San Lucas 2:14 - Bible in Tzeltal Bachajón

¹⁴ ¡Bayel yutsil te Dios ay ta toyol, soc ay lamal q'uinal ta bahlumilal, ay yutsil yo'tan Dios ta stojol te ants-winiquetique! xchihic.

Nuevo Testamento Tzeltal de Amatenango

¹⁴ “¡Ben tsaꞌam slekil te Dios te ay ta chꞌulchane! Ya yakꞌ bujtsꞌan kꞌinal ta balmilal ta stojol te machꞌatik ayik ta kꞌuxutayel yuꞌune”, xchiik.

Bible in Tzeltal de Oxchuc y Tenejapa

¹⁴ “¡Jelawen ay yutsilal te Dios te ay ta ch'ulchan! Ya yac' lamajuc q'uinal ta balumilal ta stojol spisil ants-winiquetic te ayic ta c'uxtayel yu'une”, xiic.

San Lucas 2:14 ပူးပေါင်းရင်းမြစ်များ

Isaías 44:23

Ha'at ch'ulchan, c'ayojinan soc yutsil q'uinal yac awa'iy, yu'un hich spasoj te Jehová; awonanic, sc'ubulil bahlumilal. Hahchanic ta c'ayoj, ha'ex witsetic, tohyem te'etic soc spisil te'etic ayic tey a, como te Jehová la yac' ta libre Jacob, soc ya xchicnaj yutsilal ta scuenta Israel.

Isaías 49:13

¡Awonan soc yutsil awo'tan, ha'at ch'ulchan, ayuc yutsil q'uinal yac awa'iy, ha'at lumq'uinal! Ha'ex witsiltic, hahchanic ta aw yu'un yutsil q'uinal yac awa'iyic, como te Jehová la smuc'ubtesbe q'uinal ya'iy te pueblo yu'un soc ya me sna'be yo'bolil sba te mach'atic yu'un te ay swocolique.

Isaías 57:19

Ya ca'be yalic te yutsil c'oblalil ini: Lamaluc me q'uinal ta stojol te mach'a namal ay, lamaluc me q'uinal ta stojol te mach'a nopol ay, xchihic, soc ya jlecubteslan, xchi te Jehová.

Miqueas 5:5

ha lamal q'uinal cu'untic ya xc'oht. C'alal ya xtal te asiriahetic ta jq'uinaltic soc ya x'ochic ta t'ujbil muc'ul nahetic cu'untic, ya jticontic bahel huctuhl jcananetic soc waxactuhl príncipaletic te ya scontrahinic,

San Mateo 21:9

Te mach'atic nahil ayic soc te mach'atic patil ayic, hich yacalic ta yalel ta aw: ¡Hosana ta stojol te snich'an David! ¡Bayel yutsil te mach'a ya xtal ta scuenta sbihil te Cajwaltique! ¡Hosana ta toyol! xchihic ta aw.

San Lucas 1:79

yu'un ya sacubtes q'uinal ta stojol te mach'atic ayic ta yihc'al q'uinal soc ta yaxinal lajel; yu'un ya stojobtesotic bahel ta sbehlal lamal q'uinal, xchi te Zacarías.

San Lucas 19:38

Hich la yalic: ¡Bayel me yutsil te ajwalil te yac ta talel ta scuenta sbihil te Cajwaltique! ¡Lamaluc me q'uinal ta ch'ulchan soc ayuc yutsilal ta toyol! xchihic ta aw.

San Lucas 2:13

Ora nax chicnaj xan tsobol ch'ul a'batetic talemic ta ch'ulchan te yac yalbelic bayel yutsil te Diose, hich yac yalbelic:

San Lucas 2:15

C'alal suhtic bahel ta ch'ulchan te ch'ul a'batetic, te jcanan-tuminchijetic hich la yalbe sbahic: Conic ta Belén, con quiltic te bin c'ohtix ta pasel te la yaq'uix jna'tic te Cajwaltique, xchihic.

San Lucas 3:22

co tal ta stojol Jesús te Ch'ul Espíritu, sjel ta stsuhmut, soc ay c'op tal ta ch'ulchan te hich la yal: Ha'at Jnich'anat te bayel c'uxat ta co'tan, buen lec co'tan awu'un, xchi.

San Juan 14:27

Ya ca'beyex hilel lamal q'uinal; ya ca'beyex te lamal q'uinal cu'un; ma hichuc ya ca'beyex te bin ut'il ya yaq'uic te mach'atic ayic ta bahlumilal. Ma me xamel awo'tanic soc ma me xiwex.

San Juan 17:4

La jcac' ta ilel awutsilal li' ta bahlumilali, yu'un hu'ix cu'un te a'tel la awa'bon jpas.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Hechos 10:36

Dios la sticombe sc'op ta stojol te snich'nab Israel, la yalbe sc'oblal te lec yach'il c'op scuenta lamal q'uinal ta scuenta Jesucristo, ha te Ajwalil yu'un spisil.

Romanos 5:1

Ha yu'un te bin ut'il halbotic te toj ayotic ta scuenta sch'uhunel-o'tanil, hich lamal q'uinal ya ca'iytic ta stojol Dios ta scuenta te Cajwaltic Jesucristo,

Efesios 1:6

scuenta yu'un hich ya yich' halbeyel yutsil sc'oblal te yutsil yo'tan te la sc'uxultayotic a ta scuenta te Mach'a c'ux ta yo'tane.

Efesios 1:9

La ya'botic jna'tic te sc'anojel yo'tan te ma ba hu' ta na'el, yu'un hich la sc'an yo'tan, te hich schapoj ta yo'tan ta scuenta Cristo,

Efesios 2:4

Pero Dios, te bayel ya xc'uxultaywan, ta scuenta smuc'ul sc'uxul yo'tan ta jtojoltic

Efesios 2:7

scuenta yu'un ya yac' ta ilel ta patil bahel te c'ax bayel sc'uhlejal te yutsil yo'tan te chican ta scuenta te lec yo'tan ta jtojoltic ta scuenta Cristo Jesús.

Filipenses 2:11

soc spisilic ya me yalic ta jamal te ha Ajwalil te Jesucristo, scuenta yutsil sc'oblal ya xc'oht te Jtatic Dios yu'une.

Filipenses 2:13

como ha nix te Dios te ya x'a'tej ta awo'tanic, te ya yac' te yac ac'anic soc te yac apasic te bin lec ya sc'an yo'tan stuquel.

Colosenses 1:20

soc te ha ta scuenta te ya yac' te ya xlecub yo'tanic soc Dios spisil bintic ay ta bahlumilal soc spisil bintic ay ta ch'ulchan, ha la yac' lamal q'uinal ta scuenta sch'ich'el te la yich' malel ta cruz.

2 Tesalonicenses 2:16

Ha nix te Cajwaltic Jesucristo soc te Jtatic Dios, te ha la sc'uxultayotic soc la ya'botic yip co'tantic scuenta sbahtel q'uinal soc smuc'ul co'tantic ta scuenta yutsil yo'tan,

Apocalipsis 5:13

Soc spisil bintic ay ta ch'ulchan, ta bahlumilal, ta ye'tal bahlumilal soc ta mar la jca'iy hich yacalic ta yalel: Te mach'a hucul ta smuc'ul-huctajib, soc te Jcolel Tuminchij, ac'a yich' halbeyel yutsil sc'oblalic, ac'a ich'ec ta muc', ayuc me yutsilalic soc yu'elic ta sbahtel q'uinal, xchihic.