut'il c'ax xiweltic sba te bin la yilic, hich la yal yu'un te Moisés: Yacon ta nihquel yu'un xiwel, xchi.

Apocalipsis 18:1

Patil la jquil co tal ta ch'ulchan yan ch'ul a'bat te tulan ya'tel yich'oj, soc sacub q'uinal ta bahlumilal yu'un te sts'anabule.

Apocalipsis 20:11

La jquil muc'ul saquil huctajibal soc te mach'a hucul tey a; ahn bahel te ch'ulchan soc bahlumilal ta stojol, ma ba weht banti ya x'ayinic.