San Lucas 2:4 - Bible in Tzeltal Bachajón

⁴ Hich te José loc' hahchel ta Nazaret ta sq'uinal Galilea, mo bahel ta Judea, ta pueblo yu'un David, te Belén sbihil, como ha sts'umbal soc ha patil al-nich'anil yu'un David.

Nuevo Testamento Tzeltal de Amatenango

⁴ Jich te Josee lokꞌ bael ta jtejklum Nazaret te ay ta estado yuꞌun Galilea. Bajt ta Belen ta estado Judea, yuꞌun jaꞌ slumal te antibo rey David, sok jaꞌ stsꞌumbal jDavid te Josee.

Bible in Tzeltal de Oxchuc y Tenejapa

⁴ Jich te José loc' tel ta lum Nazaret ta bay sq'uinal Galilea. Bajt' ta lum Belén te ay ta sq'uinal Judea. Yu'un ja' slumal te namey q'uinal muc' ajwalil David, soc ja' sts'umbal David te Joseje.

San Lucas 2:4 ပူးပေါင်းရင်းမြစ်များ

Génesis 35:19

Hich cham te Raquel, la yich' muquel ta sbehlal Efrata, ha te Belén.

Génesis 48:7

Te c'alal loc'on tal ta Padan-aram, cham ta be te Raquel ta sq'uinal Canaán, ta nopol Efrata; la jmuc hilel tey ta sbehlal Efrata, ha te Belén, xchi.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Mateo 2:23

c'oht ta nahinel ta pueblo Nazaret sbihil, scuenta yu'un hich ya xc'oht ta pasel a te bin yaloj te jalwanejetic: Ya x'a'bot sbihilin Nazareno, te xchihique.

San Lucas 2:3

Spisilic baht yac' sbahic ta ahtayel ta jujun slumalic.

San Lucas 2:5

Baht yac' sba ta ahtayel soc te María te macbil yu'un, te swoloj yal a.

San Lucas 4:16

Tal ta Nazaret te banti muc'ub hahchel. Ta yorahil cux-o'tan och ta sinagoga, hich te bin ut'il c'ahyem ta spasel, soc la stehc'an sba ta yilel hun.

San Juan 1:46

La yal te Natanael: ¿Ta Nazaret bal ya c'an chicnajuc te bin lec? xchi. La', ilawil, xchi te Felipe.

San Juan 7:42

¿Ma bal hichuc ya yal te Shun Dios te ta sts'umbal David soc ta Belén, te slumal David, ya xtal te Cristo? xchihic.

Rut 1:19

Hich hahchic ta behel schebalic ha to c'alal c'ohtic ta Belén. C'alal ochic bahel ta Belén, bayel c'opoj yo'tanic yu'un spisil te pueblo, hich la yalic te antsetic: ¿Ma bal ha'uc te Noemí ini? xchihic yu'un.

Rut 2:4

Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.

Rut 4:11

Spisil te mach'atic ayic ta yochibal te pueblo soc te mamaletic hich la sjaq'uic: Ho'otcotic testigohotcotic yu'un. Te ants te ya x'och ta ana, hichuc ac'a c'ohtuc yu'un Jehová te bin ut'il Raquel soc Lea te la shachbeyic sna te Israel. Soc te ha'ate muc'uc me ac'oblal ta Efrata, soc na'biluc aba ta Belén.

Rut 4:17

Te antsetic te ha spat-xuhc hich la yalic: ¡Ayinix squerem-al te Noemí! xchihic. La ya'beyic sbihil Obed. Ha stat te Isaí, te ha stat te David.

1 Samuel 16:1

Te Jehová hich la yalbe te Samuel: ¿Jayeb xan c'ahc'al te yac awoq'uetay te Saúl, te bin ut'il ho'on la jch'aybeyix ya'tel ta ajwalil ta Israel? Bahan nojesa ta aceite te xulubil awu'un, ya jticonat bahel ta stojol Isaí ta Belén, yu'un la jtsahbeyix jtuhl snich'an te ya x'och ta ajwalil, xchi.

1 Samuel 16:4

Hich la spas te Samuel te bin ut'il halbot yu'un Jehová. C'alal c'oht ta Belén, te mamaletic yu'un te pueblo loq'uic tal ta stahel soc xiwel, hich la yalic: ¿Scuenta bal lamal-o'tanil te talate? xchihic.

1 Samuel 17:12

Te David ha snich'an jtuhl efrateo-winic te talem ta Belén ta sq'uinal Judá, Isaí sbihil; ay waxactuhl snich'nab. Mamalix a ta yorahil Saúl.

1 Samuel 17:58

La sjoc'oy te Saúl: Querem, ¿bin sbihil atat? xchi. La sjac' te David: Ha jtat te Isaí ta Belén, te a'bat awu'un, xchi.

1 Samuel 20:6

Teme ya sjoc'oyon te atat, hich xawalbe: La yalbon wocol te yacuc xbaht ta slumal ta Belén, como spisil te mach'atic ay yu'un ya yaq'uic te milbil mahtanil scuenta jujun ha'bil, xchihan me.