San Lucas 2:47 - Bible in Tzeltal Bachajón

⁴⁷ Spisil te mach'atic yac ya'iybelic, xcham yo'tanic yu'un te sp'ijil yo'tan soc te suhtib yu'une.

Nuevo Testamento Tzeltal de Amatenango

⁴⁷ Spisil te machꞌatik la yaꞌibeyik sluwar skꞌop te Jesuse, lom cham a yaꞌiyik, yuꞌun beno spꞌijil ta sjakꞌel te aꞌabiyeje.

Bible in Tzeltal de Oxchuc y Tenejapa

⁴⁷ Spisil te mach'atic la yaiyic stojol sc'op te Jesuse, jchajp nax la yilic te bit'il ay sp'ijil sjol ta sujt'esel te aiyeje.

San Lucas 2:47 ပူးပေါင်းရင်းမြစ်များ

Salmos 119:99

C'ax hich ya jna' a te bin ut'il spisil te jnohpteswanejetic cu'un, como ya jna'ulan te testigo-c'op awu'une.

San Mateo 13:54

C'alal c'oht ta slumal, la ya'iy p'ijubteswanej ta sinagoga yu'unic; xcham yo'tanic yu'un, hich la yalic: ¿Banti la sta te sp'ijile soc bin ut'il ya xhu' yu'un spasel te jchahp a'teliletic ini?

San Mateo 22:33

C'alal hich la ya'iyic te ants-winiquetic, xcham yo'tanic yu'un te nohptesel yu'une.

San Mateo 7:28

C'alal laj yo'tan ta c'op te Jesús, xcham yo'tanic te ants-winiquetic yu'un te nohptesel yu'une,

San Marcos 1:22

Xcham yo'tanic yu'un te nohptesel yu'un, como hich la ya'iy p'ijubteswanej te bin ut'il te mach'a tulan ya'tel, ma pajaluc soc te escribanohetique.

San Marcos 11:18

Te escribanohetic soc te principal sacerdotehetic la ya'iyic, soc hahch slehic bin ya yut ya smilic. Pero xi'ojic, como spisil te pueblo lec la ya'iyic te p'ijubtesel yu'une.

San Marcos 6:2

C'alal la sta te sc'ahc'alel cux-o'tan hahch ya'iy p'ijubteswanej ta sinagoga. C'alal la ya'iyic, xcham yo'tan tsobolic yu'un, hich la yalic: ¿Banti la sta tal te c'op ini? ¿Bin a te p'ijil c'op ini te a'bot, soc te jchahp a'teliletic ini te yac spasbele?

San Lucas 2:18

Spisil te mach'atic la ya'iyic xcham yo'tanic yu'un te bin halbotic yu'un te jcanan-tuminchijetique.

San Lucas 2:46

Yoxebalix c'ahc'al a, c'oht stahic ta Templo, hucul ta yohlil te maestrohetic yu'un te Ley, yac ya'iylambel soc yac sjoc'oylambel.

San Lucas 4:22

Spisilic la yalbeyic lec sc'oblal soc xcham yo'tanic yu'un te yutsil sc'op te la yale. Hich la yalic: ¿Ma bal ha'uc te snich'an José? xchihic.

San Lucas 4:32

Xcham yo'tanic yu'un te bin yac yac'bel ta nopel, como ay yip te sc'ope.

San Juan 7:15

Xcham yo'tanic yu'un te judíohetic, hich la yalic: ¿Bin ut'il ay a te bayel bintic ya sna' te ma ba yich'oj p'ijubtesel? xchihic.

San Juan 7:46

La yalic te policiahetic: ¡Mayuc mach'a hich ya xc'opoj a te bin ut'il ya xc'opoj te winic ini! xchihic.