San Lucas 2:27 - Bible in Tzeltal Bachajón

²⁷ Tijbot yo'tan yu'un te Espíritu, hich tal ta Templo. C'alal ic'bil c'ohel ta Templo yu'un sme'stat te alal Jesús, yu'un hich ya spasic te bin halbil ta Ley,

Nuevo Testamento Tzeltal de Amatenango

²⁷ Jicha ikꞌot tal ta templo yuꞌun te Chꞌul Espíritu te mam Simeone te tut kꞌaalil a laj tal te smeꞌ-stat te alal Jesuse, tal spasbeyik te tut ya yal te mantaliletike.

Bible in Tzeltal de Oxchuc y Tenejapa

²⁷ Jich ic'ot tel ta templo yu'un te Ch'ul Espíritu te bi c'aalil tal te sme'-stat te alal Jesuse, tal spasic te bit'il ya yal ta mandalile.

San Lucas 2:27 ပူးပေါင်းရင်းမြစ်များ

Jeremías 32:11

Patil la jquich' te shunal ta chonel, ha te yich'oj sello te banti ya yalbe sc'oblal bin ut'il ay ta chonele, soc la jquich' te yan hun te ma ba yich'oj sello,

San Mateo 4:1

Te Jesús ic'ot bahel yu'un te Espíritu ta jochol taquin q'uinal scuenta yu'un tey ya xbaht ta tsajel yu'un a te pucuje.

San Lucas 2:22

Soc te c'alal ts'acay te jayeb c'ahc'al ya yich'ic lecubtesel, hich te bin ut'il ya yal te Ley yu'un Moisés, la yiq'uic tal ta Jerusalén te alal yu'un ya ya'beyic ta stojol te Cajwaltique,

San Lucas 2:28

te Simeón la spet te alal soc la yalbe yutsil sc'oblal te Diose, hich la yal:

San Lucas 2:41

Jujun ha'bil ya xbahtic ta yilel te Q'uin Pascua ta Jerusalén te sme'stat te Jesús.

San Lucas 2:48

Xcham yo'tanic te sme'stat yu'un te c'alal la yilic; hich la yal te snane: Cal, ¿bin yu'un hich la apasbotcotic? Te atat soc ho'on ay jwocolcotic yac jlehbelatcotic, xchi.

San Lucas 2:51

Hich te Jesús la sjoquin suhtel ta Nazaret soc la yac' sba ta cuentahinel yu'unic. Te snan la sq'uej ta yo'tan spisil te bin c'ohtix ta pasel.

San Lucas 4:1

Te Jesús, nojel ta yo'tan te Ch'ul Espíritu, loc' bahel ta Jordán, ic'ot bahel yu'un te Espíritu ta jochol taquin q'uinal

Hechos 10:19

Te Pedro, yac ta na'etel te bin scuentahil te bin la yil ta snahalsit, hich halbot yu'un te Espíritu: Yac slehbelat oxtuhl winiquetic.

Hechos 11:12

Te Espíritu la yalbon te jun co'tan ya joquin bahel. Ha nix la sjoquinon bahel te wactuhl quermanotactic ini, ochotcotic ta sna jtuhl winic

Hechos 16:7

C'alal c'ohtic ta Misia, c'an bahticuc ta Bitinia, pero ma ba ac'otic bahel yu'un te Espíritu.

Hechos 8:29

Te Ch'ul Espíritu la yalbe te Felipe: Nohpojan bahel ta carreta, joquina bahel, xchi.

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

Apocalipsis 1:10

Ta sc'ahc'alel te Cajwaltic cuentahimbilon yu'un a te Espíritu, la jca'iy ay mach'a tulan c'opoj ta jpat hich te bin ut'il yoq'uel corneta,

Apocalipsis 17:3

La yic'on bahel ta jochol taquin q'uinal ta scuenta te Espíritu, la jquil jtuhl ants cajal ta tsajal chambahlam te xiweltic sba te scohtol ts'ihbabil bihililetic scuenta sbohlc'optayel Dios, soc ay huqueb sjol soc lajuneb xulub.