San Lucas 2:25 - Bible in Tzeltal Bachajón

²⁵ Ay jtuhl winic ta Jerusalén, Simeón sbihil, toj ta winiquil soc jun yo'tan ta stojol Dios, soc yac smahliybel te ya xmuc'ubtesbot q'uinal ya'iy te Israel; soc cuentahimbil yu'un te Ch'ul Espíritu.

Nuevo Testamento Tzeltal de Amatenango

²⁵ Ay jtul mamal te ay ta Jerusalen te Simeon sbiile. Toj ta mamalil, sok lek xchꞌuunej te Diose. Jun yoꞌtan yipal ta smaliyel te tut ora ya xkoltayot te jꞌisraeletike. Te Simeone joyimbil yuꞌun te Chꞌul Espiritue.

Bible in Tzeltal de Oxchuc y Tenejapa

²⁵ Ay jtul winic te ainem ta lum Jerusalén te Simeón sbiile. Toj ta winiquil, soc yich'oj ta muc' te Diose. Jun yo'tan yac ta smaliyel te bi ora ya yich' coltayel ta libre te lum Israele. Te Simeone sjoinej te Ch'ul Espiritue.

San Lucas 2:25 ပူးပေါင်းရင်းမြစ်များ

Génesis 6:9

Hich ay sc'oblal te yorahil Noé. Toj ta winiquil te Noé; ha nax te lec yo'tan stuquel ta yohlil te ants-winiquetic ta hich ora. Behen soc Dios te Noé.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Job 1:8

¿La bal awil te ca'bat Job te mayuc mach'a yan hich pajal soc ta bahlumilal te lec soc toj ta winiquil, te yich'oj ta muc' te Dios soc mayuc bin chopol ya spas? xchi te Jehová.

Isaías 25:9

Ta hich ora hich me ya yalic: ¡Ilawil, ha Dios cu'untic ini! La jmahliytic, hich ya scoltayotic. ¡Ha te Jehová ini te la jmahliytic! Tse'eluc me co'tantic soc ayuc me yutsil co'tantic yu'un te coltayel yu'une, xchihic.

Isaías 40:1

Muc'ubtesbeyahic q'uinal, muc'ubtesbeyahic q'uinal ya'iy te pueblo cu'un, xchi te Dios awu'unique.

Miqueas 6:8

Ha'at ants-winicat, te Jehová la yalbatix te bin lec, te bin ya sc'ambat ta atojol: ha te yac apas te bin toj ta pasel, te c'ux ta awo'tan te c'uxultaywanej, soc te peq'uel yac awac' aba ta stojol te Dios awu'une.

Números 11:25

Hich co tal ta tocal te Jehová, c'opoj soc te Moisés. La yich'be te espíritu te yich'oj te Moisés, la yac'ticlambe te lajuneb schanwinic (70) ta tuhl mamaletic. C'alal hul ta stojolic te espíritu, hahchic ta c'op scuenta jalwanej; junax buelta hich la spasic.

Números 11:29

Pero la sjac' te Moisés: ¿Yu'un bal xut'et awo'tan ta jcuenta? Ha lec te ha'uc jalwanejetic spisil te pueblo yu'un Jehová, te yacuc yac'ticlan te espíritu yu'un ta stojolic, xchi.

San Marcos 15:43

te José talem ta Arimatea, te mach'a ich'bil ta muc' ta yohlil te jtsohb chahpanwanejetic, te ha yac smahliybel te ya xtal te cuentahinel yu'un Dios, toj ochel ta stojol Pilato, la sc'ambe te sbaq'uetal te Jesús.

San Lucas 1:41

C'alal patbot yo'tan yu'un María te Elisabet, la stij sba te alal swoloje. Te Elisabet noj ta yo'tan te Ch'ul Espíritu,

San Lucas 1:6

Schebalic toj yo'tanic ta stojol Dios, soc ts'acal sch'uhumbeyejic spisil smandar te Cajwaltique.

San Lucas 1:67

Te Zacarías te stat te alale, noj ta yo'tan te Ch'ul Espíritu, hahch ta c'op ta scuenta jalwanej, hich la yal:

San Lucas 2:38

Ha yorahil a te c'oht te Ana, hahch yalbe bayel wocol te Diose, soc la yalticlambe sc'oblal te alal spisil te mach'atic yac smahliybelic te colel yu'un Jerusalén.

San Lucas 23:51

Ha nix hich yac smahliybel te bin ora ya xtal te cuentahinel yu'un Dios, soc ma ba la yac' sba stuquel a te bin la schapic te yantic jchahpanwanejetic soc te bin la spasique.

Hechos 10:2

lec yo'tan ta stojol Dios soc yich'oj ta muc' Dios soc sjunal sna; bayel ya sq'uebenlan staq'uin ta pueblo, soc spisil ora ya sc'opon Dios.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

Hechos 2:5

Ha yorahil a te ay ta Jerusalén judíohetic te jun yo'tan sch'uhunejic Dios, te talemic ta spisil ta chahp nacionetic ayic ta bahlumilal.

Hechos 24:16

Ha scuentahil te spisil ora ya jc'an te lec co'tan ya ca'iy ta stojol Dios soc ta stojol ants-winiquetic.

Deuteronomio 18:15

Te Jehová te Dios awu'un ya me yac' chicnajuc ta yohlil awermanotac jtuhl jalwanej hich te bin ut'il ho'on; ha me xawa'iy te bin ya yal.

2 Pedro 1:21

como te sc'op-jalwanejetic ma ba talem ta scuenta sc'anojel yo'tan ants-winic, ha cuentahinotic yu'un te Ch'ul Espíritu te winiquetic te hich c'opojic ta scuenta Dios.