San Lucas 2:46 - Bible in Tzeltal Bachajón

⁴⁶ Yoxebalix c'ahc'al a, c'oht stahic ta Templo, hucul ta yohlil te maestrohetic yu'un te Ley, yac ya'iylambel soc yac sjoc'oylambel.

Nuevo Testamento Tzeltal de Amatenango

⁴⁶ Ta yoxebal to kꞌaal a kꞌo staik ta templo nakal sok te maestroeetik yuꞌun te mantaliletike. Te Jesuse yipal ta yaꞌiyel te tut ya yalike sok ya sjojkꞌobeyik sluwar.

Bible in Tzeltal de Oxchuc y Tenejapa

⁴⁶ Yoxebal to c'aal la staic ta templo, nacal ta yolilic te jts'ibojometique. Yac ta yaiyel stojol te bila ya yalique, soc ay bila ya sjojc'obeyic ta stojolic.

San Lucas 2:46 ပူးပေါင်းရင်းမြစ်များ

1 Reyes 12:12

Ta yoxebal c'ahc'al tal te Jeroboam soc spisil te pueblo ta stojol te Roboam, hich te bin ut'il la yal te ajwalil: Suhtanic tal ta jtojol ta yoxebal c'ahc'al, te xchihe.

1 Reyes 12:5

Te Roboam hich la yalbe: Bahanic, ta yoxebal c'ahc'al ya me suhtex tal ta jtojol, xchi. Hich bahtic te pueblo.

Isaías 50:4

Te Cajwaltic Jehová la yac' te hich ya xc'opojon te bin ut'il mach'a p'ijuben, scuenta yu'un ya jna' bin ya calbe te mach'atic luhbenique. Ta jujun sab ya stijbon hahchel jchiquin scuenta yu'un hich ya ca'iy te bin ut'il mach'a p'ijuben.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.

San Mateo 16:21

Ha nix ta yorahil a hahch yalbe ya'iyic te jnopojeletic yu'un te ya me xbaht ta Jerusalén soc te ya xc'ax swocol yu'un te mamaletic soc te principal sacerdotehetic soc te escribanohetic, ya me yich' milel, soc ya xcha'cuxaj ta yoxebal c'ahc'al.

San Lucas 2:47

Spisil te mach'atic yac ya'iybelic, xcham yo'tanic yu'un te sp'ijil yo'tan soc te suhtib yu'une.

San Lucas 5:17

Ay jun c'ahc'al c'alal yac ta p'ijubteswanej a te Jesús, soc tey huhcajtic a te fariseohetic soc maestrohetic yu'un te Ley te hahchemic tal ta jujun tut pueblohetic yu'un Galilea, Judea soc Jerusalén, te Jesús cuentahimbil yu'un te yu'el Dios ta slecubtesel jchameletic.

San Juan 3:10

Ha'at maestrohat yu'un Israel, xchi te Jesús, ¿yu'un bal ma xana' bin ut'il ay ini?

Hechos 5:34

Ha yu'un la stehc'an sba ta yohlil te jchahpanwanejetic jtuhl fariseo Gamaliel sbihil, ha maestro yu'un te Ley soc ich'bil ta muc' yu'un spisil te pueblo; la yac' ta ticonel loq'uel jts'ihnuc te jpuc-c'opetic,

1 Timoteo 1:7

Ya sc'anic te ha maestrohetic ya xc'ohtic yu'un te Ley, pero ma sna'beyic scuentahil te bin ya yalic o te bin ya yaq'uic ta nopel te ha smelelil ta sc'opic.