San Lucas 2:37 - Bible in Tzeltal Bachajón

³⁷ hil ta me'ba'antsil, ayix chaneb yo'winic (84) ha'bil. Spisil ora ay ta Templo, c'ahc'al ahc'abal la sch'uhuntay te Dios ta scuenta sc'oponel Dios soc scomel swe'el.

Nuevo Testamento Tzeltal de Amatenango

³⁷ Ayix 84 jaꞌbil yaꞌbilal a te jil ta biudae. Sil tiempo ay ta templo. Kꞌajkꞌal ajkꞌubal ay ta abatinel yuꞌun te Kajwaltike y ya skomilan sweꞌel ta skꞌoponel te Diose.

Bible in Tzeltal de Oxchuc y Tenejapa

³⁷ Ayix chane'yo'winic (84) ja'wil ya'wilal te jilem ta me'ba antse. Spisil ora ay ta templo. C'aal ajc'ubal la spas ayuno ta sc'oponel te Diose.

San Lucas 2:37 ပူးပေါင်းရင်းမြစ်များ

Salmos 22:2

Dios cu'un, ya cawtayat ta c'ahc'alel, pero ma ba yac ajac'bon jc'op; soc ta ahc'abal mayuc cux-o'tan cu'un.

Salmos 23:6

Te bin lec soc te c'uxul-o'tanil ya me st'unon te jayeb c'ahc'al cuxulon, soc bayel c'ahc'al ya x'ayinon ta sna Jehová.

Salmos 27:4

Junax te bin jc'ambeyej te Jehová, te ha ya jle: ha te ya x'ayinon ta sna Jehová te jayeb c'ahc'al cuxulon, yu'un ya quilbe st'ujbilal te Jehová soc yu'un ya jle ta Templo yu'un.

Salmos 84:10

Ha lec te jun c'ahc'al ta amaq'uetic awu'un te bin ut'il jmil c'ahc'al ta yan lugar. Ha lec ya ca'iy te ha jcanan-puertahon ta sna te Dios cu'un, te bin ut'il te ya xnahinon ta sna te mach'atic chopolic.

Salmos 84:4

¡Bayel me yutsil te mach'atic ya xnahinic ta ana; spisil ora ya sc'ayojtayat! Selah

Salmos 92:13

ts'umbilic ta sna Jehová, ya me xnichinic ta amaq'uetic yu'un te Sna te Dios cu'untique.

Éxodo 38:8

La spas te yawil ha' soc te scajtajib ta bronce, ha la stuhun te espejohetic yu'un te antsetic yac'oj sbahic ta a'batinel ta yochibal te Nahilpac' Templo yu'un tahojibal.

San Lucas 5:33

Ha yu'un hich la yalic: ¿Bin yu'un te jnopojeletic yu'un Juan bayel buelta ya scom swe'elic soc ya sc'oponic Dios, soc ha nix hich ya spasic te jnopojeletic yu'un te fariseohetic, yan te jnopojeletic awu'un ya xwe' x'uch'ic stuquelic? xchihic.

Hechos 13:3

Hich, te c'alal laj scombel swe'elic soc sc'opombelic Dios yu'un, la scajambe sc'abic ta sjolic soc la sticonic bahel.

Hechos 14:23

La slehic ancianohetic ta jujun iglesia, la scom swe'elic soc la sc'opombeyic Dios, hich la ya'beyic ta sc'ab te Cajwaltic te ha sch'uhunejiquixe.

Hechos 26:7

ha te bin halbil ta jamal te yacalic ta smahliyel te lahchaychahp jts'umbaltic te ya xc'oht ta pasel, te c'alal yac yac'bel sbahic spisil ora ta a'batinel yu'un Dios c'ahc'al ahc'abal. Ta scuenta te smuc'ul-o'tanil ini te la slehbonic jmul te judíohetic, ajwalil Agripa.

1 Timoteo 5:5

Yan te mach'a me'ba' ants te stuquel ay, ha smuc'ulinej yo'tan te Diose, soc c'ahc'al ahc'abal ya ya'telin yalel wocol soc sc'oponel Dios.

Apocalipsis 3:12

Te mach'a ya ya'iy tsalaw, ya cac' te ha yoyal ya xc'oht ta templo yu'un te Dios cu'un, soc mayuc bin ora ya xloc' tey a. Tey nix ta stojol ya me jts'ihbabe te sbihil te Dios cu'un soc te sbihil te muc'ul pueblo yu'un te Dios cu'un, ha te yach'il Jerusalén te ya xco tal ta ch'ulchan ta stojol te Dios cu'un; soc ya jts'ihbay te yach'il jbihile.

Apocalipsis 7:15

Ha yu'un te ayiquix ta stojol te smuc'ul-huctajib te Dios soc c'ahc'al ahc'abal ayic ta a'batinel ta templo yu'un. Te Mach'a hucul ta muc'ul huctajibal ya me smuc'ubtes te snahilpac' ta stojolic.

1 Samuel 2:2

Mayuc mach'a yan hich ch'ul Dios a te bin ut'il Jehová, mayuc yan, ha'at nax atuquel; mayuc yan ahnibal hich te bin ut'il te Dios cu'untique.